मत्ती 2
2
जोतिषीई पूर्व रोत आवलोओ
1जांहा हेरोद राजाआ दिहो मेहे यहुदियातील बेथलेहेमेहे येशुउ जोल्मो ओवयू तेहलाम पाला पुर्व दिशामे रोत ज्योतिषी मांहे यरुशलेमेत पुगित कोईत फुसा वोल्या, 2“यहुदीयाआ राजा ज्याचा जोल्मो ओवयू होय तो का होय? काहाके आमू तिया तारू पाल्यू होय अने तियाहा नमन कोइला कोअता आमू आवयाहा.” 3जांहा हेरोद राजा ओ होमल्यु तेहलाम तो अने त्याआरी आखे यरुशलेम बिही गोया. 4तेहलाम तेए मांहाहा आखे मुख्य याजकाहा अने शास्त्रीना एकठे कोईत तियाहा फ़ुस्ल्याआ का, “ख्रिस्ताआ जोल्मो का उवूंहू जोवे?” 5तेए तियाहा कोया, यहुदीया बेथलेहेमात, काहाके संदेष्ट्याद्वारे एहलो लेखिलो होय 6“ओ बेथलेहेमा, तू जो यहुदाआ प्रांतात होय, तू यहुदाआ अधिकारिपो रोत कोडनीज़ रीति मेहे आयतु निमिले, काहाके तुमामे एक सरदार निकले जो माआ प्रजा इस्राएलो कालजी लेणारू होय.” 7तेहलाम हेरोदावाही ज्योतिषी माहुंहु गुपचुप हादीत लाविले अने त्यापोरोत ओ खात्री कोईत लेदि का तारू ठीक कोडला समयी देखायू ओतु, 8अने तियाहा ओ कोत बेथलेहेमात मुकल्यू के, “जा अने तियाअ पोऱ्याआ बारकाईकोत हुद अने जांहा तो तुमाहा मिले ताहा माहु आवित कोवा म्हणजे आय पण जात तियाहा नमन कोअनारू.” 9तेए राजा कोअलो होमलित तिहीरोत निहित गोये अने पाला जो तारू तेए पाल्या ओता तो तारू त्यापोरत आगाडी जातलू जोपोरोत ते तियाअ ठीकानोपो जात पुगित गोयु ज्या जागापो सूऊ ओतु. 10तो तारू पालीत ते जाखो आनंद कोअया. 11ते तिया कोअ पुगित तिया पोऱ्यापो तियाआ याह्ही मरीयेजागे पालील्यो अने पाया पोडित तियाहा नमन कोल्यु अने स्वतःआ पिशव्या उगाडीत होनो, ऊद अने गंधरस याआ भेट आप्यी. 12ताहरा होपनाम एए चेतावनी प्राप्त कोईत की हेरोदोसो जागे ईजि रोखा जाता, तेए दिहरा मार्ग सी तिया देशमेहे जाता रोया.
मिस्र देशमेहे नाहलोओ
13जांहा ते निहित गोये तेहलाम पाला, प्रभूआ दूत होपनाआ योसेफहा दर्शन आपित कोयु, उठ, अने पोऱ्यो अने तियाआ याह्हीही घेऊन मिसर तिही नाहीत जा, अने जोपोरोत आय कोयु नाहा तोपोरोत तिहिज रो, काहाके सुआहा घात कोइला कोअता हेरोद राजा तिया होद कोअनारू होय 14तियाआ राती तो पोऱ्यो अने याह्हीही लेत मिसर तियाहा निहित गोल्यो 15अने हेरोदाआ मरणाऱ्यापो रोत तिहीज रोला याकोअता काजे वचन प्रभूउ संदेष्ट्या त्यापोरत कोयु ओते, पुरो उवूंहू जोवे, आय आपाआ पोऱ्याहा मिसरातुन हादाडये होय.
मिस्र देश रोत वापस आवलोओ
16जांहा हेरोदावाही पालील्यो का, ज्योतिषि तियाहा ठगीत्लो होय, ओ पालीत जास्तीज रागावलो तिये आज्ञाप रोत ज्योतिषि वेल आखल्याप्रमाणे बेथलेहेम अने तियाआ आहाने पाहणे ती जागेरोत आखे पोऱ्याहा जे बेन वर्ष किंवा त्यापोरोत हानू ओते तियाहा माईत टाक्ये 17तेहलाम जे वचन यिर्मया संदेष्ट्याद्वारे कोयु ओते ते पुरो उवे 18“रामा इंही रोडीलो अने आकांत यांआ शब्द होमलित आवयू, राहेल आपाआ पोऱ्याकोईता रडीत होय अने ती नाहा कोईत ती सात्वना नाहा पोवतो.”
मिस्र देश रोत वापस आवलोओ
19जांहा हेरोदाआ मोईतगोल्यू ताहा पाला मिसरामे प्रभूउ स्वर्गदूत योसेफहा होपनाम दर्शन आपित कोयु 20“उठ, अने पोऱ्याहा अने पोऱ्या याह्हीही घेऊन इस्राएल तियाहा निहित जा, काहाके जे तिया जीव लेऊ पालीत ओते ते मोईत गोये होय.” 21ताहा योसेफ उठ्यू अने पोऱ्यो अने तियाआ याह्हीही घेऊन इस्राएल तियाहा आवयू 22परंतु अर्खेलाव ओ आपाआ बाह्हू हेरोदा जागे यहुदिया राज्य कोईत होय तीही जाहू बिहू वोल्यू, फासी होपनाआ सुचना जोडी ताहा गालील प्रांतात (प्रदेशाम) निहित गोल्यो 23अने नासरेथ नावोओ शहर मेहे रोंहु वोल्यु, याकोअता का संदेष्ट्याद्वारे कोयलो वचन पुरो उवूंहू जोवे का, “तोओ नासरी कोवाय.”
موجودہ انتخاب:
मत्ती 2: NOINT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.