LAMPA-LAMPANA 2 سے مشہور بائبلی آیات

شئیر

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

Tuli attojeng-tojemmi ke'nanga appilajara' ri tunisuroNa Allata'ala. Siagang tuli a'rappungammi ke'nanga appala' doang siagang sipangnganreang.

Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

Ti'ring nia'mo sa'ra kalangngerang battu ri langika, sangkammaya anging lompo sa'ranna. Sangnging ia mami anjo sa'raya kalangngerang anjoreng ri balla' napammantangia ke'nanga ammempo a'rappungang. Nampa nia'mo nacini' ke'nanga lila-lila kamma pepe', allepa' mange-mange sa'genna a'dongko' massing-massing mae ri ke'nanga. Nikoasai ngasemmi ke'nanga ri RohNa Allata'ala, sa'genna appakkaramulamo akkulle a'bicara lalang a'rupa-rupa bicara. Akkullemi a'bicara ke'nanga situru' apa nisareangai ri RohNa Allata'ala untu' lanapau.

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga. Siagang tuli mammuji-muji ke'nanga ri Allata'ala, na ningai ngaseng ri tau jaia. Pila' mange allo pila' katambangi jaina ke'nanga, lanri pila' Natambai Allata'ala tau nipasalamaka mae ri ke'nanga.

Nakana Allata'ala, ‘Ri allo kala'busanna jammanga laKupaturungi RohKu mae ri sikamma taua. Lanapabattuangko ana'-ana' bura'nenu siagang ana'-ana' bainenu sikamma apa-apa le'baka Kupabattu mae ri ke'nanga. Lanaciniki tu rungkanu apa-apa Kupappicinikanga mae ri ke'nanga. Lasso'nai tu toa-toanu, iamintu so'na Kupabattua mae ri ke'nanga.

Tuli ma'julu ati ngasengi anjo tau tappaka. Punna nia' apa-apanna ke'nanga, napassama-samai napake. Nabalukammi apa-apanna siagang pa'barang-baranganna ke'nanga, nampa nabage-bage ballinna ke'nanga situru' massing kaparalluanna ke'nanga.

Anjo wattua, inai-nai akkio' mae ri Batara iami lanipasalama'.’

La'jari sassangi alloa, la'jari ejai bulanga sangkamma cera' ri tenanapa nabattu AllonNa Batara, iamintu allo malompoa siagang mala'birika.