Iivesi zeBhayibhile ezithandwayo ezisuka Yahaya 14

Share

M bana baci mi ta̱ a kuzuwa i yaꞋan m ma̱ta̱na̱ a̱ a̱ɗu a̱ ɗa̱. Ma̱ta̱na̱ ma na mi m maꞋa a̱ ka̱ɗu ka̱ va̱ ma ɗa n kuzuwa ɗa̱ i ciya̱. N neke ɗa̱ ma̱ta̱na̱ ma nam pa uteku u na aduniyan e ci neke ba. Ka̱ta̱ i ɓa̱la̱ ka̱tsuma̱ ko i pana wovon ba.

Yesu wu ushuki, “Mpa ɗa uye u na u tsu yotsongu uma ili i mayun koɓolo n u na u ci neke wuma. Babu vuza na u kubana u Dada sai u tono n ubuta̱ u va̱.

Yesu u danai mukumitoni n ni, “Ka̱ta̱ a̱ɗu a̱ ɗa̱ a̱ muɗa̱ ba. Nekei a̱ɗu n Ka̱shile, ka̱ta̱ kpamu i neke a̱ɗu nu mpa.

Amma Ka̱ɓa̱nki ka ki ta̱ o kuyotsongusu ɗa̱ ili dem, ka̱ta̱ u zuwa ɗa̱ kpamu i ciɓa n ili dem i na n danai ɗa̱. Ka̱ɓa̱nki ka nam pa a̱yi ɗa Ayinviki a̱ Ka̱shile a na Dada u kusuku n kula ku va̱.

Vuza na baci de dem u cigai mu, wi ta̱ a kuyaꞋansa ili i na n danai ni u yaꞋan. Dada wi ta̱ a kuciga yi. Mpa feu mi ta̱ a kuciga yi, ka̱ta̱ n yotsongu yi ko yayi mpa.”

Mi ta̱ o kufolono Dada vu va̱, a̱yi kpamu wi ta̱ e kuneke ɗa̱ Ka̱ɓa̱nki ko yoku, vuza na u kushamgba n a̱ɗa̱ ko wanai. A̱yi ɗaɗa Ayinviki a̱ Ka̱shile,† vuza na u yotsongi ukuna u Ka̱shile mayun. Uma a aduniyan a kisa yi ba, adama a na e ene yi ba, ko e yeve yi. Amma a̱ɗa̱ i yeve yi ta̱, adama a na wi ta̱ koɓolo n a̱ɗa̱, wi ta̱ kpamu punu wa̱ ɗa̱.

I folono baci ili dem n kula ku va̱, mi ta̱ a kuyaꞋanka ɗa̱ i ɗa, adama a na Maku ma ma̱ tuka̱ n tsugbayin we Esheku. E, mi ta̱ a kuyaꞋanka ɗa̱ ili dem i na i folonoi mu n kula ku va̱.

“I ciga mu baci, yi ta̱ a kuyaꞋan ili i na n danai ɗa̱ i yaꞋan.

Ubuta̱ wi ida̱shi wi ta̱ ɗe n a̱bunda̱i a kpaꞋa ku Dada vu va̱, mi ta̱ kpamu a kubana ma lapulaka ɗa̱ ubuta̱ wa. Mi ishi a kudana ɗa̱ ili i na nam pa ba, ishi baci ta i ɗa yi nannai ba.

N yaꞋan baci nannai, mpa mi ta̱ o kubono adama a na n ɗika ɗa̱ a kubana wa̱ va̱. Ka̱ta̱ kpamu ci yongo koɓolo.

Ɗa Toma u danai ni, “Vuzagbayin, a̱tsu ci yeve ubuta̱ u na vi a kubana ba. Nini ɗai tsa kuyaꞋan ci yeve uye wa?”