Matiyu 13
13
1Ra imo dan Iesū yemōwi nimo mori memetesep ūntok; 2mov numpūn lō sikat dūmūteteliugi iyi; miyi yive ra bōt memetesep, ĭm numpūn lō omwisū dūmūtūrū ĭkeri. 3Miyi yemenūwi punora memokū ugi ōvun parabol 4sikat; iyi yemenūwi memokū; Urĭgi; Sī neteme yive woraseviugi novsen, ĭm pol sugkū iyi yemnaseviugi nugkon dūmol ran telugon selat, 5mōvun menōk dūmūvelum mūmūsupmuvugi; 6ĭm nugkon dūmol ra numpūn netē yūi nemap virok, marimago dūtepū popōwo nemap virok; ĭm pol sugkū nĭpminen yemsah ĭm sē, dūmetū popōwo tawi nōatnĭn. 7Im nugkon dūmol ra ōvun nemrataū, mōvun nemrataū dūteli mūteniseve; 8ĭm nugkon dūmol ra nemap aremĭ mūmovūo, nugkon wun hunder, ĭm nugkon sĭkesti, ĭm nugkon turti, ĭm potnĭn sĭtevengo. 9Iyi sĭ Im telugon eni wororĭgi, aremĭ iyi umandĭgi.
10Mōvun nūrie dūmūvelum mūmūtagkeli iyi mūmōkū, Kamsokonda Kemanūwi punora magkū ugi ōvun parabol? 11Miyi yemtamsi memenūwi punora memokū, Umampug kūm worokil ōvun netiumpunwarara lō ūnpokap, kō otūvunora sugkū. 12It iyi sĭ umantipe eni ampugi mōmū, miyi antipe tamas; kō iyi sĭ otūmantipe, ampĭ parugi mori virok isen wokon. 13Popōwo imo sugkū ya umanūwi punora memagkū ugi ōvun parabol; popōwo irora ūmagesi mūtūmagesi; mirora umandĭgi mūtūmandĭgi.
14Mūmnampesog ugi irora nam mori Isēya profet yepmenūwi memokū,
Kĭmi kwandĭgi mōmamgīugi;
Im kĭmi kwagesi ĭm kūtūagkili fan nam:
15It nōwanda imo netevokontū dūti nugkugko,
Im telugonda dūmumgol,
Mirora dūsumpat nimĭnda;
Ma ūtūagesi ugi nimĭnda;
Mūtūandĭgi ugi telugonda,
Mūtūagkili ūnōwanda,
Mūtūōmampelum poyaū,
Worevĭ horĭgives.
16Kō nevĭeves nimetemi, ĭt irora ūmagesi; ĭm telugomi, ĭt irora ūmandĭgi. 17Itnesog, ya umanūwi pugkūm memagkū, sikat ōvun profet mōvetēme tanepō dūmakĭugi worokesi imo mori kūmagesi, mirora dūtō-kesi, ĭm wororĭgi imo kūmandĭgi, mirora dūtūrĭgi.
18Urĭgi kĭmi parabol ugi neteme yemnaseviugi novsen, Iyi sī ūmandĭgi nam ugi lō mumamgĭugi, 19Sētan umampelum memneforugi imo mori yemōwi ūnōwan eni; imo mori yemnaseviugi ran telugon selat. Mimo mori yemnaseviugi ra numpūn nete; 20imo iyi mori ūmandĭgi nam, mumampī ugi navos, kō tawi nōatnĭn ūnisog iyi, mumandekote lap wokon; 21ĭm polsugkū nakan ĭm nevĭesesat popōwo ugi nam, wampelum, marimago iyi owosi-yĭevo. Mimo mori yemnaseviugi ra ōvun nemrataū; 22imo iyi mori ūmandĭgi nam mov netevotarūgi ĭm nempirĭgi nōete ra nemap uminteniseve nam motūmampūo. 23Mima mori yemnaseviugi ra nemap aremī; imo iyi mori ūmandĭgi nam memagkili fan nam, mōmampūo, nugkon wun hunder ĭm nugkon, sīkesti, ĭm nugkon turti, ĭm nōatnĭn sĭtevengo.
24Miyi yōmenūwi punora sĭ mōmū parabol memokū, Lō ūnpokūp sugkū sĭ neteme yemnaseviugi novsen aremī radenūok eni; 25ĭm pol sugkū ōveteme dūmalēepo, novsen nakan eni yivelum memnaseviugi novsen sat dal whit mempe. 26Im pol sugkū dūmūtelisah mūmūvūo dūtūpū sah novsen sat sugku. 27Mōvun lĭvsaū eni narisah dūmūve mūmūnūwi pugi mūmōkū, Narisah, kemnaseviugi novsen aremī ran denūok enugkĭk, kū? Dūmnēa novsen sat? 28Miyi yemenūwi punora memokū, Sī novsen nakan yemumpi imo. Mōvun lĭvsaū mori dūmūtagkeli mūmōkū, Ka kalampe ĭm lenalekon semsimugi, kū? 29Miyi yemokū, Eyi; kū entawi kwamsi whit pol sugkū kwonalekon ōvun netevannē. 30Aremī wonteli dūrūsū semsimugi afeli nempugon wampūo sū, im ra nempugon mori ya anūwi punora ōvun nasemnūok, Walekon mampūm ōvun netevannē sat mūiti ōvun nēat woretni; kō walekon semsimugi whit ūnisog nimo woretavenepon enyaū.
