Những câu Kinh Thánh phổ biến từ Yʉanɨ 4

Chia sẻ

Asʉɓɨɨ a 'Ʉtʉma, ɓombi ngiɓa ɓanayɔ kubibiso ɓʉkwanana nayɔ kubibiso ingbaa akʉ 'ʉtʉma nʉ ingbaa akʉ ɓingono.

Ɨkyɛmɨngana, wati wakʉka, nʉ wati nguʉnanɨ wa tiga ʉkɛ uwa ɓombi ngiɓa ɓaabibiso Tidoo akʉ ɓingono, ɓa꞊mubibiso ɨngbaa akʉ 'ʉtʉma nʉ ingono. Jʉ Tidoo aakʉnda ikanzi yɨ ɓombi ngiɓa ɓaamubibiso ndʉ ananɨ.

Ɨkyɛmɨngana, mombi ngia a꞊mwa mepo ngika ɛmɛ ma꞊munzo, ka꞊nɨtanaka tiga ɨkpakpa yɨ ɗei ngia yɛɛ nze ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá.

Gʉ Yeso nayɔ ɓɔ: « Wʉmbɨeni piɛ apɛpɛ ngia wʉ Asʉɓɨɨ, nʉ anɨ iya anɔwɛ kusigio ɓɔ: ‹ Nanzo mepo kɔɔ mʉmwɛ ›, ambʉ́ ɔwɛ kʉ wʉmʉta ɛyɔ mepo, nʉ ambʉ́ ɛyɔ unanzo mepo ngika kaanzo ʉɓɨɨ. »

Yeso ambumutisio ɓɔ: « Idyo ngiisɛmɛ ya tʉkʉ kʉkyɨa ɓʉkʉnda ɓʉ Mombi ngia a꞉natʉma, nʉ kʉndaniso kuu ngia a꞉natʉma kʉkyɨa engo. »

Kija moi ngiinanɨ a꞉musigio ɓɔ: « Makʉʉɓɨɨ, ɔwɛ wambʉkɔmʉ gʉkʉ nʉ ɨkɔchɔ ngia watʉka nayɔ mepo akʉ ɨkɔ yɛɛ ɗu ngia, wa꞊nyɨa tiga nʉ mepo ngika kɔɔ munze ʉɓɨɨ gbanɨ?

Kija moi ngiinanɨ a꞉mutisio ɓɔ: « Makʉmbɨa ɓɔ Masɨa akʉka, iiya ɓaamusoko ɓɔ Klisito. Ati ngia a꞊ka‑ɔɔ a꞊tɨngakanakisio tiga moni kʉ muɓomu. » Yeso ambumutisio ɓɔ: « Mombi ngiinanɨ ya tʉkʉ ɛmɛ ngia kakʉyaka nɔwɛ akɛ. »

« Ikeni, kuneni gue mʉngana iya ʉ꞉ngaka moni ngika ma꞉kyɨa. Ambʉkɔmʉ tɔ Masɨa ɓiɛ?. »