लुका 4
4
येसुक जाँच
(मति ४:१-११; मर्कुस १:१२-१३)
1येसु पबित्र आत्माइ भरिकुन यर्दन खोलासे फर्किकेभइल हसे पबित्र आत्माइ ओनेन्के उजाड-ठाउयँ लेजिकेभइल, 2जुछिका ओनेन्के चालिस दिनसमन जाँचयँ पारिकुन सइतानेइ#४:२ सइतान ग्रिक बाइबलयँ “दियाबलस” लेख्ल बाटइ पापयँ फासाइके खोज्ल। उसे बेलायँ ओनेनेइ खइलाहार कुरा निजखइलगुनेइ, ओनेन्के बेस्के भुखाते रहइ।
3येसुके सइतानेइ कहल, “साँच्चिकइ तोहे परमेसोरक छावा हखउ कने, इसे पाथरके रोटि बनिके आग्या देओ।”
4येसुइ जबाफ देइकेभइल, “मानुस रोटिसे मत्रइ नाबाचइ कइकुन, ‘धर्मक कितापयँ लेख्ल बाटइ।’” #बेब ८:३
5हसे ओख्निहिँ येसुके सइतानेइ अल्ग डाँडायँ लेजिकुन सन्सारक सभइ राज्जे देखातिन कहल। 6“तेउह्राके मोइ इसे राज्जेक राजा बानाइकुन, सभइ धन-सम्पतिक साहु बानाइके सक्तम, किकेकने सभइ राज्जे मेर हातयँ बाटइ, मोइ जोख्राके पुनु देइके सक्तम। 7यदि मेराके घोप्टोपोरिकुन ढोक्ताहाउ कने इछि भइल सभइ थोक तेउह्रइ भइत।”
8येसुइ उख्राके कहिकेभइल, “धर्मक कितापयँ इसे लेख्ल बाटइ, ‘तोइ परमप्रभु आफ्न परमेसोरके मत्रइ ढोगिके र सेवा करिके।’” #बेब ६:१३
9हसे येसुके सइतानेइ यरुसलेमक मन्दिर उप्र लेजिकुन कहल, “साँच्चिकइ तोहे परमेसोरक छावा हखउ कने इछिसे तर हामफालिके हबखाइ 10किकेकने ‘तेउह्राके हेरबिचार करिके परमेसोरेइ आफ्न सोर्गदुत खाटाइदेतात्’ कइकुन धर्मक कितापयँ लेख्ल बाटइ।#भज ९१:११ 11र तेर गोडयँ पाथरेइ चोट झुन् लागुस कइकुन सोर्गदुतसबेइ तेह्राके हाथ-हाथइ थाम्ताहात्।”#भज ९१:१२
12येसुइ जबाफ देइकेभइल, “धर्मक कितापेइ यस्न पुनु कहल बाटइ ‘तोइ परमप्रभु आफ्न परमेसोरक जाँच नाइकरिके।’” #बेब ६:१६
13येसुके सइतानेइ सभइ थरिक जाँच लेते पुनु पापयँ फासाइके निजसक्लपाछु, अर्क मउका निजपाउलसमनके छाडिकुन जइल।
गालिल ठाउसे येसुक काम सुरु
(मति ४:१२-१७; मर्कुस १:१४-१५)
14येसुइ पबित्र आत्माक सक्ति पाइकुन, गालिल ठाउयँ फर्किकेभइल। ओनेन्क बारेयँ चारइपटि चर्चा फइलिल। 15ओनेनेइ सभाघरयँ अर्ति सिखाइकेभइल र ओनेन्के सभइजेनाइ प्रसम्सा कर्तेरहत।