31Miyi yōmenūwi sĭ mōmū parabol punora memokū, Lō ūnpokūp sugkū sĭ novsen mustar mori sĭ neteme yivī memōwi ran denūok eni; imo novsen ūrekis wokon, 32kō pol sugkū yemtelisah, nūsian nē, monteli nē tamas, mōvun menok umampelum mūmuntasi ra ōvun nevĭokon. 33Miyi yōmenūwi sĭ mōmū parabol punora memokū, Lō ūnpokūp sugkū leven sĭ nasiven yivī memetipe ra flaūer memtalug desel, mefeli nempugon dūmūtepū omwisū sugkū leven.
34Imosū omwisū Iesū yemenūwi punora ōvun numpūn lō memokū ugi ōvun parabol; ĭm ra nempugon sĭ kū sĭ iyi yemenūwi punora, yemokū ugi parabol, worampesog nam eni profet mori iyi yepmenūwi memokū, 35Ya anūwi nam magkū ugi ōvun parabol; ya onūasumperi ugi tiame dūtiumpeni marugi ra nobūm mefeli nempugon marima.
36Im Iesū yemtamūlora ōvun numpūn lō mempe ūnisog nimo; mōvun nūrie eni dūmūvelum pugi mūmūnūwi mūmōkū, Tavsogkam parabol ugi novsen sat ra denūok. 37Miyi yemtamsi memenūwi punora memokū, Iyi mori umnaseviugi novsen aremĭ, Netni eni neteme; 38denūok nemap omwisū; ĭm novsen aremĭ ōvun netnime ra lō; 39ĭm novsen sat ōvun netnime eni Sētan; ĭm novsen nakan mori yemōwi orora Sētan; ĭm nempugon wampūo dan nisah; 40mov nasemnūok ōvun agelō. Popōwo imoeū sugkū, umnalekon semsimugi ōvun netevannē sat woretni ra nom, anti sugkū ran dan nisah. 41Iyi Netni eni neteme ontamūlora ōvun agelō eni, mirora wonalekon marugi lō eni ōvun sendōkia omwisū mōvun numpĭndi; 42mūmuntafugi irora ra nom nopōū; Yūi wontugagerisah monĭltirit nugūn. 43Mirora ōvun tanepō woneliugesi sugkū nĭpminen ra lō eni Itemenda. Iyi sĭ ĭm telugon eni wororĭgi, aremĭ iyi umandĭgi.
44Im lō ūnpokūp sugkū nōete ves umantiumpeni ran denūok; ĭmpol sugkū sĭ neteme yemokesi iyi yōmetiumpeni memavos mempe mempasi netevote sū eni, mempasĭgi denūok mori.
45Im lō ūnpokūp sugkū sī neteme nevasi mori yemnesorugi ōvun nempes aremi wokon; 46ĭm pol sugkū iyi yemokesi sī nempes aremi wokon, yive mempasi netevote sū eni mempasĭgi mori.
47Im lō ūnpokūp sugkū nokopon dūmūti ran tok mūmevi ōvun nomū; 48ĭm pol sugkū yovūara dūmūreveni mūtipe ĭkeri, mūmūtesep mūtampolora aremī mūtipe ra mumpon ōvun nūrah, mirora sū ūr dūtafugi. 49Anti sugkū ran dan nisah; ōvun agelō wampelum mantevavwora ōvetemĭndi mōvun tanepō, 50mūmuntafugi irora ra mumpon nom nopōū; yūi wontugagerisah moneltirit nugūn.
51Iesū yemtagkelora memokū, Kūmagkili fan nam ugi imosū kū? Irora dūmūnūwi pugi mūmōkū, Monokowo, Novsūromon. 52Miyi yōmenūwi punora memokū, Oveteme tavsogi umagkili sū aremi ugi lō ūnpokūp, irora mori sugkū ōveteme nōete ūmampĭ nugkon ĭtevaū ĭm nugkon numperĭtwi marugi woretavinpon nōete enirora. 53Im pol sugkū Iesū yemenūwisū imosū ōvun parabol yemōwi nūrū yūi, mōĭmpelum ra nūrū eni, memtavsokonda ūnisog ōvun nimo tavsogi enirora, 54mirora dūmovkirĭtwi mūsepen tagkelora mūmōkū, Yemnēa imo nōĭntanwi mimosū ōvun numpūrah horog eni neteme mori? 55Iyi netni eni karpenter kū? Nin dĭneme eni Mēri, kū? Im ravensĭeme Yakōbō, Im Yoses, ĭm Sīmon, ĭm Yūdas, kū? 56Im reveveneme dal kos kū? Miyi yivĭ imosū omwisū ia? irora dūtūtarūgi iyi aremi. 57Kō Iesū yemenūwi punora memokū, Umesese ūnĭpmi sī profetkō tawi sugkū ra nūrū eni meniwi. Miyi yetūumpi sikat 58ōvun numpūrah horog yūi popōwo irora dūtūtavnirĭgi aremi.
موجودہ انتخاب:
Matiyu 13: ERGNT79
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Erromangan New Testament © British and Foreign Bible Society, 1909,1979.