1 کُرِنتھِیوں 11 سے مشہور بائبلی آیات

شئیر

اِسی طرح کھانے کے بعد حُضُور عیسیٰ نے انگوری شِیرے کا پیالہ لیا اَور یہ کہہ کر دیا، یہ پیالہ میرے خُون میں نیا عہد ہے۔ جَب بھی اِسے پِیو میری یادگاری کے لیٔے یہی کیا کرو۔ کیونکہ جَب کبھی تُم یہ روٹی کھاتے اَور اِس پیالہ میں سے پیتے ہو تو خُداوؔند کی موت کا اِظہار کرتے ہو جَب تک کہ خُداوؔند کی زمین پر دُوسری آمد نہ ہو جائے۔

یہ بات مُجھ تک خُداوؔند کے ذریعہ پہنچی اَور میں نے تُم تک پہنچا دی کہ خُداوؔند عیسیٰ نے جِس رات وہ پکڑوائے گیٔے، روٹی لی، اَور خُدا کا شُکر کرکے توڑی اَور کہا، یہ میرا بَدن ہے جو تمہارے لیٔے توڑا گیا ہے، میری یادگاری کے لیٔے یہی کیا کرو۔

چنانچہ اِس روٹی میں سے کھانے اَور اِس پیالہ میں سے پینے سے پہلے ہر شخص کو چاہئے کہ وہ اَپنے آپ کو جانچ لے۔ کیونکہ جو اِس روٹی میں سے کھاتے وقت اَور اِس پیالہ میں سے پیتے وقت المسیؔح کے بَدن کو نہیں پہچانتا وہ اِس کھانے اَور پینے کے باوُجُود خُدا کی عدالت کے دِن سزا پایٔےگا۔

اِس لیٔے جو کویٔی غَیر مُناسب طور پر خُداوؔند کی روٹی کھائے یا اِس پیالہ میں سے پِئے وہ خُداوؔند کے بَدن اَور خُون کا گنہگار ٹھہرے گا۔

تُم میرے نمونہ پر چلو جَیسے میں المسیؔح کے نمونہ پر چلتا ہُوں۔