येसुके नासरतयँ इन्कार कर्ल
(मति १३:५३-५८; मर्कुस ६:१-६)
16आफ्नेन् हुर्कल ठाउ नासरतयँ येसु आइकेभइल, ओनेनेइ नात्लिक-दिनयँ सभाघरयँ जाइकेभइल हसे धर्मक किताप पढिके उठिकेभइल, 17यसइया अगमबक्ताइ लेख्ल कागजक मुठा ओनेन्क हातयँ देल। हसे येसुइ मुठा खोलिकुन यस्न लेख्ल खन्ड निस्काइकुन पढिके थाल्ल।
18 “परमप्रभुक आत्मा मेरउप्र बाटइ,
किकेकने गरिबसब्के खुसिक समचार सुनाइके लागि ओनेनेइ मेराके छानिकुन पाठाइके भइल बाटत।
कइदिसब्के छुटाइके,
अन्धासब्के देख्लार बानाइके,
थिचोमिचोयँ पोर्ल मानुसके छुटाइके #यसइ ६१:१-२
19 हसे परमप्रभुइ आफ्न मानुससब्के बाचालार बेला अइल बाटइ कइकुन,
सुनाइके लागि मेराके पाठाल।”
20उपाछु येसुइ कागजक मुठा गुटेइकुन अगुवाके फिर्ता देइकेभइल र बोसिकेभइल। सभाघरयँ भइल सभइ जेना मख्खइ पोरिकुन ओनेन्के चाहिराख्ल रहत, 21र ओनेनेइ उसब्के कहिकेभइल, “आजु तोहेसब धर्मक कितापक बचन सुन्तिन-सुन्तिन पुरा भइल बाटइ।”
22ओनेन्क मुहुकमाटे निस्कल अनुग्रहक बचन सुनिकुन सभइ जेना छक्कइ पोरिकुन मानुससबेइ ओनेन्के प्रसम्सा कर्ल। हसे उसबेइ कहल “इनेन् त योसेफकइ छाहोक् निजसे?”
23येसुइ उसब्के कहिकेभइल, “पक्कइ पुनु मेराके तोहेसब उखान कताहाउ, ‘ए बइधे! तोइ आफइके निक पारुक।’ तोहेसब मेराके ‘कफर्नहुमयँ अचम्मक काम जे जत्का कर्ल सुन्ल रहउ, उसे आफ्न गाउयँ पुनु देखाओ’ कइकुन कताहाउ।” 24ओनेनेइ कहिकेभइल, “साच्चिकइ मोइ तेउह्रासब्के कहतम्, कोलोउ पुनु अगमबक्ताके आफ्न गाउ-सहरक मानुसेइ मान नाकरत्। #युह ४:४४ 25मोइ तेउह्रासब्के अर्क एक्टा साच कुरा कहतम्, एलियाक बेलायँ साढे तिन बर्स पानि नपोरिकुन बड्क अनिकाल पोर्ल रहइ। उसे बेला इस्राएलयँ धेरइ बिधुइनि रहत। #१ राज १७:१ 26अरु कोक्रउ लघि नइजे, तर परमेसोरेइ एलियाके सिदोन सहरक नजिकइ पोर्लाहार सारपत गाउक बिधुइनिक लघि मत्रइ पाठाइकेभइल। #१ राज १७:८-१६ 27एलिसा अगमबक्ताक बेलायँ पुनु इस्राएलयँ धेरइ कोर रोगि रहत, उसब मद्धेयँ परमेसोरेइ सिरिया देसक नामानके मत्रइ निक पारिकेभइल।” #२ राज ५:१-१४
