زبُور 70
70
مدد کے لِئے پُکار
مِیر مُغنّی کے لِئے داؤُد کا مزمُور۔ یادگار کے لِئے۔
1اَے خُدا! مُجھے چُھڑانے کے لِئے۔
اَے خُداوند! میری مدد کے لِئے جلدی کر۔
2جو میری جان کو ہلاک کرنے کے درپَے ہیں وہ سب
شرمِندہ اور خجِل ہوں۔
جو میرے نُقصان سے خُوش ہیں وہ پسپا اور
رُسوا ہوں۔
3اہا ہاہا کرنے والے
اپنی رُسوائی کی وجہ سے پسپا ہوں۔
4تیرے سب طالِب تُجھ میں خُوش و خُرّم ہوں۔
تیری نجات کے عاشق ہمیشہ کہا کریں
خُدا کی تمجِید ہو۔
5پر مَیں غرِیب اور مُحتاج ہُوں۔
اَے خُدا میرے پاس جلد آ۔
میرا مددگار اور چُھڑانے والا تُو ہی ہے۔
اَے خُداوند دیر نہ کر!
موجودہ انتخاب:
زبُور 70: URD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Revised Urdu Holy Bible © Pakistan Bible Society, 1970, 2010.