लुका 24 سے مشہور بائبلی آیات

شئیر

बाकि सुनह, मोर पिता जाकर बारेमा प्रतिग्या करले बडसि, वकरेके मुइ तोहार लघिना पठोबहि। उहेसे जखनिलइ तोहरा वपरासे परमेस्‍वरक सक्‍ति नाहिँ पउबह, तखनिलइ इहे सहरवामा इसियाइ रहिह।”

येसुजि यहवाँ हइने बडसि, हुने मरलिसे जियल बडसि! तोहरा सम्‍झह त! येसुजि गालिलमा रहइकि कथि कहले रहलसि?

तखनहिँ हुनुकर यखिया खुललइ हसे तहिँयहिँ येसुजिके चिने सकलइ। बाकि येसुजि हुनुकर यागासे बिलेलसि। तब हुनुका एक-दोसरि जनसाङे यसके बात करे लगलइ, “कथि येसुजि हमारसाङे पइडावामा धरमसास्‍तरवाक यरथ बुझोइकि हमार हृदय गहनि खुसि हइने भेल रहलइ त!”

हुनुकाके कहलसि, “धरमसास्‍तरवामा मोर बारेमा यसके लिखाइल बडइ कि, मुक्‍ति देलाहर ख्रिस्‍ट दुःख भोगके तिसरि दिनवामा मरके फेरि जिउते हखे परतइ, हसे ‘पाप मानके छडलाहरानिके परमेस्‍वर छमा देबसि’ कहके यरुसलेमक सहरवासे सुरु करके संसारक जम्‍मे जतियाक मन्‍सावानिके ख्रिस्‍टक नाउँमा सुसमाचार सुनोहि परतइ।

जब हुनुका वहवाँ पुगलइ, तब चिन्‍डियाक दुवरियासे झपलि पत्‍थरावा होटावल पउलइ। बाकि हुनुका चिन्‍डिया भितरा पेसइकि प्रभु येसुजिक देहिया हइने पउलइ।