مزگینیا مەتتای 8
8
عیسا مرۆڤەكێ گوڕی ساخ دكەت
(مەرقۆس 1:40-45؛ لوقا 5:12-16)
1دەمێ ژ چیای هاتیە خوارێ، جەماوەرەكێ مەزن ب دویڤ كەفت. 2وەسا چێبوو مرۆڤەكێ گوڕی#8:2 گوڕی: نەساخیەكا پیستیە، نەساخ وەكو كەسەكێ هەڕمی دهاتە دیتن. ل فەرهەنگۆكێ بنێڕە. هاتە نك و سوجدە بۆ بر و گۆت: «خودان! ئەگەر تە بڤێت، تۆ دشێی من پاقژ بكەی!» 3عیسای دەستێ خۆ درێژ كر و دەست كرێ و گۆت: «من دڤێت، پاقژ ببە!» د ج‍‌ھ دا ژ گوڕیاتیا خۆ پاقژ بوو. 4ئەڤجا عیسای گۆتێ: «هشیار بە، بۆ چ كەسان نەبێژی! لێ هەڕە و خۆ نیشا كاهنی بدە و وی پێشكێشیێ مووسای فەرمان پێ كری، بدە، وەك شاهدەیی بۆ وان.»
ساخكرنا خزمەتكارێ سەرلەشكەری
(لوقا 7:1-10)
5دەمێ عیسا چوویە كەفەرناحوم، سەرلەشكەرەك#8:5 سەرلەشكەر: د ناڤ لەشكەرێ رۆمایی دا، سەركێشێ سەد سەربازان بوو. هاتە نك وی و هیڤی ژێ كرن و گۆت: 6«خودان! خزمەتكارێ من یێ فاڵنجیە و یێ ل مال د ناڤ نڤینان دا، ژ ئێشانێ گەلەك دنالیت.» 7عیسای گۆتێ: «دێ هێم و ساخ كەم.» 8سەرلەشكەری بەرسڤ دا و گۆت: «خودان، ئەز نە هەژی وێ چەندێمە تۆ بهێیە مالا من، لێ ب تنێ تۆ پەیڤەكێ بێژە، دێ خزمەتكارێ من ساخ بیت، 9چنكو ئەز ب خۆ ژی یێ ل ژێر دەستهەلاتێ و من سەرباز یێ ل ژێر دەستێ خۆ هەین. دەمێ دبێژمە ئێك ژ وان: ‹هەڕە!› دچیت و دبێژمە ئێكێ دی: ‹وەرە!› دهێت و دبێژمە بەنیێ خۆ: ‹ڤێ بكە!› دكەت.» 10دەمێ عیسای گو‍‌ھ لێ بووی، حێبەتی بوو و گۆتە وان یێن ل دویڤ وی هاتین: «ئەز راستیێ دبێژمە هەوە: من كەسەك ژ ئیسرائیلیان ب باوەریەكا هۆسا مەزن نەدیتیە! 11و دبێژمە هەوە كو دێ گەلەك ژ رۆژهەلاتێ و رۆژئاڤایێ ڤە هێن و دێ ل گەل ئیبراهیمی و ئیسحاقی و یەعقوبی د ناڤ پاشایەتیا ئەسمانان دا ل سەر سفرێ روینن، 12لێ كوڕێن پاشایەتیێ#8:12 مەبەست پێ ئەون یێن پێدڤیە میراتگرێن پاشایەتیێ بن، ئانكو جوهینە. دێ بۆ تاریا ژ دەرڤە هێنە هاڤێتن. ل وێرێ گری و گڤاشتنا ددانانە#8:12 گڤاشتنا ددانان نیشانە كو ژانا وان كەسان گەلەك یا مەزنە..» 13پاشی عیسای گۆتە سەرلەشكەری: «هەڕە، وەكو تە باوەری پێ ئینای، بلا ببیت.» د وێ گاڤێ دا خزمەتكارێ وی ساخ بوو.
