Matayo 2
2
1AKI Yesu ootswaka nda Beteleme ea Yudea nd’ekek’eki Elode bokulaka owa roi; bala, banto ba wanya baoya nda Yelusalema lima wiji wa Est. 2Bakela, Ende ootswaki bokulaka owa Ba-Yuda ale nko? Ek’is’enaka ioci ikande nda wiji wa Est, ko toy’omemy’ende. 3Aki Elode bokulaka owa roi ookaka ngoko, aokakaana, ende la basi Yelusalema bauma. 4Ko aotakanya nkanga ya joso iuma, la bakoci b’anto, ko aolauola wiji boe Masiya ootswa. 5Ko baolokela, Nda Beteleme ea Yudea: ele joi jokotama la boteli eleng’ene,
6Ko we, Beteleme nd’ese ea Yuda,
Ofolekola bakulaka ba Yudea l’isisi;
Ele gouverneur ondesanya banto’akami Yisalaele
Ifoya lim’ele we.
7Nkako Elode aoleta banto ba wanya la lokuko, ko aolauola jefa liki ioci oenyaka o nduola mongo. 8Koko aolatoma nda Beteleme, aokela, Locwa ouol’olotsi nd’eloko ea bona’oko, ko a iny’ootana, lonjele bosako wae nje omemy’ende. 9Ak’iy’okaka bokulaka owa roi, baocwa mboka ekiyo; ko bala, ioci ik’iy’oenaka nda wili wa Est iocwa nda joso likiyo, elaka nko iolemala nd’itenela iki bona, 10Ak’iy’oene ioci, baosalangana l’ekemo euke na. 11Ko baolotswa nd’ilombe, ko baolena bona la Malia nyango ekande; baokwa mbosama, ko baolomemya, baokomola baumba’akiyo, baolekya nganji el’ende ya wolo la falankinsensa la mula. 12Ko ak’iy’olakemaka la Nzakomba nda liloto wete bafut’eka Elode, baocwa nd’ese ekiyo mongo l’emo mboka.
13Ak’iy’oimanaka, bala, ekima ea Yawe aoleny’ele Yosefa nda liloto, akela, Emala, kol’inkune ko la nyango ekande, ko lota nd’Ejipeto; yal’eko elaka nko nkosangele: ele Elode ifas’inkun’ine wae oome. 14Koko aolemala, aokola inkune ko la nyango ekande l’otso, ko aocwa nd’Ejipeto; 15aoyal’eko elaka nko iwa ya Elode: wete joi liki Yawe osangaka la boteli jiele, aokela, Ndetaki bona’okami lim’Ejipeto. 16Aki Elode oene wae banto ba wanya bolengola, aokama la nkele, aotom’anto, ko aooma bana b’aende baki nda Beteleme l’ese eko euma, banolu bakwa années be l’iy’atafokwa années ife bauma, eleng’ele ekeke eki’nde ouolaka banto ba wanya. 17Joi liki Yelemaya, owa boteli, osangaka joliela, aokela,
18Lofoso lolokana nda Lama,
Lilelo ja mpisali la nkimo ya lilelo,
Laele aolela bana’akande la mpisali;
Ko ende ntalanga bolombwel’ende lokeseli, el’iyo bafa lenkin’eko.
19Lolo aki Elode owaka, bala, ekima ea Yawe aoleny’ele Yosefa nda liloto nd’Ejipeto, 20akela, Emala, kola inkune ko la nyango ekande, ko uta nd’ese ea Yisalaele; ek’iyo bandasaki wae baom’inkun’ine baowa. 21Koko aolemala, aokol’inkune la nyango ekande, ko aoya nd’ese ea Yisalaele. 22Lolo aki’nd’ooke Alukelao aosulungana ise ekande Elode nda likulaka ja Yudea, ntacwa eko, eki’nd’oangaka; ko aolakema la Nzakomba nda liloto, aoleka nda wiji wa Ngalilaya, 23ko aoy’okit’ase nd’onanga botangema Nazaleta; wete joi liki boteli otefelaka jiele, aokela, Ende ifotangema bosi Nazaleta.
موجودہ انتخاب:
Matayo 2: NTMN58
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.