Những câu Kinh Thánh phổ biến từ यूहन्‍ना 6

Chia sẻ

यीशुऐ तियां सोगी बल्लू, “जिन्दगी री रोटी अऊँ हा; जैडा मिन्जो बलै इन्दा सो कदी भी भूखा ना रैहन्दा, अतै जैडा मिन्जो पुर विस्वास करदा सो कदी भी त्रिहणा ना रैहन्दा।

प्रमात्मां री आत्मा ही हा जैड़ी जिन्दगी दिन्दी हा, शरीरिक जोर थऊँ कुछ भी फायदा निय्आ। जैड़ै बचन मैंई तूसु सोगी बलै सो आत्मा अतै जिन्दगी हिन।

तैस खाणै तांयें मेहनत मत करा जैडा खत्म भूच्ची गाणा, पर तैस खाणै तांयें मेहनत करा जैडा अनन्त जिन्दगी तक वणी रैहणा, जैतियो मणु रा पुत्र तुसिओ दिन्दा, क्ओकि पिता प्रमात्मैं तैस पुर ही अपणी मोहर लाऊरी हा।”

क्ओकि मेरै पिता री ऐह मर्जी हा कि जैडा कोई पुत्रा जो हेरला अतै तैस पुर विस्वास करला, सो अनन्त जिन्दगी पा अतै अऊँ आखरी दिन फिरी जीयाऊ।”

यीशुऐ तिंआरैं जवावा मन्ज बल्लू, “प्रमात्मैं रा कम ऐह हा कि जिनी तैसिओ भैजुरा तुहै तैस पुर विस्वास करा।”

सो सब जैडा पिता मिन्जो दिन्दा मिन्जो बलै ईन्दा, अतै जैस कसी मिन्जो बलै ईणा तैस जो मुँ सदा अप्पू बलै रखणा।

शमौन पतरसै तैसिओ जवाव दिता, “हे प्रभु अहै कस वलै गान? अनन्त जिन्दगी रै बचन ता तिजो बलै हिन।

जिन्दगी री रोटी जैड़ी स्वर्गा थऊँ ओसुरी हा, सो अऊँ हा। अगर कोई ऐसा रोटी थऊँ खान्दा, ता तैस सदा जिन्दै रैहणा; अतै जैड़ी रोटी मुँ संसारा जो जिणै तांयें दिणी हा सो मेरा मांस हा।”

मिन्जो बलै मेरै पितै री मर्जी रै बगैर कोई ना ईच्ची सकदा जिनी मिन्जो भैजुरा तैसिओ खिन्जी ना लेय्आ; अतै मुँ सो अन्त रै टैमैं फिरी जी उठाणा।

क्ओकि प्रमात्मां री रोटी सो हा जैड़ी स्वर्गा थऊँ ओसदी हा, अतै ऐस संसारा जो जिन्दगी दिन्दी हा।”

जिन्दगी री रोटी अऊँ हा।

ता यीशुऐ सो रोटी लेई, अतै प्रमात्मां रा धन्यवाद करीके तियां जो जैड़ै बैहुरै थियै बण्ड़ी दिती। अतै मच्छली जो भी तियां ही बन्डी दिता। जैहणै सो खाई करी रजी गै ता यीशुऐ अपणै चेलै सोगी बल्लू, “बचुरै रोटी रै टुकड़ै जो बटोरी लेआ कि कुछ बर्बाद ना भोआ।”

जैहणै सो त्राई-चंऊर मील ही चलै भोलै ता तियैं यीशु जो पाणी पुर चलदै किस्ती री कनारी इन्दै हेरू, अतै सो डरी गै। ता यीशुऐ तियां जो बल्लू, “अऊँ हा; डरा मत।”