مَتّی 6
6
کمک گِرِن بُ محتاجا
1«هیشیار بِن گو شُله خو یه خِیر بَ چاوه خلقه جی نَینِن، بِ قَصدا هِنده گو وَ بِبینِن، نَخو وَ چه خِیرَگ ژه آلیه بابه خو گو اَسمانی دایَ، چه نابیت.
2«بَجا وقته گو کمکا محتاجَگه دِگَی، دودِگه ره نَیخِنَ، هَ وِسا گو ریاکار دیرادا و کوچادا دِگَن گو خلق مَحته وان بِگَت. بَراستی، اَز بُ وَ دِبِژِم، اَوان خِیرا خو اِستاندیَ. 3بله تِ وقته کمکا محتاجَگه دِگَی، نَهِلَ دَسته تَ یه چَپه بِزانیت گو دَسته تَ یه راسته چه دِگَت، 4گو کمکا تَ وَشارتی بیت؛ هِنگه بابه تَ گو دِشده وَشارتی دِبینیت، دیه خِیرا تَ بِدَتَ تَ.
دعا گِرِن
5«وقته تِ دعایه دِگَی، نابی تِ بینا ریاکارا بی. چون گو اَو هَز دِگَن دیرادا و سَره کوچا راوَستِن و دعایه بِگَن گو خلق وان بِبینیت. بَراستی، اَز بُ وَ دِبِژِم، اَوان خِیرا خو اِستاندیَ. 6بله تِ، وقته گو دعایه دِگَی هَرَ اُدا خودا، دَری گِردَ و حُضورا بابه خودا گو بَرچاو نینَ، دعایه بِگَ. هِنگه بابه تَ گو دِشده وَشارتی دِبینیت، دیه خِیرا تَ بِدَتَ تَ.
7«هَمژی، گاوا دعا گِرِنه، دوویِگرا قِسه پوچ نَبِژِن، اَو جورا گو قَومه بت پرست دِگَن، چون اَو وَ فِکِر دِگَن گو بَر خاطره زِدَ گُتِنا وان، دیه دعایا وان قَبول بیت. 8بینا وان نَبِن، چون بابه وَ پِش هِنده گو اون ژه وی بِخازِن، دِزانیت وَ چه لازِمَ.
9«بَهنده اون وِسا دعایه بِگَن:
«اَی بابه مَ گو اَسمانه دایی،
ناوه تَ مُقدس بیت.
10پادشاهیا تَ بِت.
اِرادا تَ، هَ وِسا گو اَسمانی دا دِقَومیت،
سَر عَردی ژی بِقَومیت.
11نانه مَ یه همو رُژه ایرو بِدَ مَ.
12و قَرِت مَ بِبَخشَ،
هَ وِسا گو اَم ژی قَردارِت خو دِبَخشِن.
13و مَ امتحان نَگَ،
بَلگو مَ ژه پیسیتیه خَلاص گَ. چون گو پادشاهی و قُدرَت و شُکوه و جلال، حَتا اَبَده یا تَیَ. آمین.
14چون هَگو اون تقصیراته خلقه بِبَخشِن، بابه اَسمانیه وَ ژی دیه وَ بِبَخشیت. 15بله هَگو اون تقصیراته خلقه نَبَخشِن، بابه وَ ژی تقصیراته وَ نابَخشیت.
رُژی گِرتِن
16«وقته گو اون رُژیا دِگِرِن، بینا ریاکارا خُلقه خو شین نَگَن، چون اَو رویه خو تِگ دِدَن گو لاره خلقه، خو رُژی نیشان بِدَن. بَراستی، اَز بُ وَ دِبِژِم، اَوان خِیرا خو اِستاندیَ. 17بله تِ وقته رُژیا دِگِری، سَره خو رون گَ و رویه خو بِشو 18گو رُژی گِرتِنا تَ، بُ چه کَسه خِنجی بابه تَ گو بَرچاو نینَ نَیِتَ دیتِن، و بابه تَ گو دِشده وَشارتی دِبینیت، دیه خِیرا تَ بِدَتَ تَ.
