Iivesi zeBhayibhile ezithandwayo ezisuka Luka 6

Share

Nekei, ka̱ta̱ feu e neke ɗa̱: ali mudu ushani mayin, ka̱ta̱ a̱ za̱ka̱tsa̱ o doku a dyanuku u yaꞋan tororo ali u ɓarakpa, ka̱ta̱ a̱ tsunku ɗa̱ a aburuma. Mudu vu na i kunzuki vu ɗaɗa feu a̱ kukunzuku ɗa̱.”

Vuma vu singai kpamu u ci yaꞋan ta̱ ili i singai uteku u na ka̱ɗu ka̱ ni ki. Vuza vu gbani-gbani kpamu u ci yaꞋan ta̱ ili uteku u na wi. Ili i na yi a̱ ka̱ɗu ka vuza i ɗaɗa u tsu dansa.”

Cigai irala i ɗa̱. YaꞋankai le kasingai. Nekei le okopu, ka̱ta̱ i la̱nsa̱ ili i yoku we le ba. Katsupu ka̱ ɗa̱ kpamu ki ta̱ a kuyimkpa, yi ta̱ o kokpo muku m MalaꞋimili, adama a na a̱yi vuza na u ci yaꞋanka uma kasingai ɗa, aza a asuvu a wuya n aza a na a̱ tsu kpa̱ɗa̱ kucikpa ili.

Panai asuvayali uteku u na Esheku a̱ ɗa̱ feu u tsu pana asuvayali a uma.”

Yesu u lyaꞋi kelime, “Ka̱ta̱ i yaꞋanka vuza afada ba, ciya̱ vuza kpamu u kuyaꞋanka ɗa̱ afada ba. Ka̱ta̱ yi ilukpa̱ vuza ba, ciya̱ vuza kpamu wi ilukpa̱ ɗa̱ ba. Cinukpakai n unushi wi itoku i ɗa̱, ka̱ta̱ feu a cinukpaka n u ɗa̱.

Yesu u lyaꞋi kelime, “A̱ɗa̱ vu na yi a kupanaka mu, mi ta̱ a kudana ɗa̱: Cigai irala i ɗa̱, yaꞋankai aza a na a iwain ɗa̱ kasingai. Aza a na a yaꞋankai ɗa̱ una̱, yaꞋankai le una̱singai. YaꞋankai aza a na i a kushika ɗa̱ kavasa.

YaꞋankai uma ili i na yi a kuciga uma a yaꞋanka ɗa̱.

Vuza u ɓasa wu baci a maguji me te, sabaꞋaka yi maguji ma na ma buwai. Vuza na baci u fa̱ba̱na̱i nu kalaba, ka̱ta̱ vu sa̱nka̱ yi ba, neke yi ali m motogu ma̱ nu. Vuza na baci we ecei nu ili dem, neke yi i ɗa. Vuza u fa̱ba̱na̱ wu baci ili, ka̱ta̱ vu bana vi isa i ɗa ba.

Yesu u lyaꞋi kelime, “Maɗanga ma singai ma tsu matsa umaci u gbani-gbani ba. Maɗanga ma gbani-gbani kpamu ma tsu matsa umaci u singai ba.

Adama a na maɗanga dem e ci yeve yi ta̱ a̱ ubuta̱ wu umaci u ni. Va kutaꞋa ma̱biri a maɗanga ma awana ba, ko ma̱ɗimbi† ma kumatsa o kokovu ba.