Những câu Kinh Thánh phổ biến từ Matayo 6

Chia sẻ

Pele amutaangune kukapula bwami bwakwe ubululami bwakwe, kwamana shoonse shintu mulakapewa.

Ubobo mutalibilici linji shazona nkaambo bwazona bulakalipakashizha bwini. Kufwumbwa buzuba bulikwete mapakasho ambubo bwini.”

“Ubobo mutalibilici ku makani a bumi bwenu kwaamba ati, no tulakalyaanzhi naa kunwa nikuba kusama. Sa bumi tabubaali ali shakusama? Naa mubili sa toobaali ashisani?

Pele umwe mwakanka kukomba amunjile muŋanda muliyalile mukombe kwa uswenu uulimo, ubobo uswenu ubona shicitwa umasesece, ulakamupa bulumbu.

Inzho mbubolya mbumweelele kukomba, “‘Ushesu uuli kwizeulu, Nalilemekwe izhina lyako, Nabuzhize bwami bwako, nalucitwe luzando lwako, Anshi ano umbona mbuli kwizeulu.

Utupe bwasunu shakulya shesu.

Utulekele milandu yesu, umbona aswe mbutubalekelela bali milandu kulyuuswe.

Utatweenzha mukutepaulwa, Pele utuhune ku mubiyabi.’

“Nkaambo kuti kamubalekelela bamubishizha, uswenu uuli kwizeulu ulakamulecelela shibi nshimwakacita amwe.

Amubalange bazuni tabashangi nikuba kutebula kwaamba bazobole umatala, pele uswenu uuli kwizeulu ula beembela! Sa umwe tamubaali abazuni?

“Mutaakulizobolela lubono anshi ano ngululiwa impezu u sence. U batewu ngubanjila u kwiba. Pele umwe amulizobolele lubono lwenu kwizeulu koko nkulutaliwa impezu u sence u batewu nkubatenjili u kwiba. Nkaambo koko kuli lubono lwako, ati u monzo wako nkuubele.

“Kwiina muntu ukonzha kusebezela bami bobile, nkaambo umwi ulamusula u kufwuna uumwi, naa ulashomeka kuli umwi ukusampaula uumwi. Tamukonzha kusebezela Leza u buhubi.

Pele kuti naa Leza kakonzha kusamika bwizu bufwumbi bwasunu ngubuli uzona bwatentwa, sa takaamusamika cibaala? Anu nkaambonzhi umwe ncimwiina lushomo?

pele umwe nimupa shipo shaluse itashi lyenu lya cimonsho litazhibi ncilicita lya cilyo, kwaamba shipo shenu shaluse shitabonwa ku bantu. Ubobo uswenu uubona shicitwa umasesece, ulakamupa bulumbu.

“Amucenjele kwaamba mutalibonya bululami ku bantu camambonwa, nkaambo kuti mwacita bobo ati mwabula bulumbu kuli uswenu uli kwizeulu.

“Ulimwi mwaakuliimya kulya, mutaakuungumana ukoya bashimantumbwambwa mbubacita. Nkaambo balahunga mashu abo kwaamba woonse muntu ababone ati balaliimya kulya. Cini cini ndamwaambila ati babo bakabutambula kale bulumbu bwabo. Mwaliimya kulya amusambe kumenso, munane mafwuta umutwi, kwaamba bantu batazhibi ati mwaliimya kulya cita bulyo uswenu uzhi shoonse nguukazhiba. Ulimwi wezo uswenu ubona shicitwa mu masesece ulakamulumbula bweelele.