Sealm 2
2
Sealm II
Ðæs æfteran sealmes capitul is gecweden “psalmus Dauid,” þæt ys on Englisc, “Dauides sealm,” for þæm he is hys sealm gecweden for þi he seofode on þæm sealme and mænde to Drihtne be his feondum, ægðer ge inlendum ge utlendum, and be eallum his earfoðum; and swa deð ælc þæra þe þysne sealm sincgð be his sylfes feondum; and swa dyde Crist be Iudeum.
1Hwy ryð ælc folc, and hwi smeagað hi unnytt?
2And hwy arisað eorðcynincgas,
and ealdormenn cumað tosomne
wið Gode and wið þam þe he to hlaforde geceas and gesmyrede?
3Hi cweðað: “utan tobrecan heora bendas
and aweorpan heora geocu of us.”
4Hwæt forstent heora spræc (cwæð se witega) þeah hi swa cweðen,
for þam se God þe on heofonum ys hig gehyspð,
and Drihten hyg gescent;
5and he clypað to him on his yrre
and gedrefð heora geþeaht.
6And ic eam, þeah, cincg geset fram Gode
ofer his ðone halgan munt Syon,
7to þam þæt ic lære his willan and his æ.
For þan cwæð Drihten to me: “Þu eart min sunu;
nu todæg ic ðe acende.
8Bide me and ic þe sylle þeoda to agnum yrfe,
and þinne anwald ic gebræde ofer ðeoda gemæro.
9And ic gedo þæt þu heora wylst mid isernre gyrde,
and hi miht swa eaðe abrecan swa se croccwyrhta mæg ænne croccan.”
10Ongytað nu, kyningas,
and leorniað ge domeras þe ofer eorðan demað.
11Þeowiað Drihtne and ondrædað hine,
blissiað on Gode, and ðeah mid ege.
12Onfoð lare þy læs eow God yrre weorðe,
and þy læs ge wendon of rihtum wege,
for þæm þonne his yrre byð onæled,
þonne beoð eadige þa þe nu on hine getrywað.
موجودہ انتخاب:
Sealm 2: ASPsa
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.