عیسا ل مالا پەترۆسی گەلەكان ساخ دكەت
(مەرقۆس 1:29-34؛ لوقا 4:38-41)
14دەمێ عیسا هاتیە مالا پەترۆسی، خەسیا وی ل ناڤ نڤینان دیت یا تا گرتی بوو. 15وی دەستێ خۆ كرە دەستێ وێ، تایێ بەردا و رابوو و وێ دەست ب خزمەتا وی كر. 16دەمێ بوویە ئێڤار، گەلەك ئەوێن گیانێن پیس تێدا، ئینانە نك و وی ئەو گیان ب پەیڤەكێ ژ ناڤ وان دەرئێخستن و هەمی نەخۆش ساخ كرن. 17ئەڤ چەندە چێبوو دا ئەوا ل سەر ئەزمانێ ئیشایا پێغەمبەر هاتی، ب ج‍‌ھ بهێت، دەمێ گۆتی:
«وی دەردێن مە هەلگرتن
و نەخۆشیێن مە كرنە پشتا خۆ.»#8:17 ئیشایا 53:4
بهایێ ل دویڤچوونا عیسای
(لوقا 9:57-62)
18دەمێ عیسای جەماوەرەكێ مەزن ل دەوروبەرێن خۆ دیتی، فەرمان دا كو ئەو و شاگردێن خۆ دەربازی رەخێ دی یێ دەریاكێ ببن. 19هنگی مامۆستایەكێ دەستووری هاتە نك و گۆتێ: «مامۆستا، تۆ كیڤە بچی دێ ل دویڤ تە هێم!» 20ئینا عیسای گۆتێ: «رویڤیان كون رویڤیێن هەین و باڵندەیێن ئەسمانی هێلینێن هەین، لێ كوڕێ مرۆڤ#8:20 كوڕێ مرۆڤ: ناڤەكە د ناڤ جوهیان دا یێ بەرنیاس بوو، ژ بەر كو د پەرتووكا دانیێل پێغەمبەری دا هەیە دانیێل 7:13-14. دەمێ عیسای ب كار دئینا، وی بەحسێ خۆ دكر. ل فەرهەنگۆكێ بنێڕە. چ ج‍‌ھ نینن سەرێ خۆ دانیتێ.» 21ئێكێ دی ژ شاگردێن وی گۆتێ: «خودان، دەستویریا من بدە، دا ل بەراهیێ ئەز بچم بابێ خۆ ڤەشێرم!» 22لێ عیسای گۆتێ: «ب دویڤ من بكەڤە و بهێلە مری مریێن خۆ ڤەشێرن.»
عیسا باڕۆڤەیێ ئارام دكەت
(مەرقۆس 4:35-41؛ لوقا 8:22-25)
23پاشی ئەو ل بەلەمێ سیار بوو و شاگردێن وی كەفتنە دویڤ. 24وەسا چێبوو باڕۆڤەیەكا ب هێز ب سەر دەریاكێ دا گرت، هەتا پێلێن ئاڤێ ب سەر بەلەمێ كەفتین، لێ ئەو یێ نڤستی بوو. 25شاگرد چوون و ئەو هشیار كر و گۆتێ: «خودان، مە قورتال بكە! ئەم یێ ژ ناڤ دچین!» 26وی بەرسڤ دا: «هەی كێمباوەران، بۆچی هوین دترسن؟» پاشی رابوو با و دەریاك پاشڤە برن و ئارامیەكا مەزن پەیدا بوو. 27هەمی گوهشین و پرسیاركرن: «ئەرێ ئەڤە چ جۆرێ مرۆڤانە؟ هەتا با و دەریا ژی گوهێ خۆ ددەنێ!»
ساخكرنا دوو مرۆڤێن ئەجنەیان هنگافتین
(مەرقۆس 5:1-20؛ لوقا 8:26-39)
28دەمێ ئەو گەهشتیە لایێ دی یێ دەڤەرا گادارینان، دوو مرۆڤێن ئەجنەیان هنگافتی ژ ناڤ گۆڕستانێ هاتنە بەرسینگی. ئەو گەلەك د هار بوون، هەتا كەس نەدشیا د وێرێ را بچیت. 29ژ نشكەكێ ڤە كرنە گازی و گۆتن: «تە چ ژ مە دڤێت، عیسایێ كوڕێ خودێ؟ ئەرێ تۆ بەری دەمێ دەستنیشانكری هاتی، دا مە ئەشكەنجە بدەی؟» 30پیچەكێ دویر ژ وان، رەڤدەیەكا مەزن یا بەرازان دچەری. 31ئەجنەیان هیڤی ژ عیسای كرن و گۆتنێ: «ئەگەر دێ مە دەرئێخی، مە بهنێرە د ناڤ رەڤدەیا بەرازان دا.» 32وی گۆتە وان: «هەڕن». ئەڤجا ئەو دەركەفتن و چوونە د بەرازان دا، ئێكسەر رەڤدە هەمی ژ قونتارا رك بەرەڤ دەریاكێ بەزی و خۆ هاڤێتە د ئاڤێ دا و ژ ناڤ چوو. 33گاڤان رەڤین و چوونە باژێڕی و هەمی تشتێ ب سەرێ ئەجنە هنگافتیان هاتی، راگەهاند. 34پاشی وەسا چێبوو هەمی خەلكێ باژێڕی دەركەفتن دا عیسای ببینن و دەمێ وان ئەو دیتی، وان هیڤی ژێ كر كو ژ دەڤەرا وان بچیت.
موجودہ انتخاب:
مزگینیا مەتتای 8: BHD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
All rights reserved.