Oku - 2012 CABTAL (NT) Non  Drama

Oku - 2012 CABTAL (NT) Drama

<div class="version vid2622 iso6393oku" data-vid="2622" data-iso6393="oku">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Jesus ghene Zakaeus</div><div class="p"> 1Jesus ndu e&#768; lii &#603; Jeliko e&#768; se dia&#331;sene. 2Wel &#601;blee ne&#768; lu fo n&#603; &#603;&#769; to&#331;te ge Zakaeus, n&#603;&#768; lu ketuu se ghel &#603;yfii shile, gese lu wel &#601;bghaken. 3&#399;b ne&#768; k&#603;&#331;e se y&#603;ne wel w&#603; luun Jesus, di&#770; ke se taa bek ngose wel y&#603; &#603;y ne&#768; luun fo n&#603;&#768; &#601;b gese lu wel &#601;bt&#601;m. 4&#399;b me nyi&#331; e&#768; ndu se mbiy e&#768; kok se fekake sikamole ka &#601;b y&#603;n, bek ka Jesus ne&#768; chian &#603; jii fo. 5Jesus n&#603;y chin fo, e&#768; lose &#603;shi&#603; e&#768; kiy Zakaeus, e&#768; suuy se wen ge: Zakaeus, ya&#331;se s&#601;&#601;ke e&#768; gwiy, bek ge m&#603; lu se chii &#603; w&#603;&#768; ndaa lan. 6&#399;b me s&#601;&#601;ke chikiy chikiy e&#768; fiisen Jesus n&#603;&#768; &#603;ysa&#331;lee. 7Ghel &#603;jime y&#603;n ken&#601;&#601; ten e&#768; se v&#601;ke ge: &#399;b se nduu se chii ghene wele mbeese. 8&#400;&#769; ndu e&#768; lii. Zakaeus n&#603;y teem e&#768; suuy se Jesus ge: Y&#603;n-a Ba&#769;a&#768;ba, m&#603; n&#603;&#770;y gianen &#601;bfua &#601; wom &#603; feteten, e&#768; fo &#603;ybee &#603;ylee se gh&#603; ketane. Naa nd&#603; w&#603; m&#603; ne&#768; boonmen lu n&#603; m&#603; seese &#601;blik &#601;bk&#603;&#603;k. 9Jesus me suuy se wen ge: Ghele gh&#603; ndaa f&#603;ne boymen lan bek ge wel vin lu s&#603;y wa&#769;n &#601; Ablaham. 10Bek ge Wanwel ne&#768; gwiy se k&#603;&#331;, se gese se boyse ghii dii gh&#603; &#603;&#769; l&#603;yenmen.</div><div class="s">Ngan kum &#601;bkaa</div><div class="r">(Mat 25.14-30)</div><div class="p"> 11Se lu ka ghele yioten &#601;bn&#601;&#601; w&#603; Jesus ne&#768; suuyen, &#601;b se lu se maa ngan bek ge &#601;b ne&#768; se baksene se Jolesalem, n&#603; ghele kwaate ge &#603;ysak &#601; Feyine shi se gwiy k&#603;n se &#601;bliy. 12&#399;b me maa ngan ge: Wan &#601; ntok &#601;blee ne&#768; lo&#770; lo&#768;o&#768; e&#768; ndu se ketum kelee naa &#603; &#601;bt&#601;m, ge &#603;&#769; yiose wen se &#601;bfon e&#769; &#601;b kase fiile e&#768; y&#603; sake ketum &#601; wen. 13&#399;b loo lo&#768;o&#768; e&#768; ja&#331; ghel &#603;yf&#603;l n&#601; wen &#603;yv&#601;m, e&#768; giate &#601;bkaa se ghene &#603;yshi&#603; kaba, &#603;yshi&#603; kaba; e&#768; suuy se ghene ge: Gh&#603;n yese, e&#768; y&#603; b&#603;&#769;&#603;&#769;le&#769; &#601;bw&#603;y so se chin se ka m&#603; kase gwiy. 14Ne&#768; lu di&#770; n&#603; ghel &#603;lee bane wen, &#601;b lo&#768;o&#768; ghene me chokte ghel e&#768; tum ge &#603;&#769; ndu e&#768; suuy ge: Gh&#603;se ba&#769;a&#768; se ko&#331;e ge wel vin y&#603; lu &#601;bfon &#601; w&#603;s.