LUKAS 12 سے مشہور بائبلی آیات

شئیر

Sabab nyan, gata pih harôh beusiab-siab, sabab Aneuëk Manusia teuma teuka bak watée nyang gata keudroe hana gata sangka-sangka.”

Teuma gata harôh ta useuha mangat Po teu Allah geupeurintah lam udeb gata, deungon lagée nyan nyang laén-laén teuma geubri lé Allah keu gata.”

Óh lheuehnyan ubak banmandum ureuëng nyang na disinan geupeugah lé Isa, “Até-até kheueh dan beuwaih-waih kheueh, bék sampoe gata jeuet keu ureuëng leuha. Sabab manusia udeb hana meugantung bak atra keukayaan jih mantong, bah kheueh nyan atra jih jai meukuyan-kuyan.”

Sabab dipat na atra gata, nibak teumpat nyan kheueh teuma na até gata!”

Soe kheueh nibak gatanyoe nyang sabab jih khawate jeuet jipeupanyang umu jih bah pih bacut?

Dan Isa laju geupeugah ubak murit-murit Gobnyan, “Nyan kheueh sabab jih ulôn peugah, ‘Bék kheueh khawate keuhai udeb gata, peue nyang teuma gata pajoh, dan peuteuma nyang teuma gata ngui.’

Ôk nyang na ateueh ulée gata pih ka geuitong banmandum, sabab nyan bék kheueh teumakot; gata jiôh leubeh muyuem nibak cicém-cicém nyan!”

“Gata nyang bacut jeumeulah jih, bék kheueh teumakot! Sabab Bapak gata galak geubri keu gata beureukat nibak Peumeurintahan Gobnyan.

Gata ngieng kheueh cicém po! Cicém nyan hana jipula, hana teuma peue nyang jipot, dan meunan cit hana jipeugét gupôk keuteumpat jikeubah peunajoh jih. Teuma, Po teu Allah teutab geupeulara beulatang nyan! Teuma digata leubeh meuhareuga nibak cicém-cicém nyan!

Ngon sabab nyan, bék kheueh khawate dan bingong keuhai peue nyang gata pajoh ngon gata jieb.

Naleueng lam blang uroe nyoe timoh singoh teutot. Teuma Po teu Allah teutab geupeusaneut naleueng nyan mangat teutab ceudah. Peuteuk lom gata! Teuma digata kureueng peucaya!

Hana nyang teusöm nyang hana deuh teukalon, dan hana nyang teurahsia nyang hana teupeugah.