Exodo 7
7
1Dat kanan nan apo ken Moses en, “Dengngem nan kanak. Pabalinek sik-a ay kaneg dios isnan ali tay si Aaron ay besatmo et awnit siya nan kinatopekmo ay mangibagbaga isnan laydem ay ibaga ay kaneg nan ikkan di mamadto. 2Ibagam ken Aaron nan am-in ay inbilinko ken sik-a et awnit siya nan mangibaga isnan ali ta palobosana nan Israelita ay komaan isnan ilina. 3Ngem awnitak ipakedse nan nemnem san ali ta adina idnge dakayo ay olay no adoado ay kaeegyat ay kaskasdaaw nan esak ipaila id Egipto. 4Daket dosaen is mendagsen ay dosa nan iyEgipto daket ikaan nan ipogawko ay Israelita. 5Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.” 6Dat ikkan da Moses ken Aaron nan am-in ay inbilin nan apo. 7Et issan deey ay timpo ay nakikaliyanda issan ali et waompoo nan tew-en Moses dapay abes waompoo ya tolo nan tew-en Aaron.
Nan Sokod Aaron
7:8-13
8Nakwas pay di dat kanan nan apo ken da Moses ken Aaron en, 9“No kanan nan ali en omipaila kayo is kaskasdaaw ay mangpaneknek en inbaak dakayo dakat ibaga ken Aaron ta alaena nan sokodna ta itep-ana isnan sagang nan ali et menbalin ay oweg.” 10Dat omey da Moses ken Aaron isnan ali et ikkanda nan inbilin nan apo. Intep-an Aaron nan sokodna isnan sagang nan ali ya isnan iib-ana dat tet-ewa menbalin is oweg. 11Dat paayagan nan ali nan mamasilib ya mensalsalamangka ay ipogawna et mensalamangkada abes dadapay ikkan nan inikkan Aaron. 12Wasdin esa ken daida ay mangitep-a isnan sokodna et ninbalin abes is oweg ngem ninkakan san sokod Aaron nan sokodda. 13Dat kayet ipakekedsen san ali nan nemnemna ay kaneg san kinwanin nan apo en adi idngen nan ali da Moses ken Aaron.
Nan Ninbalinan Nan Danom Is Basa
7:14-24
14Dat kanan nan apo ken Moses en, “Tet-ewa ay makedse nan ali isonga adina palobosan ay komaan nan Israelita. 15Isonga is wakgat et omeyyo sab-aten nan ali no omey isnan ginawang ay Nile. Ikakawityo din pinabalinyo is oweg ay sokod dakayot sed-en siya isnan benget san ginawang. 16No omdan san ali isdi dakat kanan ken siya en, ‘Inbaan nan apo ay Dios di Hebreo sak-en ay mangibaga ken sik-a en palobosam nan ipogawna ta omeyda mendayaw ken siya isnan pondag ngem enggana id wani et egaymo pinati. 17Et id wani kanan nan apo en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa. 18Awnit matey am-in nan ikan et somongsong nan naay ginawang et awnit madogis kayo ay iyEgipto ay mang-inom isnan danom.’ ” 19Dat kasin kanan nan apo ken Moses en, “Ibagam ken Aaron ta alaena san sokodna ta isawadna isnan am-in ay danom id Egipto isnan ketang, ginawang ya isnan sakdowan. Awnit menbalin is basa nan am-in ay danom isdi ya olay nan wada isnan kalamba ya isnan am-in ay maipaypay-an di danom.”
20Pinatin da Moses ken Aaron nan inbilin nan apo. Et isnan sagang san ali ya nan iib-ana dat tet-ewa isawad Aaron nan sokodna et isaplitna isnan ginawang dat menbalin nan danom is basa. 21Natey nan ikan dat somongsong nan ginawang isonga adiyet mainom nan iyEgipto san deey danom. Ninbalin ay basa nan am-in ay danom id Egipto. 22Ngem inikkan abes san deeyday mensalsalamangka isonga dat am-amed inpakedsen san ali nan nemnemna et egayna pinati da Moses ken Aaron ay kaneg san kinwanin nan apo. 23Dat somagong san ali isnan baeyna ay egayna polos inkaskaso san inikkanda. 24Am-in pay san iyEgipto et ninkaotda issan benget di ginawang ay Nile is omal-anda is inomenda tay adida mainom san danom isnan ginawang.
Nan Naipabal-an Nan Adoado Ay Tokak
7:25—8:15
25Nakwas pay nan pito ay agew enggana issan nangpabalinan nan apo is basa nan danom
موجودہ انتخاب:
Exodo 7: xnn
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.