LUKAS 11 سے مشہور بائبلی آیات

شئیر

Bah kheueh nyan gata ureuëng jeuhet, gata teutab tabri nyang jroh keu aneuëk-aneuëk gata. Peu kheueh lom Bapak gata nyang na lam syeuruga! Gobnyan teuma geubri Roh geuh keu ureuëng nyang lakée ubak Gobnyan!”

Dan, Ulôn peugah ubak gata: Lakée kheueh, keu gata teuma teubri; mita kheueh, nyang gata mita teuma meuteumé; keutok kheueh, teuma pintoe jibuka keu gata.

Sabab ureuëng nyang meulakée teuma jiteurimong; ureuëng nyang mita teuma jiteumé, dan ureuëng nyang keutok, pintoe teuma jibuka.

Teuma Isa laju geupeugah ubak awaknyan, “Meunyoe gata meudoá, peugah kheueh lagée nyoe, ‘Bapak, Droeneueh kheueh Allah Nyang Esa. Seumoga Droeneueh jiseumah ngon jihoreumat.

Neupeu amphon kheueh desya-desya kamoe, lagée kamoe meupeu amphon ureuëng-ureuëng nyang na salah nibak kamoe. Dan bék kheueh neupeubiyeu kamoe gadôh peucaya kamoe watée kamoe keunong peudaya.’ ”

Neubri kheueh keu kamoe tieb-tieb uroe peunajoh nyang kamoe peureulée.

Mata na kheueh panyöt keu tuboh. Meunyoe mata gata jeureunéh, bansaboh badan gata trang bandrang. Teuma meunyoe mata gata sapu, bansaboh tuboh gata ka jeuet keuseupôt tan deuh sapeue.

“Hana ureuëng nyang jitot panyöt laju jisöm atawa jitôb ngon guci. Ureuëng nyan jikeubah panyöt nyan bak gaki panyöt, mangat ureuëng nyang tamong deuh jingieng peungéh nyang trang.