Lukas 14 سے مشہور بائبلی آیات

شئیر

Wan wäa no mie kjemt un haust nich sienen Voda un siene Mutta un siene Fru un siene Kjinja un siene Breeda un siene Sestren, butadäm uk noch sien Läwen, soo kaun hee nich mien Jinja sennen

wäa nich sien Kjriez drajcht un mie hinjaraun kjemt, kaun nich mien Jinja sennen.

dan jiedra, dee sikj selfst erhäft, woat raufjesat woaren, un wäa sikj selfst raufsat (jerinj helt), woat erhäft woaren.

Aulsoo uk jiedra von junt, dee sikj nich aufsajcht von aul sien Habungoot, kaun nich mien Jinja sennen.

Dan wäa von junt, well eenen Torm buen, sat sikj nich ieescht dol un beräakjent de Kosten, auf hee daut Needje toom foadich buen haft. Doamet nich meteenst, wan hee dän Grunt jelajcht haft, un nich foadich buen kaun, aule de daut seenen, fangen aun am to vespotten, un sajen: Dis Maun funk aun to buen un kunn nich beendjen.

Oba wan du eene Moltiet moakst (utreedst), dan lod de Oame, Kjräpel, Lome, Blinje en, un seelich woascht du sennen, wiels see ha nuscht; om die to vejelten; dan die woat vegolden (beloont) woaren aun däm Oppstondach de Jerajchte.

Daut Solt es goot; oba wan uk daut Solt krauftloos woat, met waut woatet wada kjraftich jemoakt woaren? Daut es nich fa daut Launt, es uk nich fa däm Dung Hupen to brucken, daut schmitt maun rut. Wäa Uaren haft toom hieren, dee hia.