Популярні біблійні вірші з LUCAS 12

Поділитись

Bey xan te'ex, nu'ucbesaba'ex, tumen bic taalac u Paal Máac ti' le kiin ma' táan a pa'atique'exe'.

Caxte'ex túun u ajawil Jajal Dios, beyo' bíin a kame'ex tuláacal le ba'alo'oba'.

Tu ya'alaj xan: Ile'ex, canantaba'ex ti' u dzíibolta'al ayikalil, tumen u cuxtal máaque' ma' tu taal ti' u ya'abil le ba'alo'ob yaan ti'o'.

Tumen tu'ux a líikesmaje'ex a ayikalile'exe' ti' bíin yanac a pucsi'ikale'exi'.

¿Máax ti' te'ex cu páajtal u yantal jun náab asab ti' u ca'anlil u wíinclil tu yo'olal u sen tuclique'?

Cu dzo'ocole' tu ya'alaj Jesús ti' u aj canbalo'ob: Quin wa'alic te'exe' ma' a sen tucultique'ex ba'ax can a jaante'ex u ti'al a cuxtale'ex, mix le nook can a búuquinte'exo'.

Tumen tac u tzo'otzel a poole'exe' láaj xoca'antac. Ma' a ch'a'ique'ex sajaquil, tumen te'exe' asab yaan a tojole'ex ti' ya'abcach mejen ch'íich'o'ob.

In j tamane'ex, ma' a ch'a'ique'ex sajaquil, quex tumen jun p'íite'ex; ba'ale' a Taataex utz tu t'aan u dzáic le ajawil ti' te'exo'.

Pacte'ex le j ka'awo'obo': ma'atech u pakalo'ob mixtech u jocho'ob, mina'an xan u cúunche'ob mix u ch'iilo'ob, ba'ale' cu tzéenta'alo'ob tumen Jajal Dios. ¿Ma' wa asab yaan a tojole'ex ti' le ch'íich'o'obo'?

Le beetique' ma' a chi'ichnactale'ex tu yo'olal ba'ax bíin a jaante'ex wa ba'ax bíin a wuke'ex.

Wa Jajal Dios bey u búucbesic le xíiwo'ob yano'ob bejela'a' te j káaxo', ba'ale' sáamale' cu tóoca'alo'obe', asab bíin u beet Jajal Dios u ti'al u búucbesique'ex te'ex, jun p'íit ocsaj óol wíinique'ex.

Tumen mixba'al mucul ta'an bíin p'áatac ma' u yojéelta'al, mixba'al xan ta'aca'an bíin p'áatac ma' u caxta'al.