Iivesi zeBhayibhile ezithandwayo ezisuka Ioni 14

Share

Yaʼa nuadaumwala ʼiuna, ta yatautauya be nuadaumwala nana baʼidia yahaʼuya omiʼa maega. Yaʼa nuadaumwala nana yaneineimi. Ta egu nuadaumwala nana ge wese totoa bwaʼobwaʼo adi fata be ina neimi, mana egu nuadaumwala ge davelelelea totoa bwaʼobwaʼo edi nuadaumwala maega. ʼInega ge ona nuanua ta wese ge ona mwaniniva.

ʼInega Ieisu vonea vonaya, “Yaʼa ʼEda nana be Vonahaqiaqi ta wese Yawai ʼiuna. Ta ge taha toga ana fata be nalugu Tamagu ʼinaya mali ʼedega, ta ʼesi yaʼa agu ʼaidega otaqa ʼiguyega nalugu.

ʼInega Ieisu vonedi vonaya, “Ge ona nuanua, ta ʼesi Yaubada ona vetumaqanea, ta wese yaʼa ona vetumaqanegu.

Tamagu agu wawa ʼinega Niboana Gwalagwalana tauna ami Toiula navetunei ʼimia, ta Toiula nana yani taha taha weaqina naveʼitemi, ta wese egu vonayavo qabudi ʼimia weaqidi nagivenuahaʼuyemi.

Ta tomeqabu egu vonayavo ivelumatamatayagedi taudina wese iveveyolubegu. Ta Tamagu naveyolubedi, mana taudi iveveyolubegu, ta yaʼa wese ena veyolubedi. Ta tauguyega ena veʼita ʼifoqeyegu taudi ʼaidega ʼaidega matadia.”

ʼInega Tamagu ena venoqiea ta Toiula taha wese navetunei namai ʼimia ta tuta qabuna maega ona toatoa, ta tauna vonahaqiaqi Niboanina. Ta bwaʼobwaʼo ana tomotauyavo Niboani nana ge ina ʼawahaqiaqiei, mana ge ida ʼitei ta ge ida alamania. Ta ʼesi omiʼa niʼa oalamania, mana tauna omiʼa maega otoatoa, ta wese tauna giwalimia ʼenoʼeno.

Ta ʼeguma agu wawega toyani weaqina ona venoqiegu, ʼinega yaʼa ena veʼiea, mana yaʼa egu viaqayavo ʼidiega Tamagu awatubo lobelobea. Vonahaqiaqi, ʼeguma yani taha taha weaqina agu wawega ona venoqiegu, e ʼinega yaʼa wese ena veʼiea.

“Ta ʼeguma omiʼa oveveyolubegu ʼinega tolaʼai niʼa yavonayedi ʼimia ona matayagedi.

Tamagu ena vanuea sifaufa ʼeala iʼenoʼeno, ta yaʼa yatautauya ʼinaya emi ʼebetoa sabi ʼivaʼavaʼaina. Ta ʼeguma egu vona baʼe ge vonahaqiaqi, ʼinega ge wese eda vonevonemi.

ʼInega ena tauya ta ena ʼivaʼavaʼaia, ta ʼabiboda ena ʼevivi ena mai sabi ʼebeʼewami be yaqisa omiʼa tuta qabuna yaʼa maega egu diʼwe ʼinaya kana toatoa.

ʼInega Tomasi Ieisu ʼinaya vonaya, “Kaiwabu, imaʼa ge ada alamania maʼinaya utautauya, ʼinega maʼoda ʼeda nana ana alamani ʼaiqei?”