Iivesi zeBhayibhile ezithandwayo ezisuka METHU 7

Share

Kuto, ho nunumi bikiñ doke; meto, ho nunu mepa kendoke, padiñto, ho alyeh miiko bikiñ doke.

Niimpalukoda kone abi kunii atañ lanya biida, ho huna menya donii mepa nyadu, ho hutiina padiñ nyadonii, hiipa miiko bikiñdo.

Hutiina ngiika luniiñmi tapa lala ho hii chulipa miidonii hiike hendinii miyu huna atoh ude mi yalañ hoka pembii donii hiilyañ

Niihtañpa no mihmi niipa miibi kencho hiila hendo, hiitañpa no mohlupa miibito; niimpalukoda siika sike dapo la nyibuhenii atañ.

Hagya ponchu siido ho lembo iru siido, hii sango dalyi hoke ingii donii, ho hiimi lamasii kapa siidonii.

Hagya ponchu hopa ahto; niimpalukoda hagya poro ho lembo hii impyodo, hii byasako dalyi hoke ingiidonii, ho hiiko hopa hempḛr abuje ahnya da.

Nunuya, diimmah siido tiirḛ, chindo niihtañ aya ahmiñayiñ na bikiñ donii nunuka wiinga atañmi, niimkane kayeya nunuka Aba dariiganda hoka duniibo bikiñdo huna mohmi kuchinii!

Halii yo, niimpalukoda nunu mitrḛ halii kemake. Niihtañpa nunu ayakacho katii hiitañ pa nunu mitrḛ halii kendoke, ho niimkane pa nunu khiiliitii hiimkane pa nunu mitrḛ khiilii kendoke.

Ho hutiina ngiika aguñmi tapa lala ho hii chulipa miinya manii hii piicha miyu chulido huna atoh ude mi suru ho pembii donii

Niimpa nunu nunuka anubarmii ka amee hoka hiiri amii pere giiniiñ miya kahado, atoh amee hoka sampo kane giiniiñ miya hempa siimapa? Malo niihtañpa nunu nunuka anubarmii mi lula kendo, Niika amee daka hiirimi lapa toso, niika amee hoya sampo kane pohe giido la?

Hendi nyatolya gollumisu nyibuhenii atañ kokii, nunuko subuñ ammu hokii giitola ahkiñdo hojalo ahha ura hii siipya ke. Nunu mohlumi mohluka ahee loke kala kendonii. Roahee si tareapya ho giidu peha, malo tarro ahee si piita sannii hokii peha?

Hopa, kapane aya sannii hii aya ahee hidu, hojalo ayamanii sannii hii ayamanii ahee hidu.

Aya sannii hii ayamanii ahee hila kemma, hii chulipa ayamanii sannii hiitiirḛ aya ahee hila kemma.

Sannii buhe abi niihna aya ahee hima nii hiimi palo lala la yamuho jopa liikiñdo.