ငဝ်ႈၵမ်ႇၽႃႇ 9 سے مشہور بائبلی آیات

شئیر

လိူဝ်​သေ​ၼၼ်ႉ​ၽြႃး​ပဵၼ်​ၸဝ်ႈ​ဝႃႈ၊ လၢၵ်ႈၶၼႃႇ​သၢၵ်ႈ​သေႇ​ပတီႉၺိၺ်ႇ​ဢၼ်​ၵဝ်​ႁဵတ်း​ဝူင်ႈ​ၵၢင်​ၵဝ်​တင်း ၸႃႉ​ၸဵမ်​သူ​တင်း​တရိၵ်ႈသၢၼ်ႇ​ၵႃႈ​ဢၼ်​ဢသၢၵ်ႈ​လိပ်း​ယူႇ​ၵႃႈ​တီႈ​သူ ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​သိုပ်ႇ​တၢမ်း​တၢမ်း​ဢမ်ႇ​ထၢတ်ႇ​ၸမ်ႉ၊- ၵဝ်​ဢဝ်​ႁူင်း​ႁႆး​ၵဝ်​ဝႆႉ ၵႃႈ​တီႈ​မွၵ်ႇ​ၵုမ်ႈ​ဢေႃႈ။ ဢၼ်​ၼၼ်ႉ​တၵ်း​ပဵၼ်​လၢၵ်ႈၶၼႃႇ​သၢၵ်ႈ​သေႇ ပတီႉၺိၺ်ႇ ဢၼ်​ၵဝ်​ႁဵတ်း​လူၺ်ႈ​ၵၼ်​တင်း​လိၼ်​မိူင်း​ဢေႃႈ။

ၵဝ်​တၵ်း​လူ​တူၺ်း​လွင်ႈ​ဢၼ်​ႁူင်း​ႁႆး​မီး ၵႃႈ​တီႈ​မွၵ်ႇ​ၵုမ်ႈ​ၼၼ်ႉ​သေ​လႄႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း​ပတီႉၺိၺ်ႇ​ထႃႇဝရႃႉ​ဢၼ်​မီး​ဝူင်ႈ​ၵၢင်​ၽြႃး​ပဵၼ်​ၸဝ်ႈ​တင်း​သတ်ႉတဝႃႇ၊တရိၵ်ႈသၢၼ်ႇ​ဢၼ်​ဢသၢၵ်ႈ​လိပ်း​ယူႇ​ၵႃႈ​ၼိူဝ်​လိၼ်​မိူင်း​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ထွၵ်ႇ​လိူတ်ႈ​ၵူၼ်း​ပႅတ်ႈ​ၼၼ်ႉ​ၸိုင်၊ ၵူၼ်း​တၵ်း​လႆႈ​ဢဝ်​တင်း​မိုဝ်း ထွၵ်ႇ​လိူတ်ႈ​ၵေႃႉ​ၼၼ်ႉ​ပႅတ်ႈ​ဢေႃႈ။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​ႁဵတ်း​ပဵၼ်​ၵူၼ်း မိူၼ်​ၸိူဝ်ႉ​ၼင်ႇ​ပုင်ႇ​ႁၢင်ႈ​ၽၢင်​မၼ်း​ၸဝ်ႈ​ဢေႃႈ။

ၽြႃး​ပဵၼ်​ၸဝ်ႈ​ၵေႃႈ​ပၼ်​တၢင်း​လီ​တီႈ​ ၼူဝ်းဢႃႇ တင်း​လုၵ်ႈ​လၢင်း​မၼ်း​တင်း​လၢႆ​လႄႈ​ဝႃႈ၊ သူ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​တႃႉ။ ႁႂ်ႈ​တဵမ်​လိၼ်​မိူင်း​တႃႉ။

ၵႃႈ​ဢၼ်​ဢသၢၵ်ႈ​လိပ်း​ယူႇ​လႄႈ ၸၢင်ႈ​တူင်ႉ​ၸၢင်ႈ​ၼိုင်​ၼၼ်ႉ​တၵ်း​လႆႈ​ပဵၼ်​ပုၼ်ႈ​ဢၼ်​သူ​တၵ်း​ၵိၼ်​ဢေႃႈ။ ၵဝ်​ဢဝ်​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင် ဢၢပ်ႈ​ပၼ်​တီႈ​သူ​မိူၼ်​ၸိူဝ်ႉ​ၼင်ႇ​မၢၵ်ႇ​ၼင်ႇ​မႂ်​ၼၼ်ႉ​ဢေႃႈ။

တရိၵ်ႈသၢၼ်ႇ​ဢၼ်​မီး​ၵႃႈ​ၼိူဝ်​လိၼ်​ၵူႈ​ၸိူဝ်ႉ​ၵူႈ​မဵဝ်း ဢိၵ်ႇ​တင်း​ၼူၵ်ႉ​ၵၢင်​ႁၢဝ်​ၵူႈ​ၸိူဝ်ႉ​ၵူႈ​မဵဝ်း​တင်း​သဵင်ႈ​တင်း​လူင် တၵ်း​လႆႈ​မီး​သၽေႃး​ဢၼ်​ၵူဝ်​ဢၼ်​ႁႄ ၵႃႈ​တီႈ​ၽၢႆႇ​ၼႃႈ​သူ​ဢေႃႈ။ ၵဝ်​ဢဝ်​ၸႃႉ​ၸဵမ်​ၶဝ်​လႄႈ ၵႃႈ​ဢၼ်​ၸၢင်ႈ​တူင်ႉ​ၸၢင်ႈ​ၼိုင်​ၵႃႈ​ၼိူဝ်​လိၼ် ဢိၵ်ႇ​တင်း​ပႃ​ပၢင်ႇ​လၢႆႇ​တင်း​သဵင်ႈ​တင်း​လူင်​ဢၢပ်ႈ​ပၼ်​ၵႃႈ​ၼႂ်း​မိုဝ်း​သူ​ဢေႃႈ။

သူ​ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​တႃႉ။ ၵိူတ်ႇ​လဵင်ႉ​ယႂ်ႇ​ယႂ်ႇ​ၼမ်​ၼမ် ၵႃႈ​ၼိူဝ်​လိၼ်​မိူင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​တႃႉ၊ ဝႃႈ​ၼင်ႇ​ၼႆ​ဢေႃႈ။