عِبرانیوں 2 سے مشہور بائبلی آیات

شئیر

چنانچہ حُضُور عیسیٰ نے خُود اَپنی آزمائش کے دَوران دُکھ اُٹھائے تھے اِس لیٔے وہ اُن کی بھی مدد کرسکتے ہیں جِن کی آزمائش ہوتی ہے۔

جِس طرح فرزند خُون اَور گوشت والے اِنسان ہیں تو حُضُور عیسیٰ بھی خُود اُن کی مانند خُون اَور گوشت میں شریک ہو گیٔے تاکہ اَپنی موت کے وسیلہ سے اُسے یعنی اِبلیس کو جسے موت پر قُدرت حاصل تھی اُس کے اِس قُوّت کو نِیست کر دے۔

چنانچہ جو باتیں ہم نے سُنیں ہیں اُن پر ہمیں خاص طور سے دل لگا کر غور کرنا چاہئے تاکہ کہیں اَیسا نہ ہو کہ ہم بہک کر اُن سے دُور چلے جایٔیں۔

پس حُضُور عیسیٰ کو ہر لِحاظ سے اَپنے بھائیوں کی مانند بننا لازمی تھا تاکہ وہ تمام اُمّت کے گُناہوں کا کفّارہ اَدا کرے اَور خُدا کی خدمت کے لِحاظ سے ایک رحم دل اَور وفادار اعلیٰ کاہِنؔ بنے۔

اَلبَتّہ ہم حُضُور عیسیٰ کو دیکھتے ہیں جو فرشتوں سے کچھ ہی کمتر کیٔے گیٔے تھے، تاکہ وہ خُدا کے فضل سے، ہر اِنسان کے واسطے اَپنی جان دیں اَور چونکہ حُضُور عیسیٰ نے موت کا دُکھ سہا اِس لیٔے اَب اُنہیں عِزّت اَور جلال کا تاج پہنایا گیا ہے۔