خِزینا اَسمانی دا
19«سَر رویه عَردی بوخو خِزینا خِر نَگَن، جیه گو خویرک و ژَنگ، ضَرَره دِگَهَشینیت و دِز تِن و دِزیه دِگَن. 20بَلگو خِزینا خو اَسمانی دا خِر گَن، جیه گو خویرک و ژَنگ ضَرَره ناگَهَشینیت و دِز نایِن و دِزیه ناگَن. 21چون هَچی جیه گو خِزینا تَ وِدَریَ، دله تَ ژی دیه وِدَره بیت.
22«چاو، چِرایا بَدَنه یَ. هَگو چاوه تَ ساخ بیت، تواوی بَدَنا تَ دیه تِژی ژه نور بیت. 23بله هَگو چاوه تَ پیس بیت، تواوی بَدَنا تَ دیه تِژی ژه تاریتی بیت. بَهنده هَگو نورا ناو تَدا تاریتیَ، چه تاریتیَگه عَظیمَ!
24«چه کَس نِگاریت بُ دو اَربابا خِذمَته بِگَت، چون گو آن دیه نَفرَته یگه بِگَت و دیه هَژَ اَوه دیتِر بِگَت، و آن بُ یگه دیه وفادار بیت و اَوه دیتِر بُ وی دیه به قَدِر بیت. اون نَشِن هم عَوده خدا بِن، هم عَوده دِراوی.
نیاران نَبِن
25«بَهنده اَز بُ وَ دِبِژِم، نه نیارانه ژیانا خو بِن گو چه بُخُن آن چه وَخُن، و نه نیارانه بَدَنا خو گو چه بَرگَن. ما ژیان ژه رِسقی و بَدَن ژه جِلِگا مُهِمتِر نینَ؟ 26بَرخودَنَ طَیره اَسمانی گو نه دِچینِن و نه دِدورون و نه چه دِشدی خِر دِگَنَ انبارادا، بله دیسا ژی بابه اَسمانیه وَ رِسقه وان دِدَت. ما اون ژه وان قَدِرتِر نینِن؟ 27کِیَ ناو وَدا گو بِگاریت بِ نیارانیه، سَعَتَگه دانِتَ سَر عَمره خو؟
28«و بُچی اون نیارانه جِلِگ بَرگِرِنه نَ؟ بَرخودَنَ سُسِنه ناو چُله دا گو چاون شین دِبِن؛ اَو نه زحمته دِکِشِن و نه دِوَهون. 29بله دیسا ژی اَز بُ وَ دِبِژِم گو حتا سلیمان پاشا ژی بِ تواوی شُکوه و جلالا خو وَگو یگَ وان نَهاتَ خَمِلاندِن. 30بَهنده هَگو خدا گیایه چُله گو ایرو هَیَ و سِبه تِتَ هاوِتِن ناو طَندوره، وِسا جِلِگا دِگَتَ بَدا، ما گَلَک باشتِر جِلِگا ناگَتَ بَر وَدا اَی مِرُوِت گو ایمانا وَ گِمَ؟
31«بَهنده نیاران نَبِن و نَبِژِن اَم چه بُخُن آن اَم چه وَخُن و آن اَم چه بَرگَن. 32چون گو قَومه دیتِر دوو تواوی دِشده وِسا دانَ، بله بابه اَسمانیه وَ دِزانیت گو اون هَوجَیی وانَ همویانَ. 33بَلگو اَوِلی دوو پادشاهیا خدا و صالِح بونه دا بِن، گو اَونَ همو ژی دیه بُ وَ بِنَ دایین. 34بَهنده نیارانه سِبه نَبِن، چون گو سِبه دیه نیارانیا خو هَبیت. دَرده ایرو تِرا ایرو هَیَ!
موجودہ انتخاب:
مَتّی 6: SKB
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
@ 2024 Korpu Company