Những câu Kinh Thánh phổ biến từ YAHYA 12

Chia sẻ

Oreng se aladinana Sengko' kodu noro' Sengko', sopaja Tang pangladin bisa'a apolong ban Sengko' neng e Tang kennengngan. Ban sapa se aladine Sengko' bakal ehormadana bi' Tang Rama.”

Sapa se ngaemane odhi'na bakal kaelangana odhi'na. Tape sapa se baji' ka odhi'na e dunnya reya bakal pagguna meyara odhi'na jareya kaangguy odhi' se saongguna tor langgeng.

Sengko' ngoca'a sabendherra: Gandum sabuter tanto paggun sabuter, kajabana mon gandum jareya etamen e dhalem tana laju mate. Mon gandum jareya la mate, buru ngasellagi gandum sabannya'na.

Sengko' dhateng ka dunnya reya menangka terrang me' olle oreng se parcaja ka Sengko' ta' sampe' neng e pettengnga.

Oreng se ngedhing ka Tang pangajaran tape ta' atoro' ka pangajaran jareya, banne Sengko' se ahakimana. Sabab Sengko' dhateng banne ahakimana dunnya, tape masalamedda.

Saellana jareya Miriyam nyander, ngeba mennya' ro'om narwastu, bannya'na satengnga liter, se argana ce' larangnga. Mennya' jareya eselen ka padana Isa, laju ekessot bi' obu'na. Ro'omma mennya' jareya daddi sabengko.

Daddi reng-oreng jareya ngala' dhaunna palma, laju entar ngamba' Isa sambi rak-soragan, “Molja'agi Allah! Moga Allah aberkadi se rabu bit asmana Pangeran. Moga Allah aberkadi Rato Isra'il!”

Dhabuna Isa ka reng-oreng se badha e jadhiya, “La napa' baktona Pottrana Manossa eagungngagiya.