</div><div class="p"> 15&#400;&#769; n&#603;y yiose wen se &#601;bfon, &#601;b kase fiile &#603; legh&#603;, e&#768; ja&#331; ghel &#603;yf&#603;l ghi gh&#603; &#601;b ne&#768; foon &#601;bkaa se ghene ge ghene gwiy e&#769; &#601;b keele ge ghene s&#603; ne&#768; yese e&#768; kiile l&#603;&#603;y s&#603;k-a? 16Wele w&#603;&#770; mbiy gwiy, e&#768; suuy ge: Ba&#769;a&#768;ba, m&#603; ne yese s&#603;k ne lii &#603; ketuu &#601;bkaa f&#603;y kaba &#603;yv&#601;m. 17&#399;b suuy se wen ge: Yib&#603;y, w&#603;&#768; n&#603;&#603;y fo, w&#603;&#768; lu wel &#603;yf&#603;l &#601;bju&#331;. Ka w&#603;&#768; ne&#768; foon &#603;ytem se toknen n&#603;&#768; &#601;bfua &#601;bt&#603;l&#603;, lu n&#603; m&#603; fo &#601;btaawe, e&#769; w&#603;&#768; y&#603; toknen n&#603;&#768; nt&#603;kse &#603;yv&#601;m. 18Kenkumtene wele gwiy, e&#768; suuy ge: M&#603; ne yese, s&#603;k ne lii &#603; ketuu &#601;bkaa f&#603;y kaba setan. 19&#399;b suuy se wen ge: W&#603;&#768; lu n&#603; w&#603;&#768; n&#603;&#603;y s&#603;y keju&#331;. M&#603; li&#603; w&#603;&#768; e&#769; w&#603;&#768; y&#603; toknen n&#603;&#768; nt&#603;k setan.</div><div class="p"> 20&#399;blee me gwiy, e&#768; suuy ge: Ba&#769;a&#768;ba, kaba &#601; yi&#603; yi yine ka m&#603; ne&#768; kulen &#603; kensake nd&#601;yse e&#768; lete. 21M&#603; ne fane w&#603;&#768; bek ka w&#603;&#768; luun wel &#603;yshi&#603; &#603;ytaa, li&#603; k&#603; w&#603; ba&#769;a&#768; l&#603;m, kaa k&#603; w&#603;&#768; ne&#768; ba&#769;a&#768; vii. 22Ba &#603;yf&#603;l n&#601; wen fise ge: W&#603;&#768; lu wel &#603;yf&#603;l &#601;bbee, n&#603;&#768; m&#603; sak w&#603;&#768; n&#603;&#768; gi&#603; s&#603; se f&#601;yen &#603; w&#603;&#768; &#601;bchio. W&#603;&#768; ne ke ge m&#603; lu wel &#603;yshi&#603; &#603;ytaa, li&#603; k&#603; m&#603; ba&#769;a&#768; l&#603;m gese kaa k&#603; m&#603; ba&#769;a&#768; vii. 23W&#603;&#768; ne&#768; ke di, n&#603;&#603;y gh&#603; f&#603; w&#603;&#768; l&#603;m &#601;bkaa wom &#603; &#603;ychia &#601;bkaa, bene f&#603; m&#603; n&#603;&#770;y kase gwiy e&#768; li&#603; n&#603;&#768; s&#603;k &#603; ketuu ten.</div><div class="p"> 24&#399;b me suuy se ghel gh&#603; &#603;&#769; ne&#768; tiyen fo ge: Gh&#603;n fii kaba ten se wen e&#768; fo se wel &#603;yf&#603;l w&#603; &#601;b kiin kabase &#603;yv&#601;m. 25Ghene suuy se wen ge: Ba&#769;a&#768;ba, &#601;b se ki kaba &#603;yv&#601;m. 26&#399;b me fise ge: M&#603; suuye se gh&#603;n ge wel &#601;bjim w&#603; &#601;b kiin, lu n&#603; Feyine n&#603;&#770;y fo &#601;bdione se wen, di&#770; n&#603; wel w&#603; &#601;b kiin wiy lu n&#603; naa k&#603; &#603;ylaye k&#603; &#601;b kiin lu n&#603; Feyine n&#603;&#770;y fii se wen. 27Gh&#603;n gwiy n&#603;&#768; mbanen &#601; some s&#603; se ne ba&#769;a&#768; se ko&#331;e ge m&#603; y&#603; lu &#601;bfon e&#768; yuyte&#769; &#603; m&#603; &#603;yshi&#603;.