Lukas 18
18
Ŋgwa macəhwandaw va nda mavəna ma ta ndana hay
1Yesu ke gweɗec ndah masasəraka jene tata ava ma maɗəva ke te ŋguzdecen da lada sə, aca ra cə mbahw cəɗem cəɗem, ac te yəv bay. 2Ke gweɗ, gege: «Nda mavəna ma ta ndana hay dapa wunam ɓa, e lel fa Zlav aabay, a kəs ma ta ndana aabay. 3Ŋgwa macəhwandaw dapa berne ana ɓa, ke dey vara vaw cəɗem cəɗem, ka gwaɗa, gege: “Vənandan ma taciya ava maslagəra aɗaw nesey”. 4Ŋgwaz ana, ke dey vara vaw cəɗem cəɗem, amaa nda ana ke vənecen ma ana zef bay. Ava dəɓa ana, nda ana ka wulakaw, gege: “Aŋga, kwa daha ye lel fa Zlav aabay, kwa ya kəs ma ta ndana aabay sə, 5amaa mafay ta ŋgwa macəhwandaw nesey sə, e ŋgediyey hahar, zuwan ye vənecen ma teceŋ ana avəda bəna, a ta wuzlarawa yaŋ cəɗem cəɗem.”»
6Bay Mazlakava ke gweɗ saya, gege: «Mawulakaw da yaŋ ma ta nda mavəna ma ta ndana hay mambəla ana aabay nesey. 7Zlav e te ŋgec jene eve cəvey ana kad ndah tata mapala masa aca cana mbahw hwavavaɗ, hwapapas sə, aabay ŋgəɗa geyey? A pəs vaw te mejənec ŋgəɗa geyey? 8Ya gwaɗakwar, e te ŋgec jene eve cəvey ana zef. Amaa Wut ta nda, pas masa e te vehekey sə, a ŋgatafa makəsparav dapa vavara geyey?»
Nda Farisa va nda macəkala budaw
9Ke gweɗ saya ava ma maɗəva, da yaŋ ndah dərziya ac ka kəsaw eve metehwe ana dapa rav teceŋ, ac ndah maŋga jene eve cəvey ana. Ac ka paɗ ndah mekele sə, ara jene hay taambəla, 10gege: «Ndah ecew ɓa, ec ke dey pə Way ta kwakwas ka ta cə mbahw, nda amta, aŋga nda Farisa ana, nda leŋgeɗey, aŋga nda macəkala budaw. 11Masa ac dapa Way ta kwakwas, nda Farisa sə, ke zlecey, ka cə mbahw da hwaɗ da hwaɗ, gege: “Awa Zlavay, ya ŋgakaa wasay, mafay ta masa yey ara ndah mekele bay. Eceŋ sə, ac makar hay, ac ndah maŋga jə mambəla ana hay aabay, ac ndah maŋga madama hay, daha aabay ara nda macəkala budaw na bay. 12Da hwaɗ ta luma amta sə, ya ŋgə dalyama dəɓa ecew. Dapa jene hay masa ya ta ŋgatiya fakwanay sə, ya vakaɗ amta dapa kuraw kad kaa.”»
13«Amaa nda macəkala budaw sə, tata ke zlec dəreŋ, ka wal map ndey kad a baymaləvaŋ sə, aabay. Tazl! A hac ha mafay te mebər tata, gege: “Awa Zlavay, mbahw ŋgefiyey metekweney, afa ya nda te mebərey!”»
14«Ya gwaɗakwar eve metehwe ana, nda macəkala budaw nesey, meveh tata a wunam sə, Zlav ka paɗ ka nda maŋga mezlər ara aŋga ana fa yam te ndey tata. Amaa, ta nda Farisa sə, ka paɗ ara nda maŋga mezlər ara aŋga ana fa yam te ndey tata aabay. Yaw, Masəna mambəla ana, kwa waawa magəla yaŋ tata, ac ta paɗ ka nda mekusetke ana, amaa nda manahda yaŋ tata sə, ac ta paɗ ka nda mazlakava.»
Yesu va wude hey
(Mat 19.13-15; Mar 10.13-16)
15Ndana hay ac ka hwadana kwa wudeh dapa dəɓa, afa e de pefec ha. Ndah masasəraka jene masa aca wala ara nesey sə, ec ke peyefeceŋ. 16Amaa Yesu ke zelekec wudeh mekweskwes ana eve megweɗ, gege: «Megərdec wude hey, ece re dek kad vereyey! A kwa derecen ma bay, afa Wunam ta bay ta Zlavay sə, mapa kad ndah masa ac ara eceŋ. 17Ya gwaɗakwar, nda masa ka kəs Wunam ta bay ta Zlavay ara wat aabay sə, a ta ŋgat mesehw pa aabay.»
Nda eve zleley va manjah katar ka midakw
(Mat 19.16-30; Mar 10.17-31)
18Bay te Zuwef hay ɓa, ka nəkafa Yesu, gege: «Nda masasəraka nda mambəla ana, ye de ŋgə masa ya da ŋgat manjah katar ka midakw sə, mey?» 19Yesu ka vahan, gege: «Ke zeliyey nda mambəla ana sə, mafay te mey? Nda mambəla ana sə, Zlav pal aŋga amta. 20Yaw, ka sən ma majawa ta Zlav biba? Ma ana e gweɗ, gege: “Ka ta ŋgə madama bay, ka ta kəɗ nda cukw cukw bay, ke te ker bay, ka tə yaw ava maŋgal ma bay, nahda yaŋ kad papakw va mmakw.”» 21Nda ana, ka vahan, gege: «Ma majawa ana fakwan nesey sə, ye səneceŋ dəga ya dapa wat.» 22Masa Yesu a cəna ma tata ana ara nesey, ka gwaɗa saya, gege: «Jene amta ɓa magəra te meŋgey varakaa saya. Husamda jene hay takaa fakwanay, vənecen səlay ana kad maslamarga hay. Ara nesey, ka ta ŋgat zleley mabay da baymaləvaŋ. Masa ke ke vənecen səlay ana kad maslamarga hay cay sə, dekey, cəpiyey.» 23Nda ana, a cəna ma ana ara nesey sə, kusaf! A məcan vaw avəda, afa aŋga eve zleley mabay. 24Yesu a wala ara nesey sə, ke gweɗ, gege: «Gədaŋ dapa kad ndah masa ac eve zleley hay te mesehw pa Wunam ta bay ta Zlavay! 25Aŋga, gədaŋ dapa kad zlagumay te mesehw jaka pe veɗ te leper. Amaa, gədaŋ dapa gaa mafəna ana saya kad nda eve zleley te mesehw pa Wunam ta bay ta Zlavay.»
26Ndah masa ac ka cəna ma ana ara nesey sə, ec ke gweɗ, gege: «Yaw, na daha ara nesey sə, me te mbəl wa?» 27Yesu ke vehecen, gege: «Jene hay masa gədaŋ dapa kad ndana hay sə, a fəna Zlav fa gədaŋ aabay.»
28Piyer ka gwaɗa, gege: «Cəna, təlam nesey, andə ka gərda jə taciya hay fakwanay ka ta cəpakaa.» 29Ke vehecen, gege: «Eve metehwe ana ya gwaɗakwar, daha ndana ka gərda way tata, ŋgwaza, malamaŋ hay, papaŋ va mamaŋ, daha aabay wudiya hay mafay ta Wunam ta bay ta Zlavay sə, 30a ta ŋgat jene hay mabay dapa vavara təlam nesey va manjah katar ka midakw dapa vavara maayaŋ kad fəma.»
Yesu a slaf maməcay ve mepərek tata dapa maməcay mamahkar ana
(Mat 20.17-19; Mar 10.32-34)
31Ava dəɓa ana, Yesu ka həl ndah masasəraka jene tata kuraw dapa yaŋ ana ecew, gege: «Macəna! Təlam nesey, andə ta dakwa kad Zeruzelem. Dərŋga sə, jene hay fakwanay masa ndah mehwedek ma ta Zlav zleezle ta vindiya da yaŋ Wut ta nda sə, ac ta ŋgata. 32Ara megweɗey, ac ta paɗ pa ha ta ndah masa aca sən Zlav bay, ac ta sasarafa, ac ta lafiya, ac ta cəɓafa slesleɓ, 33ac ta kəlapiya ava laway. Ava dəɓa ana, ac ta kəɗa avəda cukw cukw. Dapa manah mamahkar ana sə, a ta pərakata dapa maməcay.» 34Amaa ndah masasəraka jene tata, ac ka cəna ma da yaŋ ana kwa kusetke aabay, afa ma ana maraɓa de verec heley. Ara nesey, ac ka sən jə masa Yesu a wal megweɗey sə, aabay.
Yesu a wunan ndey ta mahazlaw de Zeriku
(Mat 20.29-34; Mar 10.46-52)
35Mahusa te Yesu mbala zef eve berne te Zeriku. Faŋga ana, nda mahazlaw ana ɓa, aŋga manjaha da ma te cəvey, e rəkey. 36Masa a cəna maɓəsl ma ta ndana hay dapa cəvey sə, ke nəkefec ndana hay, gege: «Maŋgata mey?» 37Ac ka vahan, gege: «Yesu, nda Nezeret ana te də vana.» 38Masa a cəna ara nesey sə, ka zlar macə lalaw, gege: «Yesu, Wut te Deevet, mbahw, ŋgefiyey metekweney!»
39Ndah medə fəma te Yesu sə, ac ka payafa da njah teete. Amaa nda mahazlaw sə, a cə lalaw ava gədaŋ jaŋgata, e gweɗ, gege: «Wut te Deevet, mbahw, ŋgefiyey metekweney.» 40Yesu ke zlecey, ke gweɗec ndah da cak ta nda mahazlaw sə, aca ra padan ma kad vara vaw. Mahusa ta nda mahazlaw sə, Yesu ka nəkafa, gege: 41«Ka wal ya da ŋgakaa sə, mey?» Nda mahazlaw sə, ka vahan, gege: «Bay Mazlakava, ŋgaw a lada ya da wala ndey saya.» 42Yesu ka gwaɗa, gege: «Mekəs pa rav takaa ka mbəlakaa avəda. Wuna ndey.» 43Faŋga, faŋga ana, ndey tata sə, pəlac! A wunata, ka wala ndey mambəla ana, ka cəp Yesu ava mahahəm Zlavay. Ndah mawala jeŋ ana hay fakwanay ac ka hahəm Zlavay.
موجودہ انتخاب:
Lukas 18: CUVnt
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL
Lukas 18
18
Ŋgwa macəhwandaw va nda mavəna ma ta ndana hay
1Yesu ke gweɗec ndah masasəraka jene tata ava ma maɗəva ke te ŋguzdecen da lada sə, aca ra cə mbahw cəɗem cəɗem, ac te yəv bay. 2Ke gweɗ, gege: «Nda mavəna ma ta ndana hay dapa wunam ɓa, e lel fa Zlav aabay, a kəs ma ta ndana aabay. 3Ŋgwa macəhwandaw dapa berne ana ɓa, ke dey vara vaw cəɗem cəɗem, ka gwaɗa, gege: “Vənandan ma taciya ava maslagəra aɗaw nesey”. 4Ŋgwaz ana, ke dey vara vaw cəɗem cəɗem, amaa nda ana ke vənecen ma ana zef bay. Ava dəɓa ana, nda ana ka wulakaw, gege: “Aŋga, kwa daha ye lel fa Zlav aabay, kwa ya kəs ma ta ndana aabay sə, 5amaa mafay ta ŋgwa macəhwandaw nesey sə, e ŋgediyey hahar, zuwan ye vənecen ma teceŋ ana avəda bəna, a ta wuzlarawa yaŋ cəɗem cəɗem.”»
6Bay Mazlakava ke gweɗ saya, gege: «Mawulakaw da yaŋ ma ta nda mavəna ma ta ndana hay mambəla ana aabay nesey. 7Zlav e te ŋgec jene eve cəvey ana kad ndah tata mapala masa aca cana mbahw hwavavaɗ, hwapapas sə, aabay ŋgəɗa geyey? A pəs vaw te mejənec ŋgəɗa geyey? 8Ya gwaɗakwar, e te ŋgec jene eve cəvey ana zef. Amaa Wut ta nda, pas masa e te vehekey sə, a ŋgatafa makəsparav dapa vavara geyey?»
Nda Farisa va nda macəkala budaw
9Ke gweɗ saya ava ma maɗəva, da yaŋ ndah dərziya ac ka kəsaw eve metehwe ana dapa rav teceŋ, ac ndah maŋga jene eve cəvey ana. Ac ka paɗ ndah mekele sə, ara jene hay taambəla, 10gege: «Ndah ecew ɓa, ec ke dey pə Way ta kwakwas ka ta cə mbahw, nda amta, aŋga nda Farisa ana, nda leŋgeɗey, aŋga nda macəkala budaw. 11Masa ac dapa Way ta kwakwas, nda Farisa sə, ke zlecey, ka cə mbahw da hwaɗ da hwaɗ, gege: “Awa Zlavay, ya ŋgakaa wasay, mafay ta masa yey ara ndah mekele bay. Eceŋ sə, ac makar hay, ac ndah maŋga jə mambəla ana hay aabay, ac ndah maŋga madama hay, daha aabay ara nda macəkala budaw na bay. 12Da hwaɗ ta luma amta sə, ya ŋgə dalyama dəɓa ecew. Dapa jene hay masa ya ta ŋgatiya fakwanay sə, ya vakaɗ amta dapa kuraw kad kaa.”»
13«Amaa nda macəkala budaw sə, tata ke zlec dəreŋ, ka wal map ndey kad a baymaləvaŋ sə, aabay. Tazl! A hac ha mafay te mebər tata, gege: “Awa Zlavay, mbahw ŋgefiyey metekweney, afa ya nda te mebərey!”»
14«Ya gwaɗakwar eve metehwe ana, nda macəkala budaw nesey, meveh tata a wunam sə, Zlav ka paɗ ka nda maŋga mezlər ara aŋga ana fa yam te ndey tata. Amaa, ta nda Farisa sə, ka paɗ ara nda maŋga mezlər ara aŋga ana fa yam te ndey tata aabay. Yaw, Masəna mambəla ana, kwa waawa magəla yaŋ tata, ac ta paɗ ka nda mekusetke ana, amaa nda manahda yaŋ tata sə, ac ta paɗ ka nda mazlakava.»
Yesu va wude hey
(Mat 19.13-15; Mar 10.13-16)
15Ndana hay ac ka hwadana kwa wudeh dapa dəɓa, afa e de pefec ha. Ndah masasəraka jene masa aca wala ara nesey sə, ec ke peyefeceŋ. 16Amaa Yesu ke zelekec wudeh mekweskwes ana eve megweɗ, gege: «Megərdec wude hey, ece re dek kad vereyey! A kwa derecen ma bay, afa Wunam ta bay ta Zlavay sə, mapa kad ndah masa ac ara eceŋ. 17Ya gwaɗakwar, nda masa ka kəs Wunam ta bay ta Zlavay ara wat aabay sə, a ta ŋgat mesehw pa aabay.»
Nda eve zleley va manjah katar ka midakw
(Mat 19.16-30; Mar 10.17-31)
18Bay te Zuwef hay ɓa, ka nəkafa Yesu, gege: «Nda masasəraka nda mambəla ana, ye de ŋgə masa ya da ŋgat manjah katar ka midakw sə, mey?» 19Yesu ka vahan, gege: «Ke zeliyey nda mambəla ana sə, mafay te mey? Nda mambəla ana sə, Zlav pal aŋga amta. 20Yaw, ka sən ma majawa ta Zlav biba? Ma ana e gweɗ, gege: “Ka ta ŋgə madama bay, ka ta kəɗ nda cukw cukw bay, ke te ker bay, ka tə yaw ava maŋgal ma bay, nahda yaŋ kad papakw va mmakw.”» 21Nda ana, ka vahan, gege: «Ma majawa ana fakwan nesey sə, ye səneceŋ dəga ya dapa wat.» 22Masa Yesu a cəna ma tata ana ara nesey, ka gwaɗa saya, gege: «Jene amta ɓa magəra te meŋgey varakaa saya. Husamda jene hay takaa fakwanay, vənecen səlay ana kad maslamarga hay. Ara nesey, ka ta ŋgat zleley mabay da baymaləvaŋ. Masa ke ke vənecen səlay ana kad maslamarga hay cay sə, dekey, cəpiyey.» 23Nda ana, a cəna ma ana ara nesey sə, kusaf! A məcan vaw avəda, afa aŋga eve zleley mabay. 24Yesu a wala ara nesey sə, ke gweɗ, gege: «Gədaŋ dapa kad ndah masa ac eve zleley hay te mesehw pa Wunam ta bay ta Zlavay! 25Aŋga, gədaŋ dapa kad zlagumay te mesehw jaka pe veɗ te leper. Amaa, gədaŋ dapa gaa mafəna ana saya kad nda eve zleley te mesehw pa Wunam ta bay ta Zlavay.»
26Ndah masa ac ka cəna ma ana ara nesey sə, ec ke gweɗ, gege: «Yaw, na daha ara nesey sə, me te mbəl wa?» 27Yesu ke vehecen, gege: «Jene hay masa gədaŋ dapa kad ndana hay sə, a fəna Zlav fa gədaŋ aabay.»
28Piyer ka gwaɗa, gege: «Cəna, təlam nesey, andə ka gərda jə taciya hay fakwanay ka ta cəpakaa.» 29Ke vehecen, gege: «Eve metehwe ana ya gwaɗakwar, daha ndana ka gərda way tata, ŋgwaza, malamaŋ hay, papaŋ va mamaŋ, daha aabay wudiya hay mafay ta Wunam ta bay ta Zlavay sə, 30a ta ŋgat jene hay mabay dapa vavara təlam nesey va manjah katar ka midakw dapa vavara maayaŋ kad fəma.»
Yesu a slaf maməcay ve mepərek tata dapa maməcay mamahkar ana
(Mat 20.17-19; Mar 10.32-34)
31Ava dəɓa ana, Yesu ka həl ndah masasəraka jene tata kuraw dapa yaŋ ana ecew, gege: «Macəna! Təlam nesey, andə ta dakwa kad Zeruzelem. Dərŋga sə, jene hay fakwanay masa ndah mehwedek ma ta Zlav zleezle ta vindiya da yaŋ Wut ta nda sə, ac ta ŋgata. 32Ara megweɗey, ac ta paɗ pa ha ta ndah masa aca sən Zlav bay, ac ta sasarafa, ac ta lafiya, ac ta cəɓafa slesleɓ, 33ac ta kəlapiya ava laway. Ava dəɓa ana, ac ta kəɗa avəda cukw cukw. Dapa manah mamahkar ana sə, a ta pərakata dapa maməcay.» 34Amaa ndah masasəraka jene tata, ac ka cəna ma da yaŋ ana kwa kusetke aabay, afa ma ana maraɓa de verec heley. Ara nesey, ac ka sən jə masa Yesu a wal megweɗey sə, aabay.
Yesu a wunan ndey ta mahazlaw de Zeriku
(Mat 20.29-34; Mar 10.46-52)
35Mahusa te Yesu mbala zef eve berne te Zeriku. Faŋga ana, nda mahazlaw ana ɓa, aŋga manjaha da ma te cəvey, e rəkey. 36Masa a cəna maɓəsl ma ta ndana hay dapa cəvey sə, ke nəkefec ndana hay, gege: «Maŋgata mey?» 37Ac ka vahan, gege: «Yesu, nda Nezeret ana te də vana.» 38Masa a cəna ara nesey sə, ka zlar macə lalaw, gege: «Yesu, Wut te Deevet, mbahw, ŋgefiyey metekweney!»
39Ndah medə fəma te Yesu sə, ac ka payafa da njah teete. Amaa nda mahazlaw sə, a cə lalaw ava gədaŋ jaŋgata, e gweɗ, gege: «Wut te Deevet, mbahw, ŋgefiyey metekweney.» 40Yesu ke zlecey, ke gweɗec ndah da cak ta nda mahazlaw sə, aca ra padan ma kad vara vaw. Mahusa ta nda mahazlaw sə, Yesu ka nəkafa, gege: 41«Ka wal ya da ŋgakaa sə, mey?» Nda mahazlaw sə, ka vahan, gege: «Bay Mazlakava, ŋgaw a lada ya da wala ndey saya.» 42Yesu ka gwaɗa, gege: «Mekəs pa rav takaa ka mbəlakaa avəda. Wuna ndey.» 43Faŋga, faŋga ana, ndey tata sə, pəlac! A wunata, ka wala ndey mambəla ana, ka cəp Yesu ava mahahəm Zlavay. Ndah mawala jeŋ ana hay fakwanay ac ka hahəm Zlavay.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL