Marcos 16 سے مشہور بائبلی آیات

شئیر

Xi tma'n Jesús kye: —Kyxi'ye tuj tkyaqil twitz tx'otx', kypakb'anxe tqanil kolb'il kye kykyaqil xjal.

Ex aqeju che okslal, che b'antel qe señ lu kyu'n: K'ajb'el nb'iye kyu'n tu'n kyetz qe ju'ẍ tuj kyanmi xjal; ex ok che yolil tuj junxitl yol; qa ma jaw kytzyu'n qe lob'aj, ex qa ma txi kyk'a'n jun venen, minti' kb'ajel kyi'j; kb'el kyq'o'n kyq'ab' kyib'aj yab', ex che b'anixel qe yab' kyu'n.

Alkye ma tz'okslan ex ma b'yan, ok kletel; atzun teju minti' ma tz'okslan, kb'el t-sentens.

Atzun kye t-xnaq'tzb'en e je'x, xi kypakb'a'n tqanil kolb'il tuj tkyaqil lugar; ax Qajaw onil kye, in tkyuwsa'nxix ju yol kyu'n qe señ in b'ant kyu'n. Ikxwitju.

Atzunte ku'xun xi tma'n kye: —Mi'n che jaw sek'paje; in che jyone ti'j Jesús aj Nazaret, aju jaw q'o'n twitz crus. Mi a'l tzalu, ma jaw anq'in. Kyke'yintze jatum kub' q'o'n.

Ex tej kylonte, o kyil otoq tz'el q'i'n ju ab'j ttzi pantyón, ex aju ab'j lu ma'xix. Tejtzun kyokx tuj pantyón, o kyil q'uql jun ku'xun tuj b'anq'ab'aj, tok jun t-ẍjo'w saq; ex b'i'x e jaw sek'paj xu'j.