Exodo 6
6
1Dat kanan nan apo ken Moses en, “Owen, ngem awnitmo ilaen nan ikkak isnan ali. Tay awnitak piliten ay mangipalobos isnan ipogawko. Kinatet-ewana et awnit mapilitan ay mangipakaan ken daida isnan ilina.” 2Dat itoloy Apo Dios ay mangwani en, “Sak-en nan apo. 3Sak-en nan Dios ay manakabalin ay ninpaila id kasin ken da Abraham, Isaac yas ken Jacob ngem egayko inbaga ken daida nan ngadanko. 4Inkalik ken daida gedan ay idyak ken daida nan bakenda kowa ay ili ay Canaan ay din ninteteanda. 5Dat id wani ay dinngek nan mensegseg-anganda ay Israelita ay baan nan iyEgipto daket manemnem din inkalik. 6Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo. 7Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo. 8Daket iyey dakayo isnan ili ay insapatak ay itedko ken da Abraham, Isaac yas ken Jacob. Itedko nan ili ay deey ta menkowayo. Sak-en nan apo.’”
9Inbagan Moses dana isnan Israelita ngem egayda idnge gapo tay epdas nakaan nan namnamada isnan dadama ay napaligatanda. 10Dat kanan nan apo ken Moses en, 11“Enka ibaga isnan alin di Egipto ay masapol ay palobosana nan Israelita ay komaan.”
Nan Inbilin Nan apo Ken Da Moses Ken Aaron
6:28—7:7
28Issan nakikaliyan nan apo ken Moses 29et kinwanina en, “Sak-en nan apo. Ibagam isnan alin di Egipto nan am-in ay ibagak ken sik-a.” 30Ngem dat kanan Moses en, “Getkem met ay bakenak nalaing ay menkali. Adi adi mangidnge nan ali.”
موجودہ انتخاب:
Exodo 6: xnn
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.