Lukas 14
14
Een wotasochtja Maun woat aum Sabat jeheelt
1Un daut passieed, aus hee aum Sabat em Hus von eenem de Väastona (Bowaschta) de Farisäa kjeem, om to äten, un see beoobachten am jeneiw.
2Un kjikj, doa wia een Maun, een wotasochtja ver am. 3Un Jesus funk aun un säd to de Jesazesjelieede un Farisäa: Es et erlaubt, aum Sabat to heelen ooda nich? 4Oba see vehilden sikj ruich. Un hee fot am aun un heeld am un leet am gonen. 5Un to an säd hee: Wäa von junt, wan sien Esel (Sän) ooda Oss em Borm faulen woat, woat am nich fuaz rutholen aum Sabatdach? 6Un see kunnen nuscht doajäajen auntwuaden.
Wäa sikj selfst erhäft woat raufjesat woaren
7Oba hee säd to de Enjelodne een Jlikjnis, hee beoobacht, woo see de ieeschte Plaza wälden, un säd to an: 8Wan du von irjentwäm to eene Kjast enjeloden best, soo laj die nich oppem ieeschten Plauz, doamet nich een Jeieeda aus du, von am enjeloden es, 9un dee, dee die un am enjeloden haft, kjemt un sajen woat to die: Jeff disem Plauz; un dan woascht du aunfangen, met Schaund däm latsten Plauz entonämen. 10Oba, wan du enjelot best, un kjeemst, go un laj (sat) die oppem latsten Plauz, doamet, wan dee kjemt, dee die enjeloden haft, un hee to die sajen woat: Frint, go wieda no bowen. Dan woascht du Iea ha ver aule, dee met die aum Desch ligjen; 11dan jiedra, dee sikj selfst erhäft, woat raufjesat woaren, un wäa sikj selfst raufsat (jerinj helt), woat erhäft woaren.
12Oba hee säd uk to däm, dee am enjeloden haud: Wan du een Meddachäten ooda een Owentkost moakst, lod nich diene Frind, uk nich diene Breeda, uk nich dien Frintschoft, uk nich diene rikjen Nobasch, doamet nich uk see die wada enloden un die beloonen (vejelten) woaren. 13Oba wan du eene Moltiet moakst (utreedst), dan lod de Oame, Kjräpel, Lome, Blinje en, 14un seelich woascht du sennen, wiels see ha nuscht; om die to vejelten; dan die woat vegolden (beloont) woaren aun däm Oppstondach de Jerajchte.
Daut Jlikjnis von daut groote Owentmol
15Oba aus eena von dän, dee met am aum Desch lagen, daut hieed, säd hee to am: Seelich es, wia äten woat daut Mol em Rikj Gottes!
16Oba hee säd to am: Een Maun muak een grootet Gaustmol un loot väle en. 17Un hee schekjt sienen Kjnajcht om de Gaustmoltiet (Stund), om de Enjelodne to sajen: Komt, dan aules es aul reed. 18Un see fungen aule onen Utnom aun, sikj to entschuldjen. De ieeschta säd to am: Ekj ha een Aka jekoft un ekj mott onbedinjt gonen un dän bekjikjen; ekj bedd die, hool mie fa entschuldichjt. 19Un een aundra säd: Ekj ha 5 Poa Ossen jekoft, un ekj go han, dee uttoproowen, ekj bedd die, hool mie fa entschuldichjt. 20Un een aundra säd: Ekj ha eene Fru jefriet, doawäajen kaun ekj nich komen. 21Un de Kjnajcht kjeem un berecht dit sienem Har. Doa wort de Hushar bossich un säd to sienem Kjnajcht: Go schwind rut oppe Wäaj un Gaussen de (enne) Staut, un brinj hia häa de Oame un Kjräpels un Blinje un Lome. 22Un de Kjnajcht säd: Har, daut es passieet, waut du befoolen haudst, un doa es noch Plauz. 23Un de Har säd toom Kjnajcht: Go rut aum Launtwajch un aun de Tien un lod an en nentokomen, doamet mien Hus jefelt woat; 24Dan ekj saj junt, kjeena de enjelodne Mana woat mien Gaustmol schmakjen.
De Bedinjungen toom Jesus nofoljen
25Oba väl Volkj jinkj met am; un hee dreid sikj om un säd to an: 26Wan wäa no mie kjemt un haust nich sienen Voda un siene Mutta un siene Fru un siene Kjinja un siene Breeda un siene Sestren, butadäm uk noch sien Läwen, soo kaun hee nich mien Jinja sennen; 27wäa nich sien Kjriez drajcht un mie hinjaraun kjemt, kaun nich mien Jinja sennen.
28Dan wäa von junt, well eenen Torm buen, sat sikj nich ieescht dol un beräakjent de Kosten, auf hee daut Needje toom foadich buen haft. 29Doamet nich meteenst, wan hee dän Grunt jelajcht haft, un nich foadich buen kaun, aule de daut seenen, fangen aun am to vespotten, 30un sajen: Dis Maun funk aun to buen un kunn nich beendjen. 31Ooda woon Kjennich, dee utjeit (uttrakjt), om sikj met eenem aundren Kjennich em Kjrich nentoloten, sat sikj nich ieescht han un äwalajcht, auf hee em Staund es, däm met 10 000 to bejäajnen, dee jäajen am kjemt met 20 000. 32Wan oba nich, soo schekjt hee, solang hee noch wietauf es, eene Bootschoft un bedd om Bedinjunk toom Fräd. 33Aulsoo uk jiedra von junt, dee sikj nich aufsajcht von aul sien Habungoot, kaun nich mien Jinja sennen.
34Daut Solt es goot; oba wan uk daut Solt krauftloos woat, met waut woatet wada kjraftich jemoakt woaren? 35Daut es nich fa daut Launt, es uk nich fa däm Dung Hupen to brucken, daut schmitt maun rut. Wäa Uaren haft toom hieren, dee hia.
موجودہ انتخاب:
Lukas 14: PBJHF
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© SW-Radio e.V.
Lukas 14
14
Een wotasochtja Maun woat aum Sabat jeheelt
1Un daut passieed, aus hee aum Sabat em Hus von eenem de Väastona (Bowaschta) de Farisäa kjeem, om to äten, un see beoobachten am jeneiw.
2Un kjikj, doa wia een Maun, een wotasochtja ver am. 3Un Jesus funk aun un säd to de Jesazesjelieede un Farisäa: Es et erlaubt, aum Sabat to heelen ooda nich? 4Oba see vehilden sikj ruich. Un hee fot am aun un heeld am un leet am gonen. 5Un to an säd hee: Wäa von junt, wan sien Esel (Sän) ooda Oss em Borm faulen woat, woat am nich fuaz rutholen aum Sabatdach? 6Un see kunnen nuscht doajäajen auntwuaden.
Wäa sikj selfst erhäft woat raufjesat woaren
7Oba hee säd to de Enjelodne een Jlikjnis, hee beoobacht, woo see de ieeschte Plaza wälden, un säd to an: 8Wan du von irjentwäm to eene Kjast enjeloden best, soo laj die nich oppem ieeschten Plauz, doamet nich een Jeieeda aus du, von am enjeloden es, 9un dee, dee die un am enjeloden haft, kjemt un sajen woat to die: Jeff disem Plauz; un dan woascht du aunfangen, met Schaund däm latsten Plauz entonämen. 10Oba, wan du enjelot best, un kjeemst, go un laj (sat) die oppem latsten Plauz, doamet, wan dee kjemt, dee die enjeloden haft, un hee to die sajen woat: Frint, go wieda no bowen. Dan woascht du Iea ha ver aule, dee met die aum Desch ligjen; 11dan jiedra, dee sikj selfst erhäft, woat raufjesat woaren, un wäa sikj selfst raufsat (jerinj helt), woat erhäft woaren.
