Lukas 17
17
Mavə mawulak yaŋ kad ndah masasəraka jene
(Mat 18.6-7; Mar 9.42)
1Yesu e gweɗec ndah masasəraka jene tata, gege: «Eve metehwe ana, ndah mazada ndana hay cəɗem cəɗem ke ŋgə mebərey sə, ɓa. Amaa wabaw kad nda mazada ndana hay kad pe mebərey ana. 2Kad aŋga sə, zuwan ac ta jawana kekeŋ mazlakava ana pa uway, ac ta kazlaɗ pa yam mafayakfayak ana, da yaŋ masa aŋga ta zadaɗ nda mekusetke ana amta deveŋ ndah makəsa ma aɗaw hay nesey kad pe mebərey.» 3Mafay ana, mep leŋgesl mambəla ana!
(Mat 18.15; 18.21-22)
«Daha malamakw ke ŋgə mebər fa yam te ndey takaa sə, kətaw eve leŋgesl eve leŋgesl. Daha ka ŋgwada leŋgesl sə, pəlan mebər tata. 4Kwa daha ke ŋgə mebərey ana dəɓa tasəla fa yam te ndey takaa da hwaɗ ta pas amta, ke vehek kad varakaa dəɓa tasəla ana, ava magwaɗakaa, gege: “Mbahw pəlawa mebərey aɗaw” sə, pəlan mebər tata.»
(Mat 17.20)
5Maslaŋ hay ac ka gwaɗa Bay Mazlakava Yesu, gege: «Sakandan makəsparav taciya.» 6Bay Mazlakava ke vehecen, gege: «Daha akwar ava makəsparav kwa kusetke ara hulef te venjeh mekusetke ana sə, ŋgesey, akwa zlafa magwaɗa wudez nesey, “Njəɗa vaw takaa avəda fana, daɗ ta ŋgayaɗ vaw takaa pa yam mafayakfayak ana”, ŋgesey a ta cənakwaɗ ma.»
Mezlər ta nda maŋga mezlərey
7«Daha ndana amta deveŋ akwar, aŋga ava nda maŋga mezlər tata ɓa. Nda ana, a həvan ley, daha aabay a ɓəcan bakw ta ɗakw tata hay. Ava dəɓa ana, e dek de ley kad wunam. Bay ta way tata a ta gwaɗa, gege: “Daɗ zef ta ndaɓa jene ta manday” sə, aabay. 8Sesəker a ta gwaɗa sə, “Ŋgwada rəkwat fa vaw takaa, te ləmediyey jə ta manday, ava dəɓa ana, ka da ndaɓa va masaɓa takaa may”. 9Daha nda maŋga mezlərey ana, ka ŋgan ara bay ta way tata, ta gwaɗa sə, a ta ŋgana wasay ɓa geyey? 10Akwar sə, ara aŋga ana, ava dəɓa te meŋgə mezlər masa Zlav ta gwaɗakwar fakwanay sə, megweɗ, “Andaw sə, andaw ndah maŋga mezlər tata hay, anda ŋgek nesey sə, mezlər taciya hay masa Zlav ta gwaɗandaw.”»
Yesu e mbəlec ndana hay kuraw dapa meskwelme
11Yesu ke də Zeruzelem, e də jaka pa kwakumakw ta vavara ta Samariya va vavara te Gelile. 12Mahusa tata zef ava wunam ɓa, meskwelme hay kuraw ec ke dek kad vara vaw, ec ke zlec dəreŋ ava aŋga. 13Ac ka cə lalaw ava gədaŋ, gege: «Yesu, nda masasəraka nda, mbahw ŋgafandaw metekweney!» 14Masa Yesu e te weleceŋ sə, gege: «Madaɗay, me te ŋguzdecen vaw takwar kad ndaakwas hay.» Dapa masa ece dey, ac ta wala sə, vaw tec ka səɗata kuleɗ kuleɗ.
15Nda amta deveŋ eceŋ ɓa, masa a wala vaw tata ka səɗata sə, pəla! E ŋgwedek ma, e veh kad vara Yesu, a hahəm Zlavay ava gədaŋ. 16Mahusa tata fəma te Yesu sə, kwerjejekw! E kekəredey, a ŋgana wasay. Nda ana ŋgesey, aŋga nda Samariya ana.
17Yesu ke nəkefec ndah da cak tata, gege: «Naa meskwelme hay kuraw sə, ec ke səɗec fakwan biba? Naa mevehek kad fana pal nda amta sə, ndah cuɗ dərziya kəla? 18Ndana mawulaka yaŋ te mevehek ka ta hahəm Zlav aabay, say nda məlaŋ na war geyey?» 19Ava dəɓa ana, Yesu ka gwaɗa nda ana, gege: «Zleftek, daɗay, makəsparav takaa, ka mbəlakaa avəda.»
Medek te Meŋgə bay ta Zlavay
(Mat 24.23-28, 37-41)
20Farisa hay ac ka nəkafa Yesu, gege: «Meŋgə bay ta Zlavay ana e te dek sə, ewey?» Ke vehecen, gege: «Meŋgə bay ta Zlavay sə, e dek ara jə masa ndey a wala sə, bay. 21Ec te gweɗ masa: “Aŋga kana”, daha aabay “Aŋga katay” sə, aabay. Masəna, Meŋgə bay ta Zlavay sə, aŋga dapa taɓa takwar cay.»
Pas te medek ta Wut ta nda
22Yesu ke gweɗec ndah masasəraka jene tata, gege: «Pas ana e te dekey, akwar ta hwar mawala Wut ta nda eve ndey takwar, amaa kwa pas amta akwar ta wala ɓasabay.
(Mat 24.26-27)
23Ac ta gwaɗakwar: “Aŋga fana”, daha aabay “Aŋga fatay”, amaa akwar ta də bay, akwar ta vas vaw bay. 24Ara ndana hay ta wala mewecəkeɗ ta yam masa a waɗ slam da baymaləvaŋ va dapa vavara fakwanay sə, Wut ta nda, e te vehek ara aŋga ana may. 25Amaa macaaca ana sə, a lada a sə marga gaa ɗagay, ndah ta vavara təlam nesey aca kazlda ɗagay.
(Mat 24.37-39)
26Pas masa Wut ta nda e te vehekey sə, e te ŋgə ara jene hay te ŋgə dapa masa Nuwe aŋga ɓa heley. 27Dapa ŋgesey ana, ndana hay ac ka ndə jene, ac ka sə jene, mawulah ac ka kəs madəmay, ac ka və dehw tec kad pa ŋgwaz, kasl pa pas masa Nuwe te sehw pa kaslkaslah mazlakava. Ava dəɓa ana, yam ka slə mabay, ka nəha vavara sleesle, ka zana ndana hay avəda fakwanay. 28Asaya, pas ana e te ŋgey ara jene hay te ŋgey dapa masa Ludaw aŋga dapa vavara. Dapa ŋgesey ana, ndana hay ac ka ndə jene, ac ka sə jene, ac ka husam jene hay, ac ka husamda jene tec hay, ec ke sləkey, ac ka lam way hay. 29Amaa pas masa Ludaw e dek kad a vəda dapa berne ta Sawduma sə, Zlav ke kezlek kwakwaw fa valakw da baymaləvaŋ kad fa vara, ke bezlec avəda fakwanay. 30E te ŋgə ara aŋga ana, pas masa Wut ta nda e te ŋguzdek vaw.»
31«Dapa pas ana ŋgesey, nda masa aŋga manjaha da vəda, amaa jene tata hay ac da way, e te sehw kad way ke te həlekec bay. Daha nda masa aŋga de ley sə, e te vehek kad a wunam bay. 32Masənafa jene hay masa aca ŋgə ava ŋgwaz ta Ludaw. 33Nda mayaha membəl mesfen tata sə, ŋgesey, a ŋgə a ziya. Amaa nda mazana mesfen tata mafay taaɗaw sə, ŋgesey a raɓiya. 34Ya gwaɗakwar, da hwaɗ ta vaɗ ana ŋgesey, ndah ecew manaha fa slam ana, nda amta a ta kəsata, nda leŋgeɗ a ta gərata. 35Ara aŋga ana, daha ŋgwazah ecew aca hayə daw fe ləgeŋ amta, ŋgwaz amta a ta kəsata, ŋgwaz leŋgeɗ a ta gərata. [36Daha mawulah ecew ece həv de ley, nda amta a ta kəsata, nda leŋgeɗ a ta gərata.»]
37Ndah masasəraka jene ac ka nəkafa, gege: «Jeŋ ana e te ŋgə dama, Bay Mazlakava?» Ke vehecen, gege: «Dapa slam masa jə maməca ana ɓa sə, mandasltabay hay aca kwas vaw faŋga.»
موجودہ انتخاب:
Lukas 17: CUVnt
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL
Lukas 17
17
Mavə mawulak yaŋ kad ndah masasəraka jene
(Mat 18.6-7; Mar 9.42)
1Yesu e gweɗec ndah masasəraka jene tata, gege: «Eve metehwe ana, ndah mazada ndana hay cəɗem cəɗem ke ŋgə mebərey sə, ɓa. Amaa wabaw kad nda mazada ndana hay kad pe mebərey ana. 2Kad aŋga sə, zuwan ac ta jawana kekeŋ mazlakava ana pa uway, ac ta kazlaɗ pa yam mafayakfayak ana, da yaŋ masa aŋga ta zadaɗ nda mekusetke ana amta deveŋ ndah makəsa ma aɗaw hay nesey kad pe mebərey.» 3Mafay ana, mep leŋgesl mambəla ana!
(Mat 18.15; 18.21-22)
«Daha malamakw ke ŋgə mebər fa yam te ndey takaa sə, kətaw eve leŋgesl eve leŋgesl. Daha ka ŋgwada leŋgesl sə, pəlan mebər tata. 4Kwa daha ke ŋgə mebərey ana dəɓa tasəla fa yam te ndey takaa da hwaɗ ta pas amta, ke vehek kad varakaa dəɓa tasəla ana, ava magwaɗakaa, gege: “Mbahw pəlawa mebərey aɗaw” sə, pəlan mebər tata.»
(Mat 17.20)
5Maslaŋ hay ac ka gwaɗa Bay Mazlakava Yesu, gege: «Sakandan makəsparav taciya.» 6Bay Mazlakava ke vehecen, gege: «Daha akwar ava makəsparav kwa kusetke ara hulef te venjeh mekusetke ana sə, ŋgesey, akwa zlafa magwaɗa wudez nesey, “Njəɗa vaw takaa avəda fana, daɗ ta ŋgayaɗ vaw takaa pa yam mafayakfayak ana”, ŋgesey a ta cənakwaɗ ma.»
Mezlər ta nda maŋga mezlərey
7«Daha ndana amta deveŋ akwar, aŋga ava nda maŋga mezlər tata ɓa. Nda ana, a həvan ley, daha aabay a ɓəcan bakw ta ɗakw tata hay. Ava dəɓa ana, e dek de ley kad wunam. Bay ta way tata a ta gwaɗa, gege: “Daɗ zef ta ndaɓa jene ta manday” sə, aabay. 8Sesəker a ta gwaɗa sə, “Ŋgwada rəkwat fa vaw takaa, te ləmediyey jə ta manday, ava dəɓa ana, ka da ndaɓa va masaɓa takaa may”. 9Daha nda maŋga mezlərey ana, ka ŋgan ara bay ta way tata, ta gwaɗa sə, a ta ŋgana wasay ɓa geyey? 10Akwar sə, ara aŋga ana, ava dəɓa te meŋgə mezlər masa Zlav ta gwaɗakwar fakwanay sə, megweɗ, “Andaw sə, andaw ndah maŋga mezlər tata hay, anda ŋgek nesey sə, mezlər taciya hay masa Zlav ta gwaɗandaw.”»
Yesu e mbəlec ndana hay kuraw dapa meskwelme
11Yesu ke də Zeruzelem, e də jaka pa kwakumakw ta vavara ta Samariya va vavara te Gelile. 12Mahusa tata zef ava wunam ɓa, meskwelme hay kuraw ec ke dek kad vara vaw, ec ke zlec dəreŋ ava aŋga. 13Ac ka cə lalaw ava gədaŋ, gege: «Yesu, nda masasəraka nda, mbahw ŋgafandaw metekweney!» 14Masa Yesu e te weleceŋ sə, gege: «Madaɗay, me te ŋguzdecen vaw takwar kad ndaakwas hay.» Dapa masa ece dey, ac ta wala sə, vaw tec ka səɗata kuleɗ kuleɗ.
15Nda amta deveŋ eceŋ ɓa, masa a wala vaw tata ka səɗata sə, pəla! E ŋgwedek ma, e veh kad vara Yesu, a hahəm Zlavay ava gədaŋ. 16Mahusa tata fəma te Yesu sə, kwerjejekw! E kekəredey, a ŋgana wasay. Nda ana ŋgesey, aŋga nda Samariya ana.
17Yesu ke nəkefec ndah da cak tata, gege: «Naa meskwelme hay kuraw sə, ec ke səɗec fakwan biba? Naa mevehek kad fana pal nda amta sə, ndah cuɗ dərziya kəla? 18Ndana mawulaka yaŋ te mevehek ka ta hahəm Zlav aabay, say nda məlaŋ na war geyey?» 19Ava dəɓa ana, Yesu ka gwaɗa nda ana, gege: «Zleftek, daɗay, makəsparav takaa, ka mbəlakaa avəda.»
Medek te Meŋgə bay ta Zlavay
(Mat 24.23-28, 37-41)
20Farisa hay ac ka nəkafa Yesu, gege: «Meŋgə bay ta Zlavay ana e te dek sə, ewey?» Ke vehecen, gege: «Meŋgə bay ta Zlavay sə, e dek ara jə masa ndey a wala sə, bay. 21Ec te gweɗ masa: “Aŋga kana”, daha aabay “Aŋga katay” sə, aabay. Masəna, Meŋgə bay ta Zlavay sə, aŋga dapa taɓa takwar cay.»
Pas te medek ta Wut ta nda
22Yesu ke gweɗec ndah masasəraka jene tata, gege: «Pas ana e te dekey, akwar ta hwar mawala Wut ta nda eve ndey takwar, amaa kwa pas amta akwar ta wala ɓasabay.
(Mat 24.26-27)
23Ac ta gwaɗakwar: “Aŋga fana”, daha aabay “Aŋga fatay”, amaa akwar ta də bay, akwar ta vas vaw bay. 24Ara ndana hay ta wala mewecəkeɗ ta yam masa a waɗ slam da baymaləvaŋ va dapa vavara fakwanay sə, Wut ta nda, e te vehek ara aŋga ana may. 25Amaa macaaca ana sə, a lada a sə marga gaa ɗagay, ndah ta vavara təlam nesey aca kazlda ɗagay.
(Mat 24.37-39)
26Pas masa Wut ta nda e te vehekey sə, e te ŋgə ara jene hay te ŋgə dapa masa Nuwe aŋga ɓa heley. 27Dapa ŋgesey ana, ndana hay ac ka ndə jene, ac ka sə jene, mawulah ac ka kəs madəmay, ac ka və dehw tec kad pa ŋgwaz, kasl pa pas masa Nuwe te sehw pa kaslkaslah mazlakava. Ava dəɓa ana, yam ka slə mabay, ka nəha vavara sleesle, ka zana ndana hay avəda fakwanay. 28Asaya, pas ana e te ŋgey ara jene hay te ŋgey dapa masa Ludaw aŋga dapa vavara. Dapa ŋgesey ana, ndana hay ac ka ndə jene, ac ka sə jene, ac ka husam jene hay, ac ka husamda jene tec hay, ec ke sləkey, ac ka lam way hay. 29Amaa pas masa Ludaw e dek kad a vəda dapa berne ta Sawduma sə, Zlav ke kezlek kwakwaw fa valakw da baymaləvaŋ kad fa vara, ke bezlec avəda fakwanay. 30E te ŋgə ara aŋga ana, pas masa Wut ta nda e te ŋguzdek vaw.»
31«Dapa pas ana ŋgesey, nda masa aŋga manjaha da vəda, amaa jene tata hay ac da way, e te sehw kad way ke te həlekec bay. Daha nda masa aŋga de ley sə, e te vehek kad a wunam bay. 32Masənafa jene hay masa aca ŋgə ava ŋgwaz ta Ludaw. 33Nda mayaha membəl mesfen tata sə, ŋgesey, a ŋgə a ziya. Amaa nda mazana mesfen tata mafay taaɗaw sə, ŋgesey a raɓiya. 34Ya gwaɗakwar, da hwaɗ ta vaɗ ana ŋgesey, ndah ecew manaha fa slam ana, nda amta a ta kəsata, nda leŋgeɗ a ta gərata. 35Ara aŋga ana, daha ŋgwazah ecew aca hayə daw fe ləgeŋ amta, ŋgwaz amta a ta kəsata, ŋgwaz leŋgeɗ a ta gərata. [36Daha mawulah ecew ece həv de ley, nda amta a ta kəsata, nda leŋgeɗ a ta gərata.»]
37Ndah masasəraka jene ac ka nəkafa, gege: «Jeŋ ana e te ŋgə dama, Bay Mazlakava?» Ke vehecen, gege: «Dapa slam masa jə maməca ana ɓa sə, mandasltabay hay aca kwas vaw faŋga.»
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL