Lúʼkáasʉ 21 سے مشہور بائبلی آیات

شئیر

Pei páa lə̂ ndé, ə́ mə́ sʉ̂ʉtə Sê mpfu tsəm, a ŋə́ wéi mətəʉ lə̂ ndâghʼ ńdwǒghʼ məno mêi mi ə́ pə́ ńtó lêi, tə mbaa lə̂ ndâghʼ ńtə́ʉ mbi Môu Ŋuu.»

Pei laghʼə́ tû zéi lə̂ ncʉ́ʼ njóghʼ ḿpfár pə́ zə̂u, ə́ nô məluʼ ḿbʉ́ʉ, ə́ fʉ̂ məno mbə̂u lə̂ mbə̂u, ə́ mbóghʼ jîno zéi lə̂ ncwí tə leʼé lâʼ Môu Ŋuu táa ngí tó, ə́ ncʉ́ʼ fʉ́ŋə́ wéi fʉ́ŋə́

Ə́ ghʉ̌ lêitə pə́ lə̂ shəghʼ-ntə̂ʉ yi pei ghwǒ zěi, ə́ pei ghwó ləcwôr tə me.»

Ńté ńgó məŋ lə̂ ntáa ŋə́ wéi jîno yi pei lǎghʼ pwǒr no tə pəghaŋə mbəu péi kə́ mbóu nzôŋ gháp po, ə́ nkə́ mbóu ńdâʼ gháp có no po.

Lə́pû gháp ndesé ghʉ̌ mě, lə́ tsâr zâa yi tə́ láʼ mé.

«Ə́ wo láʼ pə́ mpfu wêi, ə́ pə jwó mələiʼi kwátə́ lə́ mə́nəu, ə́ nkwátə́ lə́ mə́saŋ mbaa lə́ pəcwôʼ-saŋ. Mə̂i-nci cʉʼʉ́ tə pye pə́tsəm pi gháp pə́ ndəu ndesé wóghʼə, ə́ mbóghʼ gháʼate. Pye-mə́soŋ cí pə́ mbôghʼ zə̂u yi ə́ pə́ mə́ ndei ndəu ndesé, ə́ nkwʉ́tə́. Mətəʉ mə́tsəm mi ə́ pə́ ləfaŋ kə́mə́. Ə́ pə cʉ́ʼ njwó, Môu Ŋuu pə́ cər məlâm mə́ ntô lə̂ nkeʼ mbaa tə́koʼ mətəʉ.

Pye pə́tsəm táa pǎa wéi ńté ghâa.

Ndesé táa cʉʼʉ́ gháʼate, wáʼ gháp pə məghou tə̌i wʉ̂ cər məcó məpaghʼə-ngoŋ. Mətəʉ məno táa kwatə́ ndəu ndesé, mələiʼi jwǐ kwátə́ lə́faŋ.

Pei lə̌i ntáa nyáŋ tə nzúʼ pə́ pə́ ndêʼtə tághʼə́ gháp məntso mi ə́ pə́ nkwatə cər məlâʼ, koo pei cwôʼ. Ńté ńgó mêi məzə̂u wo tsə̌mbi kwatə́, lə́ ə́ lághʼ ḿbə̂ yé pə́ ńgó ngoŋ wo lêi-lěi mě po.» Yěso kə̂ ncí ndáʼ lə́ páp ngô: «Tâʼ lâʼ táa lěsê lwóʼo có, fou tə̂u lesê ńdwoʼó cǒ.

«Ə́ wo láʼ pə́ mpfu wêi, ə́ pə jwó mələiʼi kwátə́ lə́ mə́nəu, ə́ nkwátə́ lə́ mə́saŋ mbaa lə́ pəcwôʼ-saŋ. Mə̂i-nci cʉʼʉ́ tə pye pə́tsəm pi gháp pə́ ndəu ndesé wóghʼə, ə́ mbóghʼ gháʼate. Pye-mə́soŋ cí pə́ mbôghʼ zə̂u yi ə́ pə́ mə́ ndei ndəu ndesé, ə́ nkwʉ́tə́. Mətəʉ mə́tsəm mi ə́ pə́ ləfaŋ kə́mə́.

Yěso kə̂ ncí ndáʼ lə́ páp ngô: «Tâʼ lâʼ táa lěsê lwóʼo có, fou tə̂u lesê ńdwoʼó cǒ.

A pwôr ngô: «Pei laghʼə́ tû zéi, ə́ mbáa ŋuu lə̂ fútə́ wéi. Ńté ńgó pye tə nzáa ghʉ̌ tághʼ ləjôghʼ zâa mbi, wǒwó lə́ páp pə́ ndâʼ ngô: “Mə̂ŋ Nzaʼ-nkʉ, ə mpfu kuʼ mə́”. Gháp lə̌i ntáa mə́ ndaʼ yə́rə́, koo pei pə̂i tə ntsə́ʉ nzəm páp.