12Oba hee säd uk to däm, dee am enjeloden haud: Wan du een Meddachäten ooda een Owentkost moakst, lod nich diene Frind, uk nich diene Breeda, uk nich dien Frintschoft, uk nich diene rikjen Nobasch, doamet nich uk see die wada enloden un die beloonen (vejelten) woaren. 13Oba wan du eene Moltiet moakst (utreedst), dan lod de Oame, Kjräpel, Lome, Blinje en, 14un seelich woascht du sennen, wiels see ha nuscht; om die to vejelten; dan die woat vegolden (beloont) woaren aun däm Oppstondach de Jerajchte.
Daut Jlikjnis von daut groote Owentmol
15Oba aus eena von dän, dee met am aum Desch lagen, daut hieed, säd hee to am: Seelich es, wia äten woat daut Mol em Rikj Gottes!
16Oba hee säd to am: Een Maun muak een grootet Gaustmol un loot väle en. 17Un hee schekjt sienen Kjnajcht om de Gaustmoltiet (Stund), om de Enjelodne to sajen: Komt, dan aules es aul reed. 18Un see fungen aule onen Utnom aun, sikj to entschuldjen. De ieeschta säd to am: Ekj ha een Aka jekoft un ekj mott onbedinjt gonen un dän bekjikjen; ekj bedd die, hool mie fa entschuldichjt. 19Un een aundra säd: Ekj ha 5 Poa Ossen jekoft, un ekj go han, dee uttoproowen, ekj bedd die, hool mie fa entschuldichjt. 20Un een aundra säd: Ekj ha eene Fru jefriet, doawäajen kaun ekj nich komen. 21Un de Kjnajcht kjeem un berecht dit sienem Har. Doa wort de Hushar bossich un säd to sienem Kjnajcht: Go schwind rut oppe Wäaj un Gaussen de (enne) Staut, un brinj hia häa de Oame un Kjräpels un Blinje un Lome. 22Un de Kjnajcht säd: Har, daut es passieet, waut du befoolen haudst, un doa es noch Plauz. 23Un de Har säd toom Kjnajcht: Go rut aum Launtwajch un aun de Tien un lod an en nentokomen, doamet mien Hus jefelt woat; 24Dan ekj saj junt, kjeena de enjelodne Mana woat mien Gaustmol schmakjen.
De Bedinjungen toom Jesus nofoljen
25Oba väl Volkj jinkj met am; un hee dreid sikj om un säd to an: 26Wan wäa no mie kjemt un haust nich sienen Voda un siene Mutta un siene Fru un siene Kjinja un siene Breeda un siene Sestren, butadäm uk noch sien Läwen, soo kaun hee nich mien Jinja sennen; 27wäa nich sien Kjriez drajcht un mie hinjaraun kjemt, kaun nich mien Jinja sennen.
28Dan wäa von junt, well eenen Torm buen, sat sikj nich ieescht dol un beräakjent de Kosten, auf hee daut Needje toom foadich buen haft. 29Doamet nich meteenst, wan hee dän Grunt jelajcht haft, un nich foadich buen kaun, aule de daut seenen, fangen aun am to vespotten, 30un sajen: Dis Maun funk aun to buen un kunn nich beendjen. 31Ooda woon Kjennich, dee utjeit (uttrakjt), om sikj met eenem aundren Kjennich em Kjrich nentoloten, sat sikj nich ieescht han un äwalajcht, auf hee em Staund es, däm met 10 000 to bejäajnen, dee jäajen am kjemt met 20 000. 32Wan oba nich, soo schekjt hee, solang hee noch wietauf es, eene Bootschoft un bedd om Bedinjunk toom Fräd. 33Aulsoo uk jiedra von junt, dee sikj nich aufsajcht von aul sien Habungoot, kaun nich mien Jinja sennen.
34Daut Solt es goot; oba wan uk daut Solt krauftloos woat, met waut woatet wada kjraftich jemoakt woaren? 35Daut es nich fa daut Launt, es uk nich fa däm Dung Hupen to brucken, daut schmitt maun rut. Wäa Uaren haft toom hieren, dee hia.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© SW-Radio e.V.