28इसे कुरा सुनिकुन, सभाघरयँ सभइ मानुस रिसेइ चुर भइल। 29हसे उसब जुरुक्कइ उठिकुन येसुके धक्लतिन सहरसे बाहार निस्काइदेल, जोनो सहर डाँडायँ पोर्तेरहइ र टुप्पायँ लेजिकुन ओनेन्के तरपट्टि खासाइके खोज्ल, 30हसे ओनेनेइ मानुसक भिडसे निस्किकुन आफ्न पायड लागिकेभइल।
भुत लाग्ल मानुस निक भइल
(मर्कुस १:२१-२८)
31उपाछु येसु गालिलक कफर्नहुम कलाहार सहरयँ जाइकेभइल, र मानुससब्के नात्लिक-दिनयँ ओनेनेइ अर्ति देइराख्तेरहत। 32ओनेन्क अर्ति सुनिकुन उसब छक्कइ पोर्ल, किकेकने ओनेनेइ उसब्के अधिकारसाङ अर्ति देतेरहत।#मति ७:२८-२९; मर्कु १:२२ 33सभाघरयँ एक जेना भुत लाग्ल मानुस रहइ; उहाइ बड्क सोरेइ चिच्चेइकुन कहल, 34“हे नासरतक येसु, तोहे हाम्राइके केकरिके खोस्तेबाटउ? तोहे हाम्राइके नास पारिके आइकेभइल हखउ? मेराके थाहा बाटइ तेउह्राके परमेसोरेइ पाठाइकेभइल पबित्र मानुस हखउ।”
35येसुइ इसे कुरा सुनिकुन भुतके हप्काइकुन कहिकेभइल, “चुप्ला र इसे मानुसकमाटे निस्किकुन जाइहाल!” उसे मानुसके पछारिकुन सभइक आघुसे भुत निस्कल, तर पुनु उख्राके चोट निजलाग्ल।
36सभइ मानुस छक्क पोरिकुन एक-अर्कसे कुरा करिके थाल्ल, “इसे मानुसक बोलियँ कस्न सक्ति र अधिकार रलाइ? इहाइ हप्कातिन भुतसब पुनु निस्किकुन भाग्ते रलाइ!” 37हसे येसुक चर्चा कफर्नहुम सहरक चारइपटि फइलिल।
येसुइ धेरइ मानुसके निक बानाइकेभइल
(मति ८:१४-१७; मर्कुस १:२९-३४)
38येसु सभाघरसे निस्किकुन सिमोनक घरयँ जाइके भइल। उछिका सिमोनक सासुक जोरोइ थल पर्लि रहि, उसबेइ “उख्राके निक पारिदेओ” कइकुन येसुके बिन्ति कर्ल। 39उक्र नजिकइ जाइकुन येसुइ ज्वरोके हप्काइके भइल र जोरोइ छाडिहाल्ल हसे उसे उठिकुन ओनेन्के सेवा करिके थाल्लि।
40मानुससबेइ घाम बुड्लपाछु धेरइ थरिक मन्देलसब्के येसुकलघि आन्ल।#४:४०घाम बुड्नेपार नात्लिक दिन सक्किते रहइ मानुससबेइ मन्देल मानुसके बोक्नेपार हुन काम कर्ल मान्तेरहत यहुदि नियम अनुसार नात्लिक दिनयँ काम करिके नइजे भइतेरहइ। ओनेनेइ उसब्क उप्र हाथ राखिकुन सभइके निक पारिके भइल। 41धेरइ मानुसकमाटे चिच्चेतिन् भुत निस्कल, “तोहे परमेसोरक छावा हखउ!”
