زبُور 14
14
اِنسان کی بدخَصلتی
مِیر مُغنّی کے لِئے داؤُد کا مزمُور۔
1احمق نے اپنے دِل میں کہا ہے کہ کوئی خُدا نہیں۔
وہ بِگڑ گئے۔ اُنہوں نے نفرت انگیز کام کِئے ہیں۔
کوئی نیکوکار نہیں۔
2خُداوند نے آسمان پر سے بنی آدمؔ پر نِگاہ کی
تاکہ دیکھے کہ کوئی دانِش مند
کوئی خُدا کا طالِب ہے یا نہیں۔
3وہ سب کے سب گُمراہ ہُوئے۔ وہ باہم نجِس
ہو گئے۔
کوئی نیکوکار نہیں۔ ایک بھی نہیں۔
4کیا اُن سب بدکرداروں کو کُچھ عِلم نہیں
جو میرے لوگوں کو اَیسے کھا جاتے ہیں جَیسے روٹی
اور خُداوند کا نام نہیں لیتے؟
5وہاں اُن پر بڑا خَوف چھا گیا
کیونکہ خُدا صادِق پُشت کے ساتھ ہے۔
6تُم غرِیب کی مشوَرت کی ہنسی اُڑاتے ہو۔
اِس لِئے کہ خُداوند اُس کی پناہ ہے
7کاش کہ اِسرائیلؔ کی نجات صِیُّون میں سے ہوتی!
جب خُداوند اپنے لوگوں کو اسِیری سے لَوٹا
لائے گا
تو یعقُوب خُوش اور اِسرائیل شادمان ہو گا۔
موجودہ انتخاب:
زبُور 14: URD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Revised Urdu Holy Bible © Pakistan Bible Society, 1970, 2010.