Những câu Kinh Thánh phổ biến từ योहान 14

Chia sẻ

नना मीकु सांतितुन हीसि होंचंतन. दुनिया हियानसोंटा सांति आयो, गानि नना नावा सांतितुन मीकु हीसंतन. अदुनहाटीं मिमेट मीवा मनसुन कस्‍टमते वाटमट, वेरिया हियमट.

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

इंका येसु, “मिमेट मीवा मनसुन कस्‍टमते वाटमट. पेनदापोर्रो विस्वासम इर्रट, इंका ना पोर्रोगुडा विस्वासम इर्रट.

अय्नागानि, बाबाल नावा पोरोल्ते लोहना सहायम कियानोर, इत्‍ते पवित्र आत्मा, मीकु अन्‍नि पोल्‍लें करहार. अचोने आयका, नना मीकु वेहता अन्‍नि पोल्‍लें अद मीकु मति कीसि हिय्यार.

बोर अय्ते नना वेहता आदेसकुन स्विकार कीसि अवुन पीसि ताकंतोर, ओरे नाकुन पावरम कियानोर आंदुर. बोर अय्ते नाकुन पावरम कींतोर, ओन नावा बाबालगुडा पावरम कींतोर. पजा ननागुडा ओन पावरम कीसि, नना कुद्‍दु ओन्क दिस अरकन,” इंचि येसु वेहतोर.

अस्‍के नना बाबांक विनंति कींतन. बाबाल मीवाहाटीं बस्‍केळ्‍क मीवातोनि मनालय इंकावरोर सहायम कियानोन हींतोर. आ सहायम कियानोर इत्‍ते, पवित्र आत्मा मीकु सत्‍तेमतुन हुप्‍संता. दुनियातोर दानहेके हूळसेक हिल्‍लुर, दान एरपाट कीसेक हिल्‍लुर. अदुनहाटीं अद दुनियातोर्क दोर्को. गानि मिमेट दान एरपाट कींतिर. बारित्‍ते अद मीवातोनि मंता आनि पजा मीवा लोप्पेन मन्‍नार.

अदुनहाटीं, मिमेट नावा पोरोल्ते बतल तल्‍किना, नावा बाबांक महिमा वायानाहाटीं नना अदुन कींतन. ओक्‍कला मिमेट ना पोरोल्ते बतल तल्‍किना, अद नना कींतन.”

“मिमेटगिंटा नाकुन पावरम कीते, नना वेहता आदेसकुन पीसि ताकट.

नावा बाबाना लोते वेल्‍लेन अर्रां मंतां. ओक्‍कला हिलाकोंटे मंचि मत्‍ते, मीवाहाटीं जेगा तयार कियालय होंचंतन इंचि, नना मीकु वेहचि मन्‍नेन.

नना होंचि अवुन सदुरतंका, मल्सि वासि मीकुन ओंतन. अस्‍के नना मनानगेन, मिमेटगुडा मंदकिट.

अस्‍के तोमल, “निमे बेके होंचंतिनो माकु अय्ते एरपाटे हिल्‍ले सामि! असोंटस्के, माकु नीवा होनना हर्रि बल्हा तेळियंता?” इंचि इत्‍तोर.