तर येसुइ भुतसब्के हप्काइकुन बोराइके नइजेदेइके भइल किकेकने ओनेनेइ बाचाइके अइलाहार ख्रिस्ट हखत कइकुन उसबेइ चिन्तेरहइ।
येसुक काम
(मर्कुस १:३५-३९)
42येसु बेहेन भइलपाछु सुनसान ठाउयँ जाइके भइल। तर ओनेन्के मानुससबेइ खोज्ते जइल, ओनेन्के भेट्लपाछु उसबेइ “हाम्राके छाडिकुन झुनजाओ” कइकुन रोकिके खोज्ल। 43ओनेनेइ उसब्के कहिकेभइल, “मोइ परमेसोरक राज्जेक खुसिक समचार अरु सहरयँ पुनु सुनाइके पोरित, किकेकने परमेसोरेइ मेराके इहइ काम करिके पाठाइकेभइल हखत।”
44यसिनकरिकुन ओनेनेइ सभइ यहुदिया ठाउक सभाघरयँ जाइकुन प्रचार करिकेभइल।
موجودہ انتخاب:
लुका 4: DRY
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 4
4
येसुक जाँच
(मति ४:१-११; मर्कुस १:१२-१३)
1येसु पबित्र आत्माइ भरिकुन यर्दन खोलासे फर्किकेभइल हसे पबित्र आत्माइ ओनेन्के उजाड-ठाउयँ लेजिकेभइल, 2जुछिका ओनेन्के चालिस दिनसमन जाँचयँ पारिकुन सइतानेइ#४:२ सइतान ग्रिक बाइबलयँ “दियाबलस” लेख्ल बाटइ पापयँ फासाइके खोज्ल। उसे बेलायँ ओनेनेइ खइलाहार कुरा निजखइलगुनेइ, ओनेन्के बेस्के भुखाते रहइ।
3येसुके सइतानेइ कहल, “साँच्चिकइ तोहे परमेसोरक छावा हखउ कने, इसे पाथरके रोटि बनिके आग्या देओ।”
4येसुइ जबाफ देइकेभइल, “मानुस रोटिसे मत्रइ नाबाचइ कइकुन, ‘धर्मक कितापयँ लेख्ल बाटइ।’” #बेब ८:३
5हसे ओख्निहिँ येसुके सइतानेइ अल्ग डाँडायँ लेजिकुन सन्सारक सभइ राज्जे देखातिन कहल। 6“तेउह्राके मोइ इसे राज्जेक राजा बानाइकुन, सभइ धन-सम्पतिक साहु बानाइके सक्तम, किकेकने सभइ राज्जे मेर हातयँ बाटइ, मोइ जोख्राके पुनु देइके सक्तम। 7यदि मेराके घोप्टोपोरिकुन ढोक्ताहाउ कने इछि भइल सभइ थोक तेउह्रइ भइत।”
8येसुइ उख्राके कहिकेभइल, “धर्मक कितापयँ इसे लेख्ल बाटइ, ‘तोइ परमप्रभु आफ्न परमेसोरके मत्रइ ढोगिके र सेवा करिके।’” #बेब ६:१३
9हसे येसुके सइतानेइ यरुसलेमक मन्दिर उप्र लेजिकुन कहल, “साँच्चिकइ तोहे परमेसोरक छावा हखउ कने इछिसे तर हामफालिके हबखाइ 10किकेकने ‘तेउह्राके हेरबिचार करिके परमेसोरेइ आफ्न सोर्गदुत खाटाइदेतात्’ कइकुन धर्मक कितापयँ लेख्ल बाटइ।#भज ९१:११ 11र तेर गोडयँ पाथरेइ चोट झुन् लागुस कइकुन सोर्गदुतसबेइ तेह्राके हाथ-हाथइ थाम्ताहात्।”#भज ९१:१२
12येसुइ जबाफ देइकेभइल, “धर्मक कितापेइ यस्न पुनु कहल बाटइ ‘तोइ परमप्रभु आफ्न परमेसोरक जाँच नाइकरिके।’” #बेब ६:१६
13येसुके सइतानेइ सभइ थरिक जाँच लेते पुनु पापयँ फासाइके निजसक्लपाछु, अर्क मउका निजपाउलसमनके छाडिकुन जइल।
गालिल ठाउसे येसुक काम सुरु
