زبُور 58
58
خُدا سے درخواست کہ شرِیروں کو سزا دے
مِیر مُغنّی کے لِئے التشخیت کے سُر پر داؤُد کا مزمُور۔ مِکتاؔم۔
1اَے بزُرگو! کیا تُم در حقِیقت راست گوئی کرتے ہو؟
اَے بنی آدمؔ! کیا تُم ٹِھیک عدالت کرتے ہو؟
2بلکہ تُم تو دِل ہی دِل میں شرارت کرتے ہو
اور زمِین پر اپنے ہاتھوں سے ظُلم پَیمائی کرتے ہو۔
3شرِیر پَیدایش ہی سے کج رَوی اِختیار کرتے ہیں۔
وہ پَیدا ہوتے ہی جُھوٹ بول کر گُمراہ ہو جاتے ہیں۔
4اُن کا زہر سانپ کا سا زہر ہے۔
وہ بہرے افعی کی مانِند ہیں جو کان بند کر لیتا ہے۔
5جو منتر پڑھنے والوں کی آواز ہی نہیں سُنتا
خواہ وہ کتنی ہی ہوشیاری سے منتر پڑھیں۔
6اَے خُدا! تُو اُن کے دانت اُن کے مُنہ میں توڑ دے۔
اَے خُداوند! بَبر کے بچّوں کی داڑھیں توڑ ڈال۔
7وہ گُھل کر بہتے پانی کی مانِند ہو جائیں۔
جب وہ اپنے تِیر چلائے تو وہ گویا کُند پَیکان ہوں۔
8وہ اَیسے ہو جائیں جَیسے گھونگا جو گل کر فنا ہو جاتا ہے
اور جَیسے عَورت کا اِسقاط جِس نے سُورج کو دیکھا ہی نہیں۔
9اِس سے پہلے کہ تُمہاری ہانڈِیوں کو کانٹوں کی آنچ لگے
وہ ہرے اور جلتے دونوں کو یکساں بگولے سے اُڑا لے جائے گا۔
10صادِق اِنتقام کو دیکھ کر خُوش ہو گا۔
وہ شرِیر کے خُون سے اپنے پاؤں تر کرے گا۔
11تب لوگ کہیں گے یقِیناً صادِق کے لِئے اجر ہے۔
بے شک خُدا ہے جو زمِین پر عدالت کرتا ہے۔
موجودہ انتخاب:
زبُور 58: URD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Revised Urdu Holy Bible © Pakistan Bible Society, 1970, 2010.