Những câu Kinh Thánh phổ biến từ Sioné 7

Chia sẻ

‘Ilonga ‘a ia ‘oku tui pīkitai kiate au, pea hangē ko e lau ‘a e Tohitapu, ‘e tafe atu mei hono manava ha ngaahi vaitafe ‘o e vai mo‘ui.

Pea ko eni, ‘i he ‘aho faka‘osi ‘o e kātoanga, hono ‘aho lahi, na‘e hanga ‘a Sīsū ‘o tu‘u, ‘o ne kalanga ‘o pehē, Ka ai ha taha ‘oku fie inua, ke ne ha‘u kiate au ‘o inu.

(Ka na‘e kau ‘ene lea ko ia ki he Laumālie, ‘a ia ka ma‘u ‘e kinautolu na‘e tui pīkitai kiate ia: he kuo te‘eki ai ‘a e Laumālie, koe‘uhi kuo te‘eki fakalāngilangi‘i ‘a Sīsū.)

‘Oua na‘a mou fakaanga ‘o fai ki he me‘a ‘oku ha kitu‘a; ka mou fakaanga ke totonu.

Ko ia ‘oku lea meiate ia pē, ‘oku ne tuli pē ki hono ongoongo ‘o‘ona; ka ko ia ‘oku ne tuli ki he ongoongo ‘o ia na‘a ne fekau mai ia, ko e toko taha ko ia ‘oku mo‘oni, pea ‘oku ‘ikai ha ta‘etotonu ‘i ai.

Pea tali ai ‘e Sīsū kiate kinautolu, ‘o pehē, Ko ‘eku tokāteline ‘oku ‘ikai ‘a‘aku, ka ‘oku ‘a‘ana na‘a ne fekau mai au.

Tala‘ehai ‘e lava ‘e māmani ke fehi‘a kiate kimoutolu: ko au pē ‘oku ne fehi‘a ki ai, koe‘uhi ko au pē ‘oku ou fakahaa‘ia ‘oku kovi ‘ene ngaahi ngāue.