Jaona INDRAY MIJERY
INDRAY MIJERY
Tsy voatonona anarana ato amin’ny Filazantsara ny mpanoratra, fa Irénée, eveka, isan’ireo Rain’ny Fiangonana tamin’ny taonjato faharoa, dia tsy nisalasala nilaza fa i Jaona apostoly no mpanoratra, ary izy no ilay mpianatra iray nipetraka nihinana teo anilan’i Jesosy, ary izy koa ilay mpianatra vavolombelona manambara izany sy nanoratra izany.
Araka an’ny eveka Irénée ihany dia tany Efesosy i Jaona no nanoratra ity Filazantsara ity. Satria miteny matetika ny «Jiosy» ny mpanoratra dia heverina fa tsy any Palestina ny olona anoratany fa mety ho Fiangonana kristiana any Azia Minora.
Ny votoatin’ny Boky
Miavaka amin’ny Filazantsara telo voalohany ity Filazantsara fahefatra ity. Hatrany am-piandohana dia ambara fa Jesosy no Tenin’Andriamanitra tonga nofo. Afa-tsy ny tantaran’ny fijaliana dia vitsy ihany ny tantara voalaza ao amin’ny Filazantsara telo no hita ato.
Fito ihany ny fahagagana nataon’i Jesosy no tantaraina ato, ary izy rehetra dia ambara fa famantarana izay nanehoan’i Jesosy ny voninahiny mba hinoan’ny olona fa Izy no Zanak’Andriamanitra.
Ny 20.31 no milaza izay nokendrena tamin’ny nanoratana ny Boky, dia ny mba hinoan’ny mpamaky fa Jesosy no Kristy, Zanak’Andriamanitra, ary mba hananany fiainana raha mino izy.
Ny firafitry ny Boky
Fitarihanteny: 1.1-18
I Jaona Mpanao batisa sy ny mpianatra voalohany: 1.19-51
Ireo asa famantarana nataon’i Jesosy: 2.1–12.50
Ny didim-pananana navelan’i Jesosy: 13–17
Ny tantaran’ny fijaliana: 18–20
Famaranana: Fisehoan’i Jesosy tany Galilia: 21
موجودہ انتخاب:
Jaona INDRAY MIJERY: MRV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© La Société Biblique Malgache 2011