(मति ४:१२-१७; मर्कुस १:१४-१५)
14येसुइ पबित्र आत्माक सक्ति पाइकुन, गालिल ठाउयँ फर्किकेभइल। ओनेन्क बारेयँ चारइपटि चर्चा फइलिल। 15ओनेनेइ सभाघरयँ अर्ति सिखाइकेभइल र ओनेन्के सभइजेनाइ प्रसम्सा कर्तेरहत।
येसुके नासरतयँ इन्कार कर्ल
(मति १३:५३-५८; मर्कुस ६:१-६)
16आफ्नेन् हुर्कल ठाउ नासरतयँ येसु आइकेभइल, ओनेनेइ नात्लिक-दिनयँ सभाघरयँ जाइकेभइल हसे धर्मक किताप पढिके उठिकेभइल, 17यसइया अगमबक्ताइ लेख्ल कागजक मुठा ओनेन्क हातयँ देल। हसे येसुइ मुठा खोलिकुन यस्न लेख्ल खन्ड निस्काइकुन पढिके थाल्ल।
18 “परमप्रभुक आत्मा मेरउप्र बाटइ,
किकेकने गरिबसब्के खुसिक समचार सुनाइके लागि ओनेनेइ मेराके छानिकुन पाठाइके भइल बाटत।
कइदिसब्के छुटाइके,
अन्धासब्के देख्लार बानाइके,
थिचोमिचोयँ पोर्ल मानुसके छुटाइके #यसइ ६१:१-२
19 हसे परमप्रभुइ आफ्न मानुससब्के बाचालार बेला अइल बाटइ कइकुन,
सुनाइके लागि मेराके पाठाल।”
20उपाछु येसुइ कागजक मुठा गुटेइकुन अगुवाके फिर्ता देइकेभइल र बोसिकेभइल। सभाघरयँ भइल सभइ जेना मख्खइ पोरिकुन ओनेन्के चाहिराख्ल रहत, 21र ओनेनेइ उसब्के कहिकेभइल, “आजु तोहेसब धर्मक कितापक बचन सुन्तिन-सुन्तिन पुरा भइल बाटइ।”
22ओनेन्क मुहुकमाटे निस्कल अनुग्रहक बचन सुनिकुन सभइ जेना छक्कइ पोरिकुन मानुससबेइ ओनेन्के प्रसम्सा कर्ल। हसे उसबेइ कहल “इनेन् त योसेफकइ छाहोक् निजसे?”
23येसुइ उसब्के कहिकेभइल, “पक्कइ पुनु मेराके तोहेसब उखान कताहाउ, ‘ए बइधे! तोइ आफइके निक पारुक।’ तोहेसब मेराके ‘कफर्नहुमयँ अचम्मक काम जे जत्का कर्ल सुन्ल रहउ, उसे आफ्न गाउयँ पुनु देखाओ’ कइकुन कताहाउ।” 24ओनेनेइ कहिकेभइल, “साच्चिकइ मोइ तेउह्रासब्के कहतम्, कोलोउ पुनु अगमबक्ताके आफ्न गाउ-सहरक मानुसेइ मान नाकरत्। #युह ४:४४ 25मोइ तेउह्रासब्के अर्क एक्टा साच कुरा कहतम्, एलियाक बेलायँ साढे तिन बर्स पानि नपोरिकुन बड्क अनिकाल पोर्ल रहइ। उसे बेला इस्राएलयँ धेरइ बिधुइनि रहत। #१ राज १७:१ 26अरु कोक्रउ लघि नइजे, तर परमेसोरेइ एलियाके सिदोन सहरक नजिकइ पोर्लाहार सारपत गाउक बिधुइनिक लघि मत्रइ पाठाइकेभइल। #१ राज १७:८-१६ 27एलिसा अगमबक्ताक बेलायँ पुनु इस्राएलयँ धेरइ कोर रोगि रहत, उसब मद्धेयँ परमेसोरेइ सिरिया देसक नामानके मत्रइ निक पारिकेभइल।” #२ राज ५:१-१४
28इसे कुरा सुनिकुन, सभाघरयँ सभइ मानुस रिसेइ चुर भइल। 29हसे उसब जुरुक्कइ उठिकुन येसुके धक्लतिन सहरसे बाहार निस्काइदेल, जोनो सहर डाँडायँ पोर्तेरहइ र टुप्पायँ लेजिकुन ओनेन्के तरपट्टि खासाइके खोज्ल, 30हसे ओनेनेइ मानुसक भिडसे निस्किकुन आफ्न पायड लागिकेभइल।
