लुका 5
5
येसुइ तिन जेना चेलासब्के बोलाइकेभइल
(मति ४:१८-२२; मर्कुस १:१६-२०)
1एक दिन ओनेन् गालिल#५:१ गालिल ताल इख्राके गनेसरेत ताल पुनु कहित तालक छेओ ठोडेइरल रहत, जुछिका परमेसोरक बचन सुनिके लागि मानुसक भिडेइ ओनेन्क चारइपटि धक्ला-धक्लि करिराख्ते रहत। 2तालक छेओ येसुइ दुक्टा डोङा देखिके भइल। डोङा छाडिकुन जालहारिसबेइ जाल धोइ राख्ते रहत। 3#मति १३:२; मर्कु ३:९-१०; ४:१एक्टा डोङा सिमोनक रहइ। येसु डोङायँ चढिकुन सिमोनके डोङा छेउकमाटे चुत्कि ओताहा लेजुक कहिकेभइल र डोङायँ बोसिकुन मानुसक भिडके अर्ति देइके थालिकेभइल।
4येसुइ अर्ति दिसक्लपाछु सिमोनके कहिकेभइल, “डोङा गइह्र ठाउयँ लेजुक र जाल खेपुक!”
5येसुक कुरा सुनिकुन सिमोनेइ कहल, “गुरुजिउ, हामे रातभरि जाल खेप्ल तर एक्टाउ पुनु माछ निजपोर्ल। आबे तोहे कताहाउ कने मोइ जाल खेप्तम।”#युह २१:३ 6ओनेनेइ कहल अनुसार जाल खेप्ल त यत्का धेरइ माछ पोर्ल कि उसब्क जालइ फाटिके लाग्ल।#युह २१:६ 7हसे अर्क डोङायँ भइल सङ्घउरिसे साघाइके लागि इसारा कर्ल। उसब आइकुन माछ निस्काइके थाल्ल। दुहइ डोङायँ माछ भरिकुन डोङानइ बुडिके लाग्ल। 8इसे देखिकुन सिमोन पत्रुसेइ येसुक आघु ठेउनो धसिकुन कहल, “हे प्रभु, मेर लघि झुनआओ, मोइ पापि मानुस हखम!”
9किकेकने सिमोन र उक्र साङ्घातिसबेइ धेरइ माछ देखिकुन छक्कइ पोर्ल। 10हसे जब्दियाक छाहोक् याकुब र युहन्ना जोनो सिमोनक सङ्घउरि रहत, उसब पुनु छक्कइ पोर्ल। येसुइ सिमोनके कहिकेभइल, “झुन्डाराउक, आबेसे तोइ माछ धर्लाहार नइजे, तर मानुसके परमेसोरक राज्जेयँ आन्लाहार भइतस।”
11इसे सुनिकुन उसबेइ डोङा छेओ तानिकुन आन्ल, हसे सभइ कुरा छाडिकुन येसुक पाछु लाग्ल।
येसुइ कोररोगिके निक बानाइके भइल
(मति ८:१-४; मर्कुस १:४०-४५)
12येसु एक दिन एक्टा सहरयँ रहत। उसे सहरयँ एक जेना जिओइभरि कोररोग लाग्ल मानुस रहइ। कोरलाग्ल#५:१२यहुदि कानुन अनुसार कोरलाग्ल मानुस असुद्द भइतेरहइ उसे मानुस मन्दिरयँ पोसिके पुनु निजपउते रहइ र सुद्द मानुसके पुनु छिइके निजपाउते रहइ। मानुसेइ येसुके देखिकुन ओनेन्क आघु लम्पसार पोरिकुन बिन्ति कर्ल, “हे प्रभु, तोहे चाहानेपार मेराके सुद्द बानाइके सक्ताहाउ।”
13येसुइ उक्रउप्र हाथ राखिकुन कहिकेभइल, “तोइ निक भइल मोइ चाहातम।” हसे ओख्निहिँ उक्र कोररोग निक भइहाल्ल। 14येसुइ उख्राके आग्या देइकेभइल, “इसे कुरा कोख्राहुके झुनकहुक, तर पुजेहेरिकलघि जाइकुन आफइके जाँचुक; मोसाइ कहल जस्नइ तोइ निक भइल पर्मान देखाइके भोक चाढाउक।”#लेबि १४:१-३२
15तर पुनु येसुक चर्चा झन धेरइ फइलिल हसे मानुसक बड्क भिड ओनेन्क अर्ति सुनिके र रोगकमाटे निक भइके आइके थाल्ल। 16तर ओनेनेइ चाहिँ सुनसान ठाउयँ जाइकुन पार्थाना कर्तेरहत।
येसुइ एकपटिक हर निजचल्लार मानुसके निक पारिकेभइल
(मति ९:१-८; मर्कुस २:१-१२)
17एक दिन येसुइ मानुससब्के अर्ति देइ राख्तेरहत, ओनेन्क छेओ फरिसिसब र धर्मगुरुसब पुनु बोस्ल रहत जोनोचाहिँ गालिल र यहुदियाक सभइ गाउसे हसे यरुसलेम सहरकमाटे पुनु अइल रहत। मन्देलसब्के निक पार्लार परमप्रभुक सक्ति येसुसाङ रहइ। 18येसुक आघु एकपटिक हर निजचल्लार मानुसके खाट सुन्धाइ बोकिकुन अरु मानुससबेइ आनिके खोज्ल। 19तर मानुसक भिड धेरइ भइकुन, येसुलघि लेजिके पायड नइ निजपाउल। उहइगुनेइ घरक छत उप्र जाइकुन माटिक छत उज्राइकुन उसबेइ मन्देल मानुसके खाट सुन्धाइ येसुक आघु झारिदेल। 20येसुइ उसे मानुससब्क बिस्वास देखिकुन एकपटिक हर निजचल्लार मानुसके कहिकेभइल, “ए मानुस, तेर पाप छेमा भइल बाटइ।”
21येसुक कुरा सुनिकुन धर्मगुरु र फरिसिसबेइ एक्टाइ-अर्कके कहिके थाल्ल, “परमेसोरक अपमान कर्लाहार इसे मानुस कोनो हखइ? परमेसोरेइ बाहेक अरु कोनेइ पाप छेमा करिके सकित र?”
22येसुइ उसब्क मनक कुरा बुझिकुन कहिकेभइल, “तोहेसब आफ्न मनयँ किति करिके यस्न सोस्ताउ? 23मन्देल मानुसके ‘तेर पाप छेमा भइल’ कहिके कि, ‘तोइ उठिकुन हिठ’ कहिके सजिल भइत? 24तर मोइ मानुसक छावाके इसे पिर्थिबियँ पाप छेमा करिके अधिकार बाटइ कइकुन तेउह्रासब्के पर्मान देतम।” हसे येसुइ एकपटिक हर निजचल्लारके कहिकेभइल, “मोइ तेह्राके कहतम् आबे उठुक्, तेर ठावाँ बोकुक र घर जाउक्।”
25उसब्क आघुसे मन्देल मानुस ओख्निहिँ उठ्ल हसे ठावाँ बोकिकुन परमेसोरके प्रसम्सा कर्तिन आफ्निक घर जइल। 26हसे उसब सभइ अचम्म पोर्ल र परमेसोरक सक्ति देखिकुन डाराल, उसबेइ परमेसोरक प्रसम्सा कर्तिन कहल, “हामे आजु यस्न अचम्मक कुरा देख्ल!”
येसुइ लेबिके चेला बनिके बोलाइकेभइल
(मति ९:९-१३; मर्कुस २:१३-१७)
27येसु उछिसे जाइराख्तेखना एक जेना तिरो उठालाहार मानुसके तिरो तिर्लार ठाउयँ बोसिराख्ल देखिकेभइल। येसुइ उख्राके कहिकेभइल, “मेर पाछु लागुक।” 28हसे सभइ कुरा छाडिकुन लेबि उठ्ल र ओनेन्क पाछु लाग्ल।
29उपाछु लेबिइ आफ्न घरयँ येसुक लागि बड्क भोज लागाइकुन ओनेन्के खाइके बोलाल, भोजयँ धेरइ जस्न तिरो उठालाहार र अरु मानुस पुनु येसुसाङ खाइके बोस्ल रहत। 30येसुक चेलासब्के फरिसि र उसब्क धर्मगुरु गनगनातिन कहल, “तोहेसब किति करिके तिरो उठालाहार र पापि मानुससाङ बोसिकुन खइताउ र पिउताउ?”#लुक १५:१-२
31येसुइ उसब्के कहिकेभइल, “बइधे निजमन्देलके नाचाहोइ तर मन्देलके चाहित। 32उहइगुनेइ मोइ धर्मातिके नइजे, तर पापिके आफ्न पाप छाडिकुन आओ कइकुन बोलाइके अइल हखम।”
उपास बोस्लाहार बारेयँ प्रस्न
(मति ९:१४-१७; मर्कुस २:१८-२२)
33येसुके मानुससबेइ कहल, “बप्तिस्मा देलाहार युहन्नाक चेलासब बाराम्बार उपास बोस्तात् र पार्थाना कर्ताहात्, हसे फरिसिक चेलासबेइ पुनु ओसिन कर्ताहात् तर तेउह्र चेलासब चाहिँ खइताहात् र पिउतात्।”
34येसुइ उसब्के कहिकेभइल, “बिहाक भोजयँ दुलाहासाङ अइलाहार जन्तिसब्के तोहेसब उपास बोसिके लागाइके सक्ताहाउ? 35तर यस्न दिन पुनु आइत, जोख्निके दुलाहा उसब्से छुटाइकुन लेस्ताहात्, ओख्निके उसब उपास बोस्तात्।”
36येसुइ उसब्के एक्टा उदारन कहिकेभइल, “कोलोउ पुनु लउठा लुगा चेतिकुन पुरान लुगा नाटालत, यदि टालिहाल्ने पार, लउठा लुगा पुनु बिग्रित, हसे लउठा टाला पुरान लुगासाङ पुनु नामिलइ। 37कोनेइ पो अङ्गुरक कलिल मोद पुरान छालाक थइलियँ राखित र? यदि राखिहाल्नेपार थइलि नइ फुटित, हसे मोद पुनु हेर्कित। 38अङ्गुरक लउठा मोदचाहिँ लउठा छालाक थइलियँ नइ राखिके पोरित 39कोलोउ पुनु जुवाल अङ्गुरक मोद खइनेपार कलिल अङ्गुरक मोद खाइके नामानत। उहाइ कहित, ‘जुवाल अङ्गुरक मोद नइ सावाद भइत’।”
موجودہ انتخاب:
लुका 5: DRY
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 5
5
येसुइ तिन जेना चेलासब्के बोलाइकेभइल
(मति ४:१८-२२; मर्कुस १:१६-२०)
1एक दिन ओनेन् गालिल#५:१ गालिल ताल इख्राके गनेसरेत ताल पुनु कहित तालक छेओ ठोडेइरल रहत, जुछिका परमेसोरक बचन सुनिके लागि मानुसक भिडेइ ओनेन्क चारइपटि धक्ला-धक्लि करिराख्ते रहत। 2तालक छेओ येसुइ दुक्टा डोङा देखिके भइल। डोङा छाडिकुन जालहारिसबेइ जाल धोइ राख्ते रहत। 3#मति १३:२; मर्कु ३:९-१०; ४:१एक्टा डोङा सिमोनक रहइ। येसु डोङायँ चढिकुन सिमोनके डोङा छेउकमाटे चुत्कि ओताहा लेजुक कहिकेभइल र डोङायँ बोसिकुन मानुसक भिडके अर्ति देइके थालिकेभइल।
4येसुइ अर्ति दिसक्लपाछु सिमोनके कहिकेभइल, “डोङा गइह्र ठाउयँ लेजुक र जाल खेपुक!”
5येसुक कुरा सुनिकुन सिमोनेइ कहल, “गुरुजिउ, हामे रातभरि जाल खेप्ल तर एक्टाउ पुनु माछ निजपोर्ल। आबे तोहे कताहाउ कने मोइ जाल खेप्तम।”#युह २१:३ 6ओनेनेइ कहल अनुसार जाल खेप्ल त यत्का धेरइ माछ पोर्ल कि उसब्क जालइ फाटिके लाग्ल।#युह २१:६ 7हसे अर्क डोङायँ भइल सङ्घउरिसे साघाइके लागि इसारा कर्ल। उसब आइकुन माछ निस्काइके थाल्ल। दुहइ डोङायँ माछ भरिकुन डोङानइ बुडिके लाग्ल। 8इसे देखिकुन सिमोन पत्रुसेइ येसुक आघु ठेउनो धसिकुन कहल, “हे प्रभु, मेर लघि झुनआओ, मोइ पापि मानुस हखम!”
9किकेकने सिमोन र उक्र साङ्घातिसबेइ धेरइ माछ देखिकुन छक्कइ पोर्ल। 10हसे जब्दियाक छाहोक् याकुब र युहन्ना जोनो सिमोनक सङ्घउरि रहत, उसब पुनु छक्कइ पोर्ल। येसुइ सिमोनके कहिकेभइल, “झुन्डाराउक, आबेसे तोइ माछ धर्लाहार नइजे, तर मानुसके परमेसोरक राज्जेयँ आन्लाहार भइतस।”
11इसे सुनिकुन उसबेइ डोङा छेओ तानिकुन आन्ल, हसे सभइ कुरा छाडिकुन येसुक पाछु लाग्ल।
येसुइ कोररोगिके निक बानाइके भइल
(मति ८:१-४; मर्कुस १:४०-४५)
12येसु एक दिन एक्टा सहरयँ रहत। उसे सहरयँ एक जेना जिओइभरि कोररोग लाग्ल मानुस रहइ। कोरलाग्ल#५:१२यहुदि कानुन अनुसार कोरलाग्ल मानुस असुद्द भइतेरहइ उसे मानुस मन्दिरयँ पोसिके पुनु निजपउते रहइ र सुद्द मानुसके पुनु छिइके निजपाउते रहइ। मानुसेइ येसुके देखिकुन ओनेन्क आघु लम्पसार पोरिकुन बिन्ति कर्ल, “हे प्रभु, तोहे चाहानेपार मेराके सुद्द बानाइके सक्ताहाउ।”
13येसुइ उक्रउप्र हाथ राखिकुन कहिकेभइल, “तोइ निक भइल मोइ चाहातम।” हसे ओख्निहिँ उक्र कोररोग निक भइहाल्ल। 14येसुइ उख्राके आग्या देइकेभइल, “इसे कुरा कोख्राहुके झुनकहुक, तर पुजेहेरिकलघि जाइकुन आफइके जाँचुक; मोसाइ कहल जस्नइ तोइ निक भइल पर्मान देखाइके भोक चाढाउक।”#लेबि १४:१-३२
15तर पुनु येसुक चर्चा झन धेरइ फइलिल हसे मानुसक बड्क भिड ओनेन्क अर्ति सुनिके र रोगकमाटे निक भइके आइके थाल्ल। 16तर ओनेनेइ चाहिँ सुनसान ठाउयँ जाइकुन पार्थाना कर्तेरहत।
येसुइ एकपटिक हर निजचल्लार मानुसके निक पारिकेभइल
(मति ९:१-८; मर्कुस २:१-१२)
17एक दिन येसुइ मानुससब्के अर्ति देइ राख्तेरहत, ओनेन्क छेओ फरिसिसब र धर्मगुरुसब पुनु बोस्ल रहत जोनोचाहिँ गालिल र यहुदियाक सभइ गाउसे हसे यरुसलेम सहरकमाटे पुनु अइल रहत। मन्देलसब्के निक पार्लार परमप्रभुक सक्ति येसुसाङ रहइ। 18येसुक आघु एकपटिक हर निजचल्लार मानुसके खाट सुन्धाइ बोकिकुन अरु मानुससबेइ आनिके खोज्ल। 19तर मानुसक भिड धेरइ भइकुन, येसुलघि लेजिके पायड नइ निजपाउल। उहइगुनेइ घरक छत उप्र जाइकुन माटिक छत उज्राइकुन उसबेइ मन्देल मानुसके खाट सुन्धाइ येसुक आघु झारिदेल। 20येसुइ उसे मानुससब्क बिस्वास देखिकुन एकपटिक हर निजचल्लार मानुसके कहिकेभइल, “ए मानुस, तेर पाप छेमा भइल बाटइ।”
21येसुक कुरा सुनिकुन धर्मगुरु र फरिसिसबेइ एक्टाइ-अर्कके कहिके थाल्ल, “परमेसोरक अपमान कर्लाहार इसे मानुस कोनो हखइ? परमेसोरेइ बाहेक अरु कोनेइ पाप छेमा करिके सकित र?”
