IRPHUTNA 13
13
Abrama le Lota an irsen
1Khan Abrama chu Aigupta ram ata a suaka, Kanaan ram sim tiang a oma, a dôngma le an neinun murdi le Lota hai khom an rêngin an om suama. 2Khan Abrama chu sahai, sum le puan, rângachakhai a nei intamin a sân a’rchonga. 3Khan sim tiang ata irthonin Bethel hmun dênin a fea. Bethel le Ai khua kâra a phuta a puan in sungna hmun khan: 4a phuta a maichâm siamna hmuna khan Rengpa irhming sâmin a om nôka.
5Khan Lota, Abrama zuitu khom khan belra pâl, sehrât pâl le puan in a nei saa. 6Khan hmunkhata omsuam hrangin chu a ram a chîn tâk sikin; an neinunhai lak an pung pehai sikin, om suam thei ta mahaia. 7Khanchu Abrama sa enkoltuhai le Lota sa enkoltuhai kâra irsêlna a suak tâka; kha lai khan Kanaan mihai le Periz-hai khom, kha rama om an nia.
8Khanchu Abrama’n Lota kuanga khan, “Lungkham takin, nang le keima kâra ei sa enkoltuhai laia khom irsêlna ite om no ri se, ulenâi ei ni sikin. 9Ram irzât tak lak hin a iom mo ni ma? Lungkham takin keima kuang ata a bingin om ta ro: nangma vei tiang ni omin chu, keima chang tiang, nang chang tiang ni fe le keima vei tiang,” a tia. 10#Irp 2.10 Khanchu Lota chu ram a en vêla, Zoar khua tiang pan balamin, Jordan phâizôl murdi chu Rengpa irhuan ang le Aigupta ram anga tui tamna hmun a nih ti an hriata; Sodom le Gomora khom kha Rengpa’n a la insiat mân kha a nia. 11Khanchu Lota khan Jordan phâizôl kha an thang tâka; khan nisua tiang depin a oma; an irsen tâka. 12Abrama chu Kanaan rama khan a oma, Lota chu phâizôl khuaa a oma, a puan in chu Sodom khua dênin a son zêla. 13Khan, Sodom khua mihai chu Rengpa mithmua a satêrenga sual sin tho an nia.
14Khan Lota a bingin a om zoi ata chu Rengpa’n Abrama kuanga, “Thîrin lân, ni omna rengata sim, hmâr, nisua, nitâk envêl ro: 15#Tîr 7.5 ni ram hmu murdi hi nang le ni’rchihai a vuan ata kumkhuain nang pe ki ti. 16Khan ni’rchihai khom irnêng chunga la tam an ta, tûte itep zoi loiin om an ti. 17Thoiin lân ram hi a dung a khang irfang suak ro: nang ki ipêk hrang a ni,” a tia. 18Khanchu Abrama’n a puan in a sona, Hebron-a om, Mamre saso thing kôla khan omhmun a khuara; khataka khan Rengpa hrangin maichâm a siam ta.
موجودہ انتخاب:
IRPHUTNA 13: HRACLBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.