Kristus Klosan Lian 20 سے مشہور بائبلی آیات

شئیر

Kodi lia neꞌe, haꞌu katudu dalan baa emi, nebee emi moos haninu baa haꞌu hodi tulun ema susar sia. Hanoin diꞌa-diꞌak, tan Naꞌi Yesus dale naꞌak, ‘Lia diꞌak kaliuk mak ita foo nosi ita simu.’ ”

Mais soꞌin, tan Naꞌi Yesus mak latan serwisu neꞌe baa haꞌu. Haꞌu kmusti baa katak Lia Diꞌak baa ema, nebee sia moos natene Naꞌi Maromak laran diꞌak. Kalo la ktuir Niakaan hakara kodi kalaꞌok Niakaan serwisu neꞌe toꞌo mohu, haꞌukaan moris la noo folin.

Tan lia nia, rona diꞌa-diꞌak! Haꞌu kamohu tiꞌan haꞌukaan serwisu iha emikaan klaran. Oras neꞌe, emi musti serwisu duꞌuk ona. Kalo ema la tama dadi Naꞌi Maromak eman, emi naꞌin mak hataa hola. Lahoos haꞌu! Hanoin diꞌa-diꞌak! Haꞌu kalore tiꞌan Naꞌi Maromak hakaran hotu-hotu baa emi. La noo lia ida mak haꞌu ksubar baa emi. Emi musti daka aan diꞌa-diꞌak, nebee emi bele haliku diꞌa-diꞌak ema hotu-hotu mak Naꞌi Maromak Kmalar Lulik latan baa emi. Nia boi emi, nebee emi haliku Niakaan ema sia hanesan makbalin naliku bibi malae sia. Keta haluꞌa katak baa sia haꞌak, Yesus mate atu selu kotu sia nodi Niakaan raan duꞌuk.

Oras neꞌe, ita atu faꞌe malu ona. Haꞌu klatan emi baa Naꞌi Maromak liman, kodi kakroꞌan nebee Nia natudu laran diꞌak baa emi. Nebee emi hatene Niakaan Manfatin, tan Manfatin nia noo beran atu nakbiit emi. Manfatin nia moos loke dalan nebee emi bele simu fafaꞌek mak Naꞌi Maromak nadiꞌa kedan bodik Niakaan ema moon sia.