Популярні біблійні вірші з Genesis 3

Поділитись

Sa dihang nakita sa babaye nga ang bunga sa kahoy nindot tan-awon ug maayo kan-on, ug tungod kay tinguha niya nga mahimong maalamon, mikuha siya ug bunga ug mikaon. Gihatagan usab niya ang iyang bana nga uban kaniya, ug mikaon usab kini.

Sa tanang mga mananap nga gibuhat sa GINOONG Dios, ang bitin mao ang labing limbongan. Usa niadto ka higayon, gipangutana sa bitin ang babaye, “Tinuod ba gayod nga gidid-an kamo sa Dios nga mokaon sa bunga sa bisan unsa nga kahoy sa tanaman?”

Ikaw ug ang babaye mahimong magkaaway; ug ang imong kaliwat ug ang iyang kaliwat magkaaway usab. Dugmokon niya ang imong ulo ug paakon mo ang iyang tikod.”

Miingon usab siya sa babaye, “Tungod sa imong gibuhat, dugangan ko ang kalisod sa imong pagpanamkon ug ang kasakit sa pagpanganak. Ug bisan pa niana, mangandoy ka gihapon sa imong bana, ug siya ang mogahom kanimo.”

Kinahanglan nga maghago ka ug maayo sa dugay nga panahon una ka makakaon, hangtod nga mobalik ka sa yuta nga mao ang imong gigikanan. Kay sa abog ka gikan, sa abog ka usab mobalik.”

Miingon usab siya kang Adan, “Tungod kay naminaw ka sa imong asawa ug mikaon sa bunga sa kahoy nga gidili ko kanimo: “Tunglohon ko ang yuta tungod kanimo. Sa tibuok mong kinabuhi, maghago ka ug maayo aron ka makakaon.

Nangutana ang GINOONG Dios, “Kinsay nag-ingon kanimo nga hubo ka? Mikaon ka ba sa bunga sa kahoy nga giingon ko nga dili mo kan-on?”

Sa dihang napapahawa na niya ang tawo, nagbutang ang GINOONG Dios ug mga kerubin sa sidlakang bahin sa tanaman sa Eden. Nagbutang usab siya ug espada nga nagdilaab ug nagtuyok-tuyok aron walay makaduol sa kahoy nga naghatag ug kinabuhi.

Ginganlan sa lalaki ang iyang asawa ug “Eba” tungod kay siya ang mahimong inahan sa tanang mga tawo.