Gn 7
7
Jun owal aej mukwajwom
1Axa yet max ajapnok c'ual xin, max yalon Jehová Dios bay cham Noé: Ocantok yul barco yetok etbi, c'al eb a c'ajol, c'al yetok yetbi eb a c'ajol tu', yujtol asannej ach yikem ach ayin xol anima masanil, yet jun tiempoal ti'. 2I octok uk mojanok no' chi je' yoc yin xajanbalil, a pax masanil no' comon xin, junjun mojan no' che octok. 3I c'apax octok uktakok mojan junjun makan no tz'iquin, yet watx' c'am chi c'ayil yinatil no'. 4Yet ukubix tinani' cax chi wak'on jay jun owal aej mukwajwom; cawinak c'u, cawinak ak'bal ok yak'a'. Caywal tu' ok yun in c'ayon el masanil tzet max in pitzc'onej aj bay sat tx'otx' ti', ẍi Cham bay. 5Axca ton tu' max yun yiken Noé masanil tzet max yal Jehová.
6A yet max jay jun owal aej mukwajwom tu', 600 abil is k'inal cham Noé tu'. 7Max octok cham Noé yul te barco tu' yetok yetbi, yetok eb is c'ajol c'al yetok eb is yalib, yuj colchaj eb bay jun owal aej mukwajwom tu'. 8Axca tu' no no', no' chi je' yoc yin xajanbalil, no comon no', no tz'iquin, yetokc'al no' chi jutxtok ba. 9Junjun mojan max yun yak'on jayoc ba no' yuj yoctok no' yul barco tu' yetok cham axca max yun yalon Dios bay. 10Suk c'ual wal tu' cax max jay secnaj jun owal aej mukwajwom tu'. 11A wal tz'aknaj yabilal Noé yin 600 abil is k'inal, yet uklajoneb waay yet is cab xajaw, max ajol nic'naj mimek aej yul tx'otx' c'al max jay secnaj mimek aej max tit satcan. 12Cawinak c'u, cawinak ak'bal max yak' nab sat tx'otx' tu'.
13A yet jun c'ual albil yuj Dios, max occantok cham Noé tu' yul barco yetok eb oxwan is c'ajol, a ton Sem, Cam c'al Jafet, yetok yetbi cham, c'al eb ix oxwan alibej, 14c'al masanil makanil no no' ayoctok yetok, no jobbejal no', no' xolakteal no', no' chi jutx ba c'al no tz'iquin. 15Masanil no no' chi yi' cak'ek', max octok yetok cham Noé yul barco, yin catakc'onc'al max yun yoctok no', 16junjun c'al mojan. Cac'al tu' max yun yoctok masanil is makanil no', axca max yun yalon Dios bay Noé. Max lajwi tu', a wal caw Jehová max makchen can puertail te barco tu'.
17-18Cawinakxa c'ual yel yich yak'on nab tu', max aj sululok a' can, max yikon aj a' te barco tu'. 19Max mukaytok masanil mimek witz yuj a'. 20Max ch'ibc'al aj a', ay mi wal ukebokxa metro max ec'aj a' yiban mimek witz. 21Axca ton tu' max yun cam masanil anima ay bay yulyibank'inal ti', yetokc'al masanil no no', no tz'iquin, no jobbejal no', no xolakteal no', c'al no' chi jutx ba sat tx'otx' tx'otx' ti'. 22Masanil tzet tol chi yi' is cak'ek' sat tx'otx' tx'otx' ti', pilan max cami. 23Asanxanej Noé yetok eb ayoctok yetok yul arca, c'al no no' ayoctok yetok, max colchaji. Axa pax juntzanxa eb tu xin, max lajwi el eb. 24Oyeb xajaw max cancan lian a' yiban tx'otx'.
موجودہ انتخاب:
Gn 7: ATBYK89
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Kanjobal (Q’anjob’al) © Sociedad Bíblica de Guatemala 1989