Những câu Kinh Thánh phổ biến từ Ɉaan 14

Chia sẻ

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Ə lɛɛ, ŋą mo Ną́n Yálá ɓa ə ka mąąkɔ̨nwɔ̨ mun dɛɛ, yii ka diɛni ka lɛɛ ka kee ɓa a yələ kəlee. Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai. Akɛ ka da hvɛli mą́ą́, ɲą́ą́ náá hu, ŋą dɛɛ ka pɔ.

«Akɛ ka nwɛ́li la kɛ, ka nwɔ liɛwooɠaa hon

Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Tomasə yɛ Jesus ɓa: «Ną́mu ɓɛi ə́ kaa lii laa, ku hvo kpɛli naa kɔ́lɔn, kwa pɛli bələ kɔ́lɔn ɉi ləi?»