22येसुइ उसब्क मनक कुरा बुझिकुन कहिकेभइल, “तोहेसब आफ्न मनयँ किति करिके यस्न सोस्ताउ? 23मन्देल मानुसके ‘तेर पाप छेमा भइल’ कहिके कि, ‘तोइ उठिकुन हिठ’ कहिके सजिल भइत? 24तर मोइ मानुसक छावाके इसे पिर्थिबियँ पाप छेमा करिके अधिकार बाटइ कइकुन तेउह्रासब्के पर्मान देतम।” हसे येसुइ एकपटिक हर निजचल्लारके कहिकेभइल, “मोइ तेह्राके कहतम् आबे उठुक्, तेर ठावाँ बोकुक र घर जाउक्।”
25उसब्क आघुसे मन्देल मानुस ओख्निहिँ उठ्ल हसे ठावाँ बोकिकुन परमेसोरके प्रसम्सा कर्तिन आफ्निक घर जइल। 26हसे उसब सभइ अचम्म पोर्ल र परमेसोरक सक्ति देखिकुन डाराल, उसबेइ परमेसोरक प्रसम्सा कर्तिन कहल, “हामे आजु यस्न अचम्मक कुरा देख्ल!”
येसुइ लेबिके चेला बनिके बोलाइकेभइल
(मति ९:९-१३; मर्कुस २:१३-१७)
27येसु उछिसे जाइराख्तेखना एक जेना तिरो उठालाहार मानुसके तिरो तिर्लार ठाउयँ बोसिराख्ल देखिकेभइल। येसुइ उख्राके कहिकेभइल, “मेर पाछु लागुक।” 28हसे सभइ कुरा छाडिकुन लेबि उठ्ल र ओनेन्क पाछु लाग्ल।
29उपाछु लेबिइ आफ्न घरयँ येसुक लागि बड्क भोज लागाइकुन ओनेन्के खाइके बोलाल, भोजयँ धेरइ जस्न तिरो उठालाहार र अरु मानुस पुनु येसुसाङ खाइके बोस्ल रहत। 30येसुक चेलासब्के फरिसि र उसब्क धर्मगुरु गनगनातिन कहल, “तोहेसब किति करिके तिरो उठालाहार र पापि मानुससाङ बोसिकुन खइताउ र पिउताउ?”#लुक १५:१-२
31येसुइ उसब्के कहिकेभइल, “बइधे निजमन्देलके नाचाहोइ तर मन्देलके चाहित। 32उहइगुनेइ मोइ धर्मातिके नइजे, तर पापिके आफ्न पाप छाडिकुन आओ कइकुन बोलाइके अइल हखम।”
उपास बोस्लाहार बारेयँ प्रस्न
(मति ९:१४-१७; मर्कुस २:१८-२२)
33येसुके मानुससबेइ कहल, “बप्तिस्मा देलाहार युहन्नाक चेलासब बाराम्बार उपास बोस्तात् र पार्थाना कर्ताहात्, हसे फरिसिक चेलासबेइ पुनु ओसिन कर्ताहात् तर तेउह्र चेलासब चाहिँ खइताहात् र पिउतात्।”
34येसुइ उसब्के कहिकेभइल, “बिहाक भोजयँ दुलाहासाङ अइलाहार जन्तिसब्के तोहेसब उपास बोसिके लागाइके सक्ताहाउ? 35तर यस्न दिन पुनु आइत, जोख्निके दुलाहा उसब्से छुटाइकुन लेस्ताहात्, ओख्निके उसब उपास बोस्तात्।”
36येसुइ उसब्के एक्टा उदारन कहिकेभइल, “कोलोउ पुनु लउठा लुगा चेतिकुन पुरान लुगा नाटालत, यदि टालिहाल्ने पार, लउठा लुगा पुनु बिग्रित, हसे लउठा टाला पुरान लुगासाङ पुनु नामिलइ। 37कोनेइ पो अङ्गुरक कलिल मोद पुरान छालाक थइलियँ राखित र? यदि राखिहाल्नेपार थइलि नइ फुटित, हसे मोद पुनु हेर्कित। 38अङ्गुरक लउठा मोदचाहिँ लउठा छालाक थइलियँ नइ राखिके पोरित 39कोलोउ पुनु जुवाल अङ्गुरक मोद खइनेपार कलिल अङ्गुरक मोद खाइके नामानत। उहाइ कहित, ‘जुवाल अङ्गुरक मोद नइ सावाद भइत’।”
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.