Những câu Kinh Thánh phổ biến từ Yôan 14

Chia sẻ

Mi dèkiza ṉwè am̃ènjè, mi pa ṉwè am̃ènjè mam̃. Mi pa pa ṉwè mô ga nte pe ntye yiṉo. Irèm̃i yaṉi y’ayeṉe njuke, ge tya.

Awulinyô yè ne Yesu inè: Myè ne mpoṉo, n’ôrèti, n’em̃èṉo. E zel’ôma wi bya gôre Rerè kaô vo myè.

Irèm̃i yaṉi y’ayeṉe njuke. Ṽekelyaṉi Anyambyè, ko bekelyaṉi myè kè.

Ndô ôzindyô mè wô n’Iṉiṉ’Iṽya, nyi be tôm̃ô ne Rerè gw’ini nyam̃, nyô be nènja ṉwè isam̃u yôdu, ayônginya ṉwè isam̃u yôdu y’awulinyi myè ṉwè.

Ayè yi re n’isômbyi sam̃ avenjavenja sô, ne yè yi tonda myè; n’ayè yi tonda myè e be tondô kè ne Reri yam̃, myè kè mi be tondè, arum̃inyè ôkuṽi wam̃.

Na mi be kambiṉe Rerè, ko yè pa ṉwè ôzindy’ômwèṉè, ko wô dwaṉa na ṉwè pèkèpèkè, wô n’Iṉiṉa ny’ôrèti, nyi re ntye y’ayolye bonge nyô, konde yi pa jeṉa nyô ge mya nyô; ndô aṉw’avôrô nyô konde nyi dwaṉa na ṉwè, nyi be dwaṉa kè gw’irèm̃i yaṉi.

n’ezom̃’edu zi be bambyô ṉwè gôre Rerè gw’ini nyam̃, mi be denda zô, ko Rerè pendizyô gôr’Ômwaṉa. J’aṉw’abamby’ezom̃’edu gw’ini nyam̃, mi be denda zô.

J’aṉw’atonda myè, venjavenjaṉ’isômbyi sam̃.

Gô nagô ya Reri yam̃ ar’alwaṉô am̃enge. Arwe nè yi zele yeṉo, gavoṉo my’atô bulinya ṉwè. Vo mi kènda gô kekiza ṉwè mbôra.

Na ja my’akènda, agekiza ṉwè mbôra, gambèṉè mi be tô fwinya, awonga ṉwè gôre myèmè, inè, mbôra yi re myè aṉwè ga lwaṉe vovo kè.

Tôma awulinyi yè inè: Rera, azwè pa mye mbôra yi kèndô wè, azwè ko mye mpoṉo sèṉi?