</div><div class="s">Jesus lii se Jolesalem ka &#399;bfon</div><div class="r">(Mat 21.1-11; Mak 11.1-11; Jn 12.12-19)</div><div class="p"> 28N&#603;&#770;y se lu ka Jesus maanmen ngan yi di, e&#768; chia e&#768; se koke se Jolesalem. 29&#399;b ndu e&#768; loo b&#603;&#603;te nt&#603;ke s&#603; Betfej ghene Betani &#603; kf&#601;n y&#603; to&#331;ten ge y&#603;&#770; koo Olif, e&#768; tum ghon-&#603;yf&#603;l n&#601; wen &#603;baa, e&#768; suuy ge: 30Gh&#603;n ndu &#603; nt&#603;k y&#603; &#603;y luun &#603; gh&#603;ne mbiy yii. Gh&#603;ne loo lii, e&#768; y&#603;n n&#603; &#603;&#769; ch&#601;&#331; wa&#769;n &#601; kemb&#603;&#603;ybiy, n&#603; wel ne b&#603;&#603;y gha&#768;a&#768; kok, e&#768; yas e&#768; gwiy so. 31Y&#603; lu ge wel bif se gh&#603;n ge gh&#603;n s&#603; ya&#769;se&#768; bek gh&#603;-a? Gh&#603;n suuy ge: Ba&#769;a&#768;ba shii keghene. 32Ghene ndu e&#768; y&#603;n &#601;bn&#601;&#601; &#601;bjim n&#603; &#601;b lu gh&#603;&#603;-gh&#603;&#603; ka &#601;b ke&#768; suuyen. 33Ghene loo yase kemb&#603;&#603;ybiy ki &#603;baa tene y&#603;n e&#768; bif ge: Gh&#603;ne ya&#769;se&#768; bek gh&#603;? 34Ghene fise ge: Ba&#769;a&#768;ba shii keghene, 35e&#768; me li&#603; e&#768; ndu so se Jesus, e&#768; yiysen n&#603; nd&#601;yse kenton n&#601; ghene, e&#768; kokse Jesus se ten. 36&#399;b loo ndu, ghele se chokte nd&#601;yse kenton n&#601; ghen sa&#331;te se jii. 37&#399;b ndu e&#768; beken se y&#603; chio &#603; kf&#601;ne koo Olif, feli&#603; ghon-&#603;yf&#603;l n&#601; wene k&#603;&#603;te se y&#603; fo &#603;ykokse se Feyine n&#603;&#768; &#603;ysa&#331;lee &#603; gi&#603; &#603;ytaa bek &#601;bn&#601;&#601; &#601;bchio &#601;byu&#769;me&#769;ne&#769; w&#603; ghene ne&#768; y&#603;nen. 38Suuye ge: &#400;ybose lu se &#601;bfon w&#603; &#601;b gwiyen &#603; &#601;btaawe n&#601; Bay. Nyia&#331; lu &#603;yyio, n&#603;&#768; &#603;ykokse lu se Feyin fe nga&#331;tene. 39Ghele kenone Falisee &#603;lee gh&#603; &#603;&#769; ne&#768; luun &#603; m&#601;me feli&#603; ghel f&#603;y me suuy se Jesus ge: Ndinte, wam ghon-&#603;yf&#603;l n&#601; w&#603;&#768;. 40&#399;b fise ge: M&#603; suuye se gh&#603;n ge: Ghene gok &#603; chichi, e&#769; &#603;tiye y&#603; l&#601;k.</div><div class="s">Jesus diy bek Jolesalem</div><div class="p"> 41Jesus loo baksen, e&#768; mak &#603;shi&#603; e&#768; y&#603;n Jolesalem, ketuu diile wen, &#601;b s&#601;kse &#601;mnshi&#603;, e&#768; k&#603;&#768;se&#768;n n&#603;&#768; &#603;ydiye, 42Suuye ge: Wel li&#603; ge gh&#603;n ke ken&#601;&#601; k&#603; lo&#768;o&#769; ke n&#603;&#603;y e&#769; gh&#603;ne ghe Feyine y&#603; lu keju&#331; lan. Di&#770; n&#603; lo&#768;o&#769; gh&#603;n jia bo keele &#603; leenen. 43&#399;bliye gwiye w&#603; mbanen &#601; s&#603;ne n&#603;&#770;y bom keng&#603;y e&#768; gim gh&#603;n so, e&#768; chite gh&#603;n. 44Ghene n&#603;&#770;y lii e&#768; yuyte gh&#603;ne ghon &#601; gh&#603;ne &#603;jim, e&#768; bv&#601;yte &#601;blik e&#769; &#603;ytiy &#603;ylee jia y&#603; nyi&#331; &#603; &#603;ylee ketuu. Ke na&#769;a&#768; kooy di&#770; bek ka gh&#603;n maan &#601;bliy w&#603; Feyine ne&#768; gwiyen &#603; ten se boyse gh&#603;n.</div><div class="s">Jesus jum gh&#603; &#601;bw&#603;ye se ndaa-&#603;ykokse</div><div class="r">(Mat 21.12-17; Mak 11.15-19; Jn 2.13-22)</div><div class="p"> 45Jesus me ndu e&#768; lii se ndaa-&#603;ykokse, e&#768; me se jume ghel gh&#603; &#603;&#769; ne&#768; b&#603;&#769;&#603;&#769;len &#601;bw&#603;y fo. 46Suuye se ghene ge: &#400;&#769; nyak &#603; &#331;waale-Feyin ge: Ndaa &#601; yom lu ndaa &#603;yjem, gh&#603;ne s&#603;y me bense se mbv&#601;k &#603;cho&#331;. 47&#399;b se dinte &#601;bn&#601;&#601; se ghele &#603; ndaa-&#603;ykokse &#601;bchii &#601;bjim. Ghele mbiy se gh&#603;&#769; nta&#331;lee, n&#603;&#768; gh&#603;&#769; &#603;ydinte tesake, gese n&#603;&#768; ghele mbiy &#603;lee se momse ge &#603;&#769; yu&#769;yte&#769; wen. 48Di&#770; e&#768; jia y&#603;n jii y&#603; chia &#603; ten bek ge ghel &#603;jime ne&#768; ki shii se yiote ken&#601;&#601; k&#603; &#601;b ne&#768; suuyen.</div>
 </div>
 </div>
</div>

Jesus ndu è lii ɛ Jeliko è se diaŋsene. Wel əblee nè lu fo nɛ ɛ́ toŋte ge Zakaeus, nɛ̀ lu ketuu se ghel ɛyfii shile, gese lu wel əbghaken. Əb nè kɛŋe se yɛne wel wɛ luun Jesus, dî ke se taa bek ngose wel yɛ ɛy nè luun fo nɛ̀ əb gese lu wel əbtəm. Əb me nyiŋ è ndu se mbiy è kok se fekake sikamole ka əb yɛn, bek ka Jesus nè chian ɛ jii fo. Jesus nɛy chin fo, è lose ɛshiɛ è kiy Zakaeus, è suuy se wen ge: Zakaeus, yaŋse səəke è gwiy, bek ge mɛ lu se chii ɛ wɛ̀ ndaa lan. Əb me səəke chikiy chikiy è fiisen Jesus nɛ̀ ɛysaŋlee. Ghel ɛjime yɛn kenəə ten è se vəke ge: Əb se nduu se chii ghene wele mbeese. Ɛ́ ndu è lii. Zakaeus nɛy teem è suuy se Jesus ge: Yɛn-a Báàba, mɛ nɛ̂y gianen əbfua ə wom ɛ feteten, è fo ɛybee ɛylee se ghɛ ketane. Naa ndɛ wɛ mɛ nè boonmen lu nɛ mɛ seese əblik əbkɛɛk. Jesus me suuy se wen ge: Ghele ghɛ ndaa fɛne boymen lan bek ge wel vin lu sɛy wán ə Ablaham. Bek ge Wanwel nè gwiy se kɛŋ, se gese se boyse ghii dii ghɛ ɛ́ lɛyenmen.


Se lu ka ghele yioten əbnəə wɛ Jesus nè suuyen, əb se lu se maa ngan bek ge əb nè se baksene se Jolesalem, nɛ ghele kwaate ge ɛysak ə Feyine shi se gwiy kɛn se əbliy. Əb me maa ngan ge: Wan ə ntok əblee nè lô lòò è ndu se ketum kelee naa ɛ əbtəm, ge ɛ́ yiose wen se əbfon é əb kase fiile è yɛ sake ketum ə wen. Əb loo lòò è jaŋ ghel ɛyfɛl nə wen ɛyvəm, è giate əbkaa se ghene ɛyshiɛ kaba, ɛyshiɛ kaba; è suuy se ghene ge: Ghɛn yese, è yɛ bɛ́ɛ́lé əbwɛy so se chin se ka mɛ kase gwiy. Nè lu dî nɛ ghel ɛlee bane wen, əb lòò ghene me chokte ghel è tum ge ɛ́ ndu è suuy ge: Ghɛse báà se koŋe ge wel vin yɛ lu əbfon ə wɛs.
Ɛ́ nɛy yiose wen se əbfon, əb kase fiile ɛ leghɛ, è jaŋ ghel ɛyfɛl ghi ghɛ əb nè foon əbkaa se ghene ge ghene gwiy é əb keele ge ghene sɛ nè yese è kiile lɛɛy sɛk-a? Wele wɛ̂ mbiy gwiy, è suuy ge: Báàba, mɛ ne yese sɛk ne lii ɛ ketuu əbkaa fɛy kaba ɛyvəm. Əb suuy se wen ge: Yibɛy, wɛ̀ nɛɛy fo, wɛ̀ lu wel ɛyfɛl əbjuŋ. Ka wɛ̀ nè foon ɛytem se toknen nɛ̀ əbfua əbtɛlɛ, lu nɛ mɛ fo əbtaawe, é wɛ̀ yɛ toknen nɛ̀ ntɛkse ɛyvəm. Kenkumtene wele gwiy, è suuy ge: Mɛ ne yese, sɛk ne lii ɛ ketuu əbkaa fɛy kaba setan. Əb suuy se wen ge: Wɛ̀ lu nɛ wɛ̀ nɛɛy sɛy kejuŋ. Mɛ liɛ wɛ̀ é wɛ̀ yɛ toknen nɛ̀ ntɛk setan.
Əblee me gwiy, è suuy ge: Báàba, kaba ə yiɛ yi yine ka mɛ nè kulen ɛ kensake ndəyse è lete. Mɛ ne fane wɛ̀ bek ka wɛ̀ luun wel ɛyshiɛ ɛytaa, liɛ kɛ wɛ báà lɛm, kaa kɛ wɛ̀ nè báà vii. Ba ɛyfɛl nə wen fise ge: Wɛ̀ lu wel ɛyfɛl əbbee, nɛ̀ mɛ sak wɛ̀ nɛ̀ giɛ sɛ se fəyen ɛ wɛ̀ əbchio. Wɛ̀ ne ke ge mɛ lu wel ɛyshiɛ ɛytaa, liɛ kɛ mɛ báà lɛm gese kaa kɛ mɛ báà vii. Wɛ̀ nè ke di, nɛɛy ghɛ fɛ wɛ̀ lɛm əbkaa wom ɛ ɛychia əbkaa, bene fɛ mɛ nɛ̂y kase gwiy è liɛ nɛ̀ sɛk ɛ ketuu ten.
Əb me suuy se ghel ghɛ ɛ́ nè tiyen fo ge: Ghɛn fii kaba ten se wen è fo se wel ɛyfɛl wɛ əb kiin kabase ɛyvəm. Ghene suuy se wen ge: Báàba, əb se ki kaba ɛyvəm. Əb me fise ge: Mɛ suuye se ghɛn ge wel əbjim wɛ əb kiin, lu nɛ Feyine nɛ̂y fo əbdione se wen, dî nɛ wel wɛ əb kiin wiy lu nɛ naa kɛ ɛylaye kɛ əb kiin lu nɛ Feyine nɛ̂y fii se wen. Ghɛn gwiy nɛ̀ mbanen ə some sɛ se ne báà se koŋe ge mɛ yɛ lu əbfon è yuyté ɛ mɛ ɛyshiɛ.


Nɛ̂y se lu ka Jesus maanmen ngan yi di, è chia è se koke se Jolesalem. Əb ndu è loo bɛɛte ntɛke sɛ Betfej ghene Betani ɛ kfən yɛ toŋten ge yɛ̂ koo Olif, è tum ghon-ɛyfɛl nə wen ɛbaa, è suuy ge: Ghɛn ndu ɛ ntɛk yɛ ɛy luun ɛ ghɛne mbiy yii. Ghɛne loo lii, è yɛn nɛ ɛ́ chəŋ wán ə kembɛɛybiy, nɛ wel ne bɛɛy ghàà kok, è yas è gwiy so. Yɛ lu ge wel bif se ghɛn ge ghɛn sɛ yásè bek ghɛ-a? Ghɛn suuy ge: Báàba shii keghene. Ghene ndu è yɛn əbnəə əbjim nɛ əb lu ghɛɛ-ghɛɛ ka əb kè suuyen. Ghene loo yase kembɛɛybiy ki ɛbaa tene yɛn è bif ge: Ghɛne yásè bek ghɛ? Ghene fise ge: Báàba shii keghene, è me liɛ è ndu so se Jesus, è yiysen nɛ ndəyse kenton nə ghene, è kokse Jesus se ten. Əb loo ndu, ghele se chokte ndəyse kenton nə ghen saŋte se jii. Əb ndu è beken se yɛ chio ɛ kfəne koo Olif, feliɛ ghon-ɛyfɛl nə wene kɛɛte se yɛ fo ɛykokse se Feyine nɛ̀ ɛysaŋlee ɛ giɛ ɛytaa bek əbnəə əbchio əbyúméné wɛ ghene nè yɛnen. Suuye ge: Ɛybose lu se əbfon wɛ əb gwiyen ɛ əbtaawe nə Bay. Nyiaŋ lu ɛyyio, nɛ̀ ɛykokse lu se Feyin fe ngaŋtene. Ghele kenone Falisee ɛlee ghɛ ɛ́ nè luun ɛ məme feliɛ ghel fɛy me suuy se Jesus ge: Ndinte, wam ghon-ɛyfɛl nə wɛ̀. Əb fise ge: Mɛ suuye se ghɛn ge: Ghene gok ɛ chichi, é ɛtiye yɛ lək.

Jesus loo baksen, è mak ɛshiɛ è yɛn Jolesalem, ketuu diile wen, əb səkse əmnshiɛ, è kɛ̀sèn nɛ̀ ɛydiye, Suuye ge: Wel liɛ ge ghɛn ke kenəə kɛ lòó ke nɛɛy é ghɛne ghe Feyine yɛ lu kejuŋ lan. Dî nɛ lòó ghɛn jia bo keele ɛ leenen. Əbliye gwiye wɛ mbanen ə sɛne nɛ̂y bom kengɛy è gim ghɛn so, è chite ghɛn. Ghene nɛ̂y lii è yuyte ghɛne ghon ə ghɛne ɛjim, è bvəyte əblik é ɛytiy ɛylee jia yɛ nyiŋ ɛ ɛylee ketuu. Ke náà kooy dî bek ka ghɛn maan əbliy wɛ Feyine nè gwiyen ɛ ten se boyse ghɛn.


Jesus me ndu è lii se ndaa-ɛykokse, è me se jume ghel ghɛ ɛ́ nè bɛ́ɛ́len əbwɛy fo. Suuye se ghene ge: Ɛ́ nyak ɛ ŋwaale-Feyin ge: Ndaa ə yom lu ndaa ɛyjem, ghɛne sɛy me bense se mbvək ɛchoŋ. Əb se dinte əbnəə se ghele ɛ ndaa-ɛykokse əbchii əbjim. Ghele mbiy se ghɛ́ ntaŋlee, nɛ̀ ghɛ́ ɛydinte tesake, gese nɛ̀ ghele mbiy ɛlee se momse ge ɛ́ yúyté wen. Dî è jia yɛn jii yɛ chia ɛ ten bek ge ghel ɛjime nè ki shii se yiote kenəə kɛ əb nè suuyen.

سنیں Luk 19