LAMPA-LAMPANA 3 سے مشہور بائبلی آیات

شئیر

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

Mingka nakanamo Petrus ri anjo tau pesoka, “Tena sikali doekku. Mingka apa niaka ri nakke, iaminjo lakusareangko: Lanri koasaNa Isa Almasi, battua ri Nazaret, kukana ri kau a'jappa mako!”

Nampa nata'gala' Petrus lima kananna anjo tau pesoka, na nabantu ammenteng. Ajari kassa' memammi silalonna bangkenna anjo tau pesoka. A'lumpa'mi nai' nammenteng, siagang a'jappa anrai'-kalau'. Nampa antama' ri Balla'Na Batara siagang Petrus na Yohanes, a'lumpa'-lumpaka tojeng na mammuji-muji ri Allata'ala.

Nucini'mi siagang nusa'bimi apa kajarianga ri kalenna anne tau pesoka. A'jari baji'mi siagang gassimmi ammotere' lanri tappaki mae ri Isa siagang kakoasanNa. Lanri tappa'na mae Isa, a'jari baji'mi ammotere' anne taua ri dallekannu ngaseng.