भुत लाग्ल मानुस निक भइल
(मर्कुस १:२१-२८)
31उपाछु येसु गालिलक कफर्नहुम कलाहार सहरयँ जाइकेभइल, र मानुससब्के नात्लिक-दिनयँ ओनेनेइ अर्ति देइराख्तेरहत। 32ओनेन्क अर्ति सुनिकुन उसब छक्कइ पोर्ल, किकेकने ओनेनेइ उसब्के अधिकारसाङ अर्ति देतेरहत।#मति ७:२८-२९; मर्कु १:२२ 33सभाघरयँ एक जेना भुत लाग्ल मानुस रहइ; उहाइ बड्क सोरेइ चिच्चेइकुन कहल, 34“हे नासरतक येसु, तोहे हाम्राइके केकरिके खोस्तेबाटउ? तोहे हाम्राइके नास पारिके आइकेभइल हखउ? मेराके थाहा बाटइ तेउह्राके परमेसोरेइ पाठाइकेभइल पबित्र मानुस हखउ।”
35येसुइ इसे कुरा सुनिकुन भुतके हप्काइकुन कहिकेभइल, “चुप्ला र इसे मानुसकमाटे निस्किकुन जाइहाल!” उसे मानुसके पछारिकुन सभइक आघुसे भुत निस्कल, तर पुनु उख्राके चोट निजलाग्ल।
36सभइ मानुस छक्क पोरिकुन एक-अर्कसे कुरा करिके थाल्ल, “इसे मानुसक बोलियँ कस्न सक्ति र अधिकार रलाइ? इहाइ हप्कातिन भुतसब पुनु निस्किकुन भाग्ते रलाइ!” 37हसे येसुक चर्चा कफर्नहुम सहरक चारइपटि फइलिल।
येसुइ धेरइ मानुसके निक बानाइकेभइल
(मति ८:१४-१७; मर्कुस १:२९-३४)
38येसु सभाघरसे निस्किकुन सिमोनक घरयँ जाइके भइल। उछिका सिमोनक सासुक जोरोइ थल पर्लि रहि, उसबेइ “उख्राके निक पारिदेओ” कइकुन येसुके बिन्ति कर्ल। 39उक्र नजिकइ जाइकुन येसुइ ज्वरोके हप्काइके भइल र जोरोइ छाडिहाल्ल हसे उसे उठिकुन ओनेन्के सेवा करिके थाल्लि।
40मानुससबेइ घाम बुड्लपाछु धेरइ थरिक मन्देलसब्के येसुकलघि आन्ल।#४:४०घाम बुड्नेपार नात्लिक दिन सक्किते रहइ मानुससबेइ मन्देल मानुसके बोक्नेपार हुन काम कर्ल मान्तेरहत यहुदि नियम अनुसार नात्लिक दिनयँ काम करिके नइजे भइतेरहइ। ओनेनेइ उसब्क उप्र हाथ राखिकुन सभइके निक पारिके भइल। 41धेरइ मानुसकमाटे चिच्चेतिन् भुत निस्कल, “तोहे परमेसोरक छावा हखउ!”
तर येसुइ भुतसब्के हप्काइकुन बोराइके नइजेदेइके भइल किकेकने ओनेनेइ बाचाइके अइलाहार ख्रिस्ट हखत कइकुन उसबेइ चिन्तेरहइ।
येसुक काम
(मर्कुस १:३५-३९)
42येसु बेहेन भइलपाछु सुनसान ठाउयँ जाइके भइल। तर ओनेन्के मानुससबेइ खोज्ते जइल, ओनेन्के भेट्लपाछु उसबेइ “हाम्राके छाडिकुन झुनजाओ” कइकुन रोकिके खोज्ल। 43ओनेनेइ उसब्के कहिकेभइल, “मोइ परमेसोरक राज्जेक खुसिक समचार अरु सहरयँ पुनु सुनाइके पोरित, किकेकने परमेसोरेइ मेराके इहइ काम करिके पाठाइकेभइल हखत।”
44यसिनकरिकुन ओनेनेइ सभइ यहुदिया ठाउक सभाघरयँ जाइकुन प्रचार करिकेभइल।
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.