Những câu Kinh Thánh phổ biến từ Mark 13

Chia sẻ

Aṉwè be numbô n’aṉaga waôdu, g’ômwanja w’ini nyam̃, ndô ayè yi be sindiṉa kwanga gô ntyay e be sungiṉô.

Ṽandam̃iṉaṉi, ṽèmbagaṉi ko kambiṉaṉi, konde aṉwè pa mya gô be bya egômbe mè.

Na gô be kèndya waô ṉwè gw’ijèkèlya, aviṉa ṉwè gôgô, ayeṉaṉi añandi nte be kamba ṉwè egômbe ṽyagaga ro, ndô wulyaṉi nte be pô ṉwè igwèra mè; konde arang’aṉwè be kamba, ndô Iṉiṉ’Iṽya.

Ôrôṽa ni ntye yi be pyagaṉa, ndô agambi mam̃ m’avyagaṉe du.

G’ômwanja wi ntyugu mè ge igwèra mè, e zel’ôma wi mya nyô, vangaṉe iyenjèl si re g’ôrôṽa, ge Ômwaṉa, ndô kaô Rerè dadyè.

Na gô be jogo ṉwè g’ômwanja w’agoṽi n’intyangô s’agoṽi, azugyazugyôṉi, konde isam̃u yiṉo yi re n’isolo gô bya. Ndô ntyay yi pa twa.

Sambô ṽèmbagaṉi, konde aṉwè pa mya egômbe zi be by’ôma w’aṉivi nagô, twa pe nkôlô, ntyo ôgwèra ṉengeṉenge, ntyo njogoṉi nônga, ntyo ibanga; e vende bya ndumbaga, aliṽinya ṉwè gw’antyôviṉô. Nte bulinya myè ṉwè, yeṉo bulinya myè kè waôdu inè: Ṽèmbagaṉi.

Iṉongo nyi be kum̃aṉa gô nwa n’iṉongo, n’ivenda gô nwa n’iṉongo; e be dwaṉa kè isugyazugya si ntye gw’imbôra sinyenge; e be dwaṉa kè njaṉa.

Ntyangô mbya yi ga lônge kambiṉô gôr’aṉongo môdu.

Konde awenge wi be bya gw’ini nyam̃, awulya inè: Myè ne yè, ko waô temiz’aṉag’awenge.

Siṉo n’ipakilya s’azingô. Ndô ṽandam̃iṉaṉ’ikuṽi yaṉi. Konde wi be piṉa ṉwè gw’ilataṉô y’ijèkèlya, aṉwè be siṽô kè gw’inagô si soṉo; aṉwè be kum̃aṉa gw’azô m’ivangiṉi na gw’azô m’aga, g’ômwanji wam̃, ko yô dwaṉ’ôyeṉi gôre waô.

Konde e be nongw’ikrist s’inôka n’ivogisi y’inôka, alend’isam̃u yi mamô ni lemba gô temiza mongi wi re pinjô pa, ja yô tô jolyô.

Ndô gw’intyugu mèsoṉo, azingô mèmoṉo vya, nkômbe yi be jilangaṉa, n’ôgwèli wi ze bambize nyèṉè iṉangi nyè, n’igègèṉi yi be pôswa avila g’ôrôṽa, n’ingulu si re g’ôrôṽa si be sugyazugyô.