Iivesi zeBhayibhile ezithandwayo ezisuka JON 14

Share

Chimie mi ngo nunuko atii bibii lyike; ngiika chimie mi nunumi bibii lyike; dohadolo ka bichañ ho ngo nunumi bima lyike. Nunuka ahha heru yo, malo hiimi biiso kiine yo.

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

“Nunu ahha heru yo; Pinii mi henjeto, ngiimi miilañ henjeto.

Hojalo hembyuñnii, Darii Yajiyallo, humina Aba ngiika armyañ pa kiiniñ tiinii, mo nunumi hikha drih atañmi tonsḛr kendoke, ho nunumi hempa dopa miilyi diike hikha ngiika nunu mika luniiñmi.

Hii huko hona ngiika lujubiniiñ donii ho hiimi atii biido nii, hiike huna ngiimi hendo nii; ho hii huna ngiimi hendo nii ngiika Aba lo henko kendo, ho mohmi henchi ho ngo atohmi kakiñ siichi mohmi.”

Ho ngo Aba mi kuchi, ho mo nunumi Hembyuñnii koneya bikiñdo, nunuka agiñho ayu dahepa dabo niipa, jijeka Yajiyallo tiirḛ, humina dohadolo si larii lamanii, niimpalukoda mohmi kapa lama malo mohmi chinya ma; nunu mohmi chindo, niimpalukoda mo nunuka agiñho da, ho nunuko giikiñdo.

Niijalo nunu ngiika armyañ pa kuchi, Ngo hiimi miibi talyi, niimpalukoda Aba mi Oho ko assañ kiinedupa; niijalopa nunu ngiika armyañ pa kuchi, ngo hiimi miibi talyi.

“Nunu matiirḛ ngiimi hendo koda, nunu ngiika lujubiniiñ atañmi atii kendo.

Ngiika aba ka ude ho abuje chidii doke; ho matiirḛ nyima lyimilo, ngo nunumi luko matoha ngo nunupa duko miimyo dupa ilyi ke hiila?

Ho ngo ila ho nunupa duko miimyo tela, Ngo hiira ahkur talyi ho ngo nunumi ingii talyi, niimpalukoda noh ngo da ho nunu miilañmi dagii dupa.

Tomas mohmi lutii, “Attoh, ngunu chima no noh ilyi hiila; niihtañpa ngunu chila kendo lembomi?”