Iivesi zeBhayibhile ezithandwayo ezisuka Lucas 12

Share

Mãgá parã jida chokꞌai pɨkꞌa pꞌanadaipia bɨ, atu pꞌanɨde mɨ, chi Eperã Akꞌõre Truadepema, cheitꞌee perã.

Maperãpɨ jɨrɨ́tɨ pꞌanapataadaitꞌee iru jua ekꞌari. Mãga ooruta pɨrã, ma ne–inaa jõma iru pꞌanadaitꞌee.

Ichiaba mãgaji: —Kꞌĩrakꞌaupai netꞌaa kꞌɨ̃adai. Eperãarã tꞌãri o–ĩa pꞌanadakꞌaa netꞌaara pꞌe iru pꞌanadairã.

Na pꞌekꞌau eujãdepema ne–inaa pia audú ata kꞌinia bakꞌãri, pɨ tꞌãri araa baitꞌee ma ne–inaa ome. Jõdee ɨtꞌaripema ne–inaa pia audú ata kꞌinia bakꞌãri, pɨ tꞌãri araa baitꞌee mãgɨ́ ne–inaa ome.

Eperã audú kꞌĩsia nɨ̃bɨpa hora aba pida waa chokꞌai ba–e pai.

Maapꞌeda Jesupa mãgaji chi kꞌõpꞌãyoorãmaa: —Mɨa jara bɨ: Kꞌĩsia jõnanáatɨ kꞌãata kꞌodaitꞌee mãgá chokꞌai pꞌanadaitꞌee. Ichiaba kꞌĩsianáatɨ sãga pꞌaru atadaitꞌee.

Parã jida mãgá akꞌɨpari. Parã puda paara irua juasia iru bɨ. Mapa waaweenáatɨ, Tachi Akꞌõrepa parã kꞌiniara iru bapari perã ipanaarã kꞌãyaara.

—Kꞌõpꞌãyoorã, parã mɨchi ovejaarãkꞌa pꞌanɨ. Mapa waaweenáatɨ. Parã chokꞌara–ee pꞌanɨ. Mamĩda Tachi Akꞌõrepa parã kꞌinia iru bɨ. Mapa parã bɨji ichi jua ekꞌari, ichideerã pꞌaneedamerã.

Pɨchá, akꞌɨ́tɨ jã ipanaarã. Ãchia netꞌatau uudakꞌaa, ewadakꞌaa mãikꞌaapa ɨa bɨdakꞌaa chi netꞌatau ɨapatamãi. Mamĩda Tachi Akꞌõrepa ne–inaa teepari kꞌodamerã. ¡Iru–itꞌee parã pipɨara pꞌanɨ ipanaarã kꞌãyaara!

Tachi Akꞌõrepa mãgá ichia ooda pia akꞌɨ bapari perã, kꞌĩsia jõnanáatɨ jɨrɨdaitꞌee ne–inaa kꞌodaitꞌee maa–e pɨrã ne–inaa todaitꞌee.

Tachi Akꞌõrepa na pꞌũajara pia tꞌonopipari. Idi wari wã. Mamĩda nu uratɨdaikꞌãri, tꞌɨpɨtaude paa jõdariitꞌee. Tachi Akꞌõrepa mãgá pia akꞌɨ bɨ pɨrã nepꞌono pꞌũajara tꞌãide nɨ̃bɨ, audupɨara parã akꞌɨ bapariitꞌee, atꞌãri irude makꞌɨara ijãada–e pꞌanɨ mĩda.

Tachi Akꞌõrepa ãchi kꞌĩsia tꞌãridepai kꞌawaapiitꞌee mãikꞌaapa ãchia ne–inaa mera oopata unupiitꞌee.