Luk 24 سے مشہور بائبلی آیات

شئیر

Yohmi ka yakeh! A̱ki ʋt nana ka hʋch ima hi ʋt miha tok mak o̱, hʋchishno a̱ hʋchi o̱ kaiyanchi lishke: yohmi kia Chelusalem tʋmaha hak o̱ hʋsh aiashʋt, nana aia̱hli ʋba minti kʋt ont hʋchi anukfoyuka kak mak ashke, im achi tok.

Ilʋppa ikshoshke; amba tani tuk oke; Kalili a̱ anta moma mʋt hʋchim anoli kʋt

Mihma nishkin ʋt i̱ fatumʋt okla cha, yʋmmak ash ithanʋt okla tok; yohmi ma yʋmmak ash ot i̱ holhponayo ha̱ ai i̱ kʋninihya tok. Mihma, Ilʋppʋt takla ya̱ a pim anumpuli, micha Holisso Holitopa aiena ka achukmalit a pim otʋninchi ma, pi̱ chu̱kʋsh ʋt libisha tuk keyu̱? it im achi tok.

Mihmʋt, Klaist ʋt yakohmi hosh i̱ palʋmmit, illi tuk osh, anonti nitak ont atuchinakma illi tuk ʋt tana hi a̱, isht ai ʋlhpiesa tok. Micha ile kostinincha he, mikmʋt ai ashʋchika puta isht a kashofa he aiena kʋt yʋmma hohchifo ho̱ isht anumpa kʋt, ʋmmona ka Chelusalem ak o̱ ai isht ia hosh, oklushi moma isht im anumpa hi oke, achi hosh yakohmit holihi̱so hoke.

Mihma tʋli ʋt sepʋlka ya̱ kanima pit tonoli tuk o̱ okla pisa tok. Mihmʋt okla pit chukowa tuk osh, Chitokaka Chisʋs haknip